Agosto 2010

Ang Agosto 2010 ay ang ika-8 buwang taong iyon. Nagsimula ito ng Linggo at nagtapos ng Martes pagkatapos ng 31 araw.

Mga pangyayari

Agosto 1, 2010 (Linggo)

Anim katao patay sa mga lalawigan ng Jammu at Kashmir sa Indya matapos ang ikatlong araw ng kaguluhan sa pagitan ng hukbong sandatahan ng Indya at mga separatistang mga Muslim. (Voice of America) Philippine Airlines sinabihan ang 25 mga piloto na bumalik sa trabaho matapos magbitiw ang mga ito ng walang paalam na nagdulot ng pagkansela sa mga paglipad. (Bloomberg via Business Week) Kolombiya itinanggi ang pahayag ng Beneswela na nagpaplano sila nang pag-atake ng militar, isang araw matapos ipahayag ng pangulong Hugo Chávez ng Beneswela na nagpapadala siya ng mga hukbo sa kanilang hangganan.. (CNN) (Xinhua) Pangulo ng Israel Shimon Peres at Pangulo ng Ehipto Hosni Mubarak napagkasunduan na itigil muna ng Israel at Palestina ang direktang usapan. (Jerusalem Post)

Agosto 2, 2010 (Lunes)

Tala ng mga gagawaran ng Gawad Ramon Magsaysay inilabas na. Mag-asawang Pilipino, tatlong Tsino, isang Bangladeshi at isang Hapon paparangalan. (Ramon Magsaysay Award Foundation) (AP via Google) (ABS-CBN News) (Manila Bulletin) Pangulo ng Kuba Raul Castro nangako ng pagluluwag ng kontrol ng estado sa ekonomiya. (BBC) (People's Daily) (Angola Press) Labingwalong katao patay sa sunog sa isang panuluyan ng mga retirado sa Timog Aprika. (BBC) (Times Live South Africa) Hindi bababa sa 33 katao ang nalunod matapos lumubog ang isang bangka sa Lake Albert sa Uganda. (UPI) (AFP) Unyong Europeo nagpahayag na tatapusin na nila ang kanilang misyon para baguhin ang pwersa ng seguridad sa Guinea-Bissau dahil sa lumulubhang sitwasyon sa bansa. (BBC) (News24) Pagdinig sa kaso ng pinuno ng oposisyon sa Malaysia na si Anwar Ibrahim sa kaso ng sodomya naantala hanggang sa Agosto 9. (CNN) Labing-isang katao patay sa pagsagasa ng isang traktor na minamaneho ng isang lasing, marami pang tao nasagasaan sa Tsina. (Reuters Africa) (BBC) (The Hindu) Mga pulitiko sa Nepal hindi nakapaghalal ng bagong Punong Ministro sa pangatlong pagkakataon matapos walang makakakuha ng mayorya alinman sa mga kandidato. (Kantipur) (BBC) (Indian Express) Ilang katao patay sa kasagsagan ng protesta sa Kashmir matapos ang pinakamalalang kontra-pamahalaang kaguluhan sa loob ng dalawang taon. (The Hindu) (BBC) Pinuno ng isang grupong nagnanakaw ng mga kotse sa Pilipinas napatay sa Makati. (Philippine Daily Inquirer) (Manila Bulletin) (ABS-CBN News) (GMA News) Rusya nahaharap sa bagong banta ng maraming malaking sunog sa mga kagubatan ng bansa. (Boton.com) (AP via Google) (BBC News) (Times of India) Hukbong Sandatahan ng Olanda nilisan na ang Apganistan, ang kauna-unahang bansang kaalyado ng NATO na nagpabalik ng hukbo mula sa Apganistan. (CNN) (AP via Google) (BBC News) (Reuters Canada) (Xinhua) (Washington Post)

Agosto 3, 2010 (Martes)

Anim na bata patay sa pagsabog ng isang kotse na ang inaasinta sana'y ang gobernador ng Distrito ng Kandahar sa Apganistan. (LA Times) (New York Times) (The Star) Hindi bababa sa limang pulis nabaril at napatay sa isang tsekpoint sa Baghdad, Irak. (Aljazeera) Siyam na katao, kasama na ang kanyang sarili, patay sa isang manggagawa sa isang insidente sa Hartford Distributors Inc sa Connecticut, Estados Unidos. (France24) (Xinhua) (BBC) Kotse sumabog sa Derry, Hilagang Irlanda, wala namang nasugatan. (The Guardian) (RTÉ) (The Irish Times) Zimbabwe humiling ng paumanhin mula sa mga kinatawan ng Amerika, Alemanya at Unyong Europeo na lumayas sa paglilibing para sa kapatid na babae ni Pangulong Robert Mugabe; mga kinatawan tumangging humingi ng paumanhin. (IOL) (BBC) (News24) Iran tinanggihan ang hiling ng Brasil na kalingain si Sakineh Mohammadi Ashtiani, na nahatulan ng kamatayan sa Iran dahil sa pangangalunya. (AP via The Guardian) Pitong katao ang nililitis sa Kuwait sa akusasyon ng pang-iespiya para sa Iran laban sa Kuwait at Estados Unidos; mga akusado itinanggi ang akusasyon at sinabing pinahirapan sila para umamin. (BBC) Isang prostitute nagpahayag sa paglilitis sa kasong kurapsyon ni Punong Ministro ng Italya Silvio Berlusconi na tumanggap siya nang regalo matapos siyang makasiping sa kama at dalawang iba pa. (The Guardian) Kenya nagpakalat ng karagdagang 18,000 mga pulis sa pagdaraaos ng reperendum na magdedesisyon sa kahihinatnan ng potensyal na bagong Saligang Batas. (Aljazeera)

Agosto 4, 2010 (Miyerkoles)

Taong pinagsususpetsahang nag-eespiya para sa Israel arestado sa Lebanon. (Aljazeera) Hindi bababa sa anim na katao ang patay at mahigit 50 iba pa ang nasugatan sa dalawang pagsabog ng bomba sa kotse sa Kut. (BBC) Bagong Selanda nagkaroon ng kauna-unahang tao na namatay sa pakikipaglaban sa Apganistan; siya rin ang kauna-unahang namatay na sundalo sa pakikipaglaban sa ibang lugar sa loob ng isang dekada. (BBC) (The New Zealand Herald) (The Washington Post) Pangulo ng Rusya Dmitry Medvedev pinutol ang kanyang bakasyon ngayong tag-init para bumalik at magsisante ng ilang matataas na opisyal ng militar matapos masira ng malawakang sunog ang isang himpilang pandagat sa labas ng Moscow. (BBC) Desisyon ng Malacca na payagan ang pagpapakasal ng wala pa sa tamang edad pinuna ng mga grupo ng mga kababaihan. (BBC) (Reuters) (The Sydney Morning Herald) Fidel Castro inaasahang magsasalita sa harap ng pambansang asambleya ng Kuba sa Sabado sa unang pagkakakataon sa loob ng apat na taon; inaasahan na ang kanyang talumpati ay nakatuon sa posibleng digmaang nukleyar na kasasangkutan ng Estados Unidos, Israel at Iran. (The Daily Telegraph) (BBC) (The Star) Mga taga-Kenya bomoto para desisyunan ang kahihinatnan ng maaaring bagong Saligang Batas. (Aljazeera) (BBC) (Reuters) (CNN) Punong Ministro ng Italya Silvio Berlusconi nakaligtas sa boto ng kawalan ng tiwala. (BBC) (The Guardian) (France24) (The Irish Times) Dokka Umarov itinangging nagbitiw na siya bilang pinuno ng a

Agosto 5, 2010 (Huwebes)

Taywan at Singapore nagkasundo na magdaos ng mga pag-uusap ukol sa kasunduan para sa malayang kalakalan. (Focus Taiwan News Channel) (Financial Times) (Xinhua) (BBC) Hindi bababa sa 20 katao ang patay matapos mahulog ang isang bus sa Ilog Jhelum sa kontrolado ng Pakistan na Kashmir. (Peoples Daily) Labingwalong kabataan patay matapos lumubog ang kanilang bangka sa katabi ng Tanzania na Lake Victoria. (News Limited) Babae na umano'y hinalaya ng dalawang pulis lumabas sa telebisyon sa Ehipto kung saan siya ay kinakapanayam ukol sa kanyang karanasan. (BBC) Naitalang pang-aabuso sa bansang Hapon umabot sa pinakamataas simula nang itinala ang mga aksidente isang dekada na ang nakakaraan. (BBC) (The Age) Isang gwardya arestado matapos malaman ng isang pulis ng Brasil ma ang isang bilangguan ay pinapatakbo ng ilang mga bilanggo. (BBC) Dating Punong Ministro ng Australya Kevin Rudd sumama sa kampanya ni Julia Gillard habang nagpapagaling sa operasyon sa kanyang apdo sa pag-atake sa pinuno ng oposisyon na si Tony Abbott. (BBC) Musikerong is Wyclef Jean pormal nang nagpatala para kumandidato sa pagkapangulo ng Hayti. (BBC) (Aljazeera)

Agosto 6, 2010 (Biyernes)

Isa sa mga suspek sa Pamamaslang sa Maguindanao noong nakaraang taon nahuli sa Maguindanao. (ABS-CBN News) (Philippine Star) (Philippine Daily Inquirer) Pagluluwas ng arina at trigo ipinagbawal ni Punong Ministro Vladimir Putin mula Agosto 15 hanggang Disyembre 31 dahil sa pinakamalalang tagtuyot sa kasaysayan ng Rusya. (Reuters) Timog Aprika pinauwi ang embahador nila sa Rwanda. (BBC) (iAfrica) (Reuters Africa) (The Mercury) Hindi bababa sa labing-apat na katao patay sa karahasan sa bilangguan sa Matamoros sa estado ng Tamaulipas sa Mehiko. (BBC) Arestado ang isang babae matapos madiskubre ang mga labi ng mga sanggol na nakalagay sa apat na maleta sa kanyang atik sa Nij Beets, Friesland. (BBC) (news.com.au) (Reuters) (Sky News) Gobernador ng Kalipornya Arnold Schwarzenegger naghain ng mosyon na ibalik ang pagkakasal sa magkaparehas na kasarian sa estado sa lalong madaling panahon. (AFP via The Age) Apat na pangunahing kandidato sa pagkapangulo ng Brasil lumahok sa unang isasahimpapawid na debate. (BBC) Pál Schmitt nagsimula na sa pagiging Pangulo ng Unggarya, bilang kasunod nang paalis na pangulo na si László Sólyom. (Politics.hu) Mga pulitiko ng Nepal bigong maghalal ng punong ministo sa ikaapat na pagkakataon; susubukan nilang muli sa ika-18 n Agosto. (BBC) Usain Bolt nakaranas ng ikalawang pagkatalo sa propesyonal na 100 metrong takbuhan ni Tyson Gay sa Stockholm. (BBC Sport) (The Guardian) (The Daily Telegraph) (The Independent) Bansang Nepal muling susubukang maghalal ng bagong Punong Ministro sa ikaapat na pagkakataon. (Express India) (Malaysia Sun) (Canadian Press via Google) Dalawang katao patay, marami pang sugatan sa banggaan ng dalawang bus, isang trak at isang pickup sa Misuri. (Chicago Tribune) (AP via Google) (ABC News) Dalawa patay at ilan pa sugatan, kasama ang Gobernador ng Sulu, sa pambobomba sa paliparan sa Lungsod ng Zamboanga sa Pilipinas. (PIA) (CNN) (BBC News) (Manila Bulletin) (Philippine Daily Inquirer)

Agosto 7, 2010 (Sabado)

Labing-apat na katao patay at 35 iba pa sugatan sa Basra dahil sa pagsabog na pinaniniwalaang dahil sa due to an explosion, dyeneretor ng kuryente. (BBC) (France24) Tatlong katao ang patay dahil sa bagyo at pagbaha sa Saxony. (Deutsche Welle) Hindi bababa sa 127 katao ang namatay at 2000 pa ang nawawala matapos ang pagguho ng lupa dahil sa malakas na ulan sa Lalawigan ng Gansu sa hilagang-kanluran ng Republikang Popular ng Tsina. (AFP via Google News), (Bloomberg via Business Week) Pangulo ng Iran Mahmoud Ahmadinejad at Pangulo ng Guinea-Bissau Malam Bacai Sanhá nagpulong sa Tehran. (Press TV) Limang pulis na Iraki patay sa magdamagang barilan sa kanlurang Baghdad, samantalang isa pang pulis ang namatay sa labas ng Fallujah. (AP via The Guardian) Pangulo ng Kolombiya Juan Manuel Santos, nangakong pagtitibayin ang pakikipag-ugnayan sa Ecuador at Beneswela. (Xinhua) Lalaking inaakusahan ng pagbubugbog sa asawa sa Bagong Selanda sinalaysaya sa hukuman na nagsasayaw lamang sila ng kanyang asawa ng tardisyunal na sayaw sa Turkiya na kolbasti noong oras na nakita umano ang insidente sa Hawera. (BBC) (Canadian Press) (The New Zealand Herald) (The Daily Telegraph) (The Age) Pangulo ng Paraguay Fernando Lugo nadiskubreng may lymphoma. (Aljazeera) (BBC) (Buenos Aires Herald) Juan Manuel Santos nanumpa na bilang Ika-29 na Pangulo ng Kolombiya, kahalili ni Álvaro Uribe, sa isang pagdiriwan na dinaluhan ng may mahigit na 100 delegasyon mula sa iba't-ibang bansa at samahan. (BBC) (Aljazeera) (France24) (The Irish Times) (CNN) Fidel Castro nagsalita sa harap ng Parlamento ng Kuba upang magbigay babala sa panganib ng digmaang nukleyar sa pagitan ng Estados Unidos at Iran, at inakusahan si Barack Obama nang pagpukaw ng kaguluhan sa Iran at Hilagang Korea at hinihikayat siya na pigilan ang ganung klaseng kaguluhan. (Aljazeera) (BBC)

Agosto 8, 2010 (Linggo)

Pangulong Dmitry Medvedev ng Rusya dumating sa Abkhazia sa kanyang unang pagbisita doon simula nang magdeklara ng ito nang pagsasarili dalawang taon na ang nakakaraan. (RIA Novosti) (Xinhua) (AFP) (BBC) Pangulo ng Mehiko Felipe Calderón nanawagan ng isang debate ukol sa pagsasalegal ng druga. (The Observer) Pangulo ng Timog Korea Lee Myung-Bak pinalitan ang Punong Ministro ng Timog Korea na si Chung Un-chan ni Kim Tae-ho bahagi ng pagpapalit sa gabinete kung saan pito pang ministro ang pinalitan. (AFP via Google News) Mga nagpoprotesta sa Potosí, Bolivia, pinaigting ang protesta laban sa pamahalaan sa pagsisimula ng hindi pagkain at pagputol ng mga riles patungong Tsile. (AFP via Google) (Latin American Herald Tribune) (ABC News) Mahigit 1,000 mga mamamahayag nagmartsa sa Lungsod ng Mehiko bilang protesta sa mga pagpatay at pagkawala ng kanilang mga kasamahan sa buong Mehiko. (Aljazeera) Rwanda naghahanda na para sa halalan sa pagkapangulo, ang ikalawang beses matapos ang pagpatay ng lahi sa Rwanda noong 1994. (Aljazeera)

Agosto 9, 2010 (Lunes)

Pinuno ng Hezbollah na si Hassan Nasrallah ipinahayag sa isang pres-konperensiya na mayroon siyang ebedinsya na magdadawit sa Israel sa pagpatay noong 2005 kay Punong Ministro ng Lebanon Rafic Hariri, na namatay kasama ang dalawampu't dalawang iba pa. (Aljazeera) Timog Korea sinabing nagpaputok ng 100 beses ng artilerya ang Hilagang Korea sa Dagat Hapon malapit sa hangganan na nagbibigay tingkad sa pagtaas ng tensyon sa Tangway ng Korea. (Los Angeles Times) (China Daily) Mga mamamahayag sa Timog Aprika naglunsad ng kampanya para tutulan ang inihaing batas na maaaring maglimita sa malayang pamamahayag. (BBC) Dating Pangulo ng Mehiko Vicente Fox nanawagan sa pagsasalegal ng druga sa Mehiko. (BBC) Sudan ipinagbawal ang BBC Arabic sa Khartoum at tatlo pang lungsod. (BBC) (Reuters) (News24)

Agosto 10, 2010 (Martes)

Lindol na may kalakhang 7.6 at maliit na tsunami tumama sa Banwatu sa Karagatang Pasipiko. (AFP via Yahoo News Australia), (INO) Guatemala naglabas ng papel ng pag-aresto sa labingwalong matataas na opisyal at mga pulis na pumatay ng pitong bilanggo noong 2006. (BBC) Pangulong Barack Obama ng Estados Unidos nilagdaan ang $26 bilyong batas para makatulong sa pagsapat ng mga salaping-gugulin ng mga estado. (Reuters) Samahan ng Pandaigdigang Kalusugan iniulat na tapos na ang malawakang sakit na H1N1 na kumitil ng 18,000 katao sa buong mundo. (CBC) (WHO) Usain Bolt napinsala ang likod na naging dahilan upang hindi na siya makasali sa lahat ng kompetisyon sa buong taon. (Jamaica Observer) (BBC Sport) (Herald Sun) (The Mercury)

Agosto 11, 2010 (Miyerkoles)

Papa Benedicto XVI tinanggihan ang pagbibitiw nang mga obispo sa Irlanda na sina Eamonn Walsh at Raymond Field, na nagbitiw noong Pasko dahil sa kritisismo sa Murphy Report sa mga sekswal na pagn-aabuso sa mga bata. (BBC) (The Irish Times) (RTÉ) (The Guardian) (The Washington Post) Fidel Castro sinang-ayunan ang sinabi ng isang dating ahente ng karunungan ng U.S. na nagbabalak ang Israel ng mabilisang pag-atake sa Iran, subalit hindi sisimulan ng Israel ang giyera dahil malulugi sila sa bilang. (Xinhua) Walong sundalong Iraki patay at apat na iba pa ang sugatan sa pagsabog sa isang bahay sa Diyala. (Aljazeera) (BBC)

Agosto 12, 2010 (Huwebes)

Tatlong katao ang arestado sa paghagis ng granada sa kabisera ng Rwanda na Kigali na ikinasugat ng ilang tao. (BBC) Ekonomiya ng Gresya lalong bumagsak. (BBC) Mga pamatay-sunog ng Portugal inaapula ang ilang dosenang malawakang sunog sa kagubatan kung saan dalawa na ang naiulat na namatay. (BBC) Hindi bababa sa 58 katao patay matapos mahulog sa Lawa ng Tanganyika sa Timog Kivu ang isang trak. (Daily Times) (AFP via Google News) (BBC) (Press TV) (Reuters) Dating Pangulo ng Pangkalahatang Kapulungan ng mga Bansang Nagkakaisa at Pangulo ng Malta na si Guido de Marco, na nanguna para makasali ang Malta sa Unyong Europeo, namatay ng biglaan matapos makabawi sa pag-opera, na ikinagulat ng buong bansa. (Malta Today) (TVNZ) (AP via Google News) (The Voice of Russia) (The Times of Malta) Pangulo ng Mehiko Felipe Calderón nagsagawa ng mga konperensya laban sa krimen. (Aljazeera)

Agosto 13, 2010 (Biyernes)

Apat na katawan natagpuan sa isang hindi na pinupuntahang lugar sa isang minahan sa Timog Aprika. (BBC) Malakas na lindol yumanig malapit sa Guam. (BBC) Pangulo ng Estados Unidos Barack Obama lumagda ng batas na nagdaragdag ng seguridad ng bansa sa Mehiko. (BBC) (Reuters India) (The Asian Age) Sri Lanka hinatulan ang dating pinuno ng militar na is Sarath Fonseka dahil sa pakikilahok sa pulitika habang nasa serbisyo. (Sunday Leader) (Aljazeera) (AFP) Burma inilahad na gaganapin ang unang halalan sa loob ng dalawamgpung taon sa Ika-7 ng Nobyembre. (AAP via Sydney Morning Herald) (BBC) (Aljazeera)

Agosto 14, 2010 (Sabado)

Siyam katao patay sa kaguluhan sa Puntland. (Press TV) Anim na pulis patay sa pag-atake sa Baghdad, kung saan dalawang katawan ang nasunog sa harap ng publiko. (Aljazeera) (AFP via Google News) Nigeria nahaharap umano sa pinakamalalang taggutom, mas malala pa kesa noong 2005 kung saan libo libo ang namatay sa gutom, ayon sa Nagkakaisang mga Bansa. (BBC) (AP via San Jose Mercury News) Ipinahayag ng Rusya na unti-unti na nilang naaapula ang malawakang sunog sa kagubatan. (RIA Novosti)

Agosto 15, 2010 (Linggo)

Kalihim-Heneral ng Nagkakaisang mga Bansa Ban Ki-moon bumisita sa Pakistan para usisain ang mga tulong para sa Pagbaha sa Pakistan. (CNN) (BBC) (Aljazeera) Kaso laban sa limang lalaki mula sa Irak, na inakusahan ng pagpatay sa anim na pulis ng Britanya noong 2003, iniurong na. (BBC) Apat na 4 aktibistang Shia Muslim arestado sa Bahrain. (BBC) Punong Ministro ng Australya Julia Gillard pinagtanggol ang kontrobersyal nyang plano na gumawa ng asambleya ng mga mamamayan na bubuuin ng 150 na mga Australyano na pipiliin ng walang basehan na tatalakay sa pagbabago ng klima. (The Sydney Morning Herald)

Agosto 16, 2010 (Lunes)

Estado ng kagipitan tinanggal na sa tatlo pang lalawigan sa Taylandiya subalit hindi pa rin sa Bangkok. (Toronto Sun) (Reuters Africa) (AFP via Google) (CNN News) Hindi bababa sa dalawang katao ang sugatan matapos masabugan ng granada sa labas ng istasyon ng telebisyon na Televisa sa Monterrey, Nuevo León, Mehiko. (Al Jazeera) (CNN) Malta inilibing na si pangulong Guido de Marco sa pamamagitan ng paglilibing na pang-estado. (The Times) (The Malta Independent) Boksingerong Briton na pinaghihinalaang suspek sa pagkamatay ng isang dating marino sa Estados Unidos, pinaghahahanap sa Taylandiya. (BBC News) (AP via Google) (Sky News)

Agosto 17, 2010 (Martes)

Dalawang sundalo ng NATO patay sa pambobomba ng Taliban sa silangang Apganistan; dalawa pang sibilyan patay rin. (Sydney Morning Herald) (AP via Google) Isang helikopter ng Hukbong Dagat ng Pilipinas sa dagat malapit sa Lungsod ng Zamboanga sa Pilipinas, dalawang piloto nawawala. (Xinhua) (ABS-CBN News) (Philippine Daily Inquirer) Pitong mangingisdang taga-Malaysia pinalaya na ng Indonesya; tatlong opisyal ng Ministro ng Usaping Pandagat at Pangisdaan ng Indonesya pinauwi na mula sa Malaysia. (Jakarta Post) (The Star) (Bernamae) Isang Tsinong mangangalakal dinukot ng mga armadong kalalakihan sa Lungsod ng Cotabato. (AFP via Google) (GMA News) (ABS-CBN News) (Strait Times) (Philippine Daily Inquirer) Limang manggagawa para sa programa sa tulong ng UN at Kilusang Pandaigdig ng Pulang Krus mula sa estado ng Kanlurang Darfur pinaalis ng Sudan. (Times Of India) (Reuters Africa) (Al Jazeera) (AFP via Google) Sampung bagong planta ng Uranyo planong itayo ng Iran sa bundok sa susunod na taon. (CNN) (ABC News) (The Telegraph) (AP via Google) (The Guardian)

Agosto 18, 2010 (Miyerkoles)

Mga mambabatas sa Taywan inaprubahan ang makasaysayang kasuduan sa kalakalan sa pagitan ng bansa at ng Republikang Popular ng Tsina. (BBC News) AP via Google) (Reuters) (Sydney Morning Herald) Lalaking taga - Suwisa na nagbandal sa Singapore nadagdagan ng dalawang buwan ang pagkakakulong. (Channel News Asia) (Strait Times) (AP via Google) Resulta ng pagsusuri sa DNA ng dating Kampeon sa Pandaigdigang Ahedres na si Bobby Fischer nagpatunay na hindi siya ang ama ng isang Pilipina. (BBC News) (Reuters Canada) (The Independent) (Sydney Morning Herald) Lalaki mula sa Malaysia arestado sa NAIA matapos mahulihan ng 14 na kilo ng shabu. (GMA News) (ABS-CBN News) (Jakarta Post) Hindi bababa sa 46 na katao patay sa pag-atake ng lalaking nagpasabog ng kanyang sarili sa lugar ng pangangalap ng bagong kasapi ng hukbong sandatahan ng Irak. (BBC News) (The Washington Post) (CNN) (LA Times) (AP via Google) Hindi bababa sa 35 katao ang patay matapos malaglag sa bangin ang isang bus sa lalawigan ng Benguet sa Pilipinas. (AP via Google) (CNN) (Manila Bulletin) (Philippine Daily Inquirer) (Xinhua)

Agosto 19, 2010 (Huwebes)

Bahay ng mga paru-paro ni Winston Churchill muling isinaayos. (The Independent) Apatnapung katao ang nasugatan matapos tumalon ang isang toro sa mga tao sa Tafalla, Espanya; pinatay ang toro. (BBC) (The Guardian) (Aljazeera) (The Independent) Hilagang Korea kinompirma ang paghuli sa mga pangisdang bangka ng Timog Korea dalawang linggo na ang nakakalipas, kung saan apat na taga Timog Korea at tatlong Intsik na manlalayag ang nakasakay. (Yonhap) (AFP) (Korea Times) Pagbibigay ng danyos sa mga tindahan na magbibigay ng libreng plastik legal na sa Lungsod ng Mehiko bilang hakbang para sa kapaligiran. (BBC) Tinatayang may isang libong mga bilanggo pinakawalan sa Bangladesh sa pagsubok ng bansa na paliitin ang sobrang daming bilanggo sa kanilang mga piitan. (BBC) Isang hukuman sa Perth, Australya, ipinag-utos ang pag-aalis ng mga babaeng Muslim ng kanilang niqab kapag nagbibigay ng ebidensya. (BBC) Mga kinauukulan ng Burma nagpalabas ng labingtatlong bagong alituntunin sa pangangampanya para sa pangkalahatang halalan sa Nobyembre. (Al Jazeera) (Sify)

Agosto 20, 2010 (Biyernes)

Daan-daang mga paglipad ng eroplano sa Belhika, Alemanya, Luxembourg at Olanda naantala dahil sa problema sa kontrol ng trapikong panghimpapawid. (BBC) Pransya patuloy pa rin ang pagpapauwi sa mga Roma samantalang kinokondena naman ito ng Batikano. (Aljazeera) (The Daily Telegraph) (News24) Israel at Palestina nagkasundo na ibalik ang usapang pangkapayaapan sa ika-2 ng Setyembre. (The Guardian) (Aljazeera) (Xinhua) (The New York Times) Isang hukom iniutos na dapat harapi ni dating Pangulong Alfonso Portillo ng Guatemala ang paglilitis sa kasong korapsyon. (BBC) Libo-libong katao nagtipon bilang pagsuporta sa punong-bayan ng Osh matapos kumalat ang usap-usapan na tinanggal siya ng pansamantalang pamahalaan ng Kyrgyzstan. (Aljazeera) Balangkas na batas para sa pagbubukas ng mga industriya ng kuryenteng nukleyar sa mga pribadong namumuhunan inaprubahan na sa Indya. (BBC)

Agosto 21, 2010 (Sabado)

Hindi bababa sa 10 nagpoprotesta laban sa pamahalaan ang namatay sa pagsabog ng bomba sa Mogadishu; kasama sa mga namatay ang mga taong galing sa Apganistan, Algeria, Indya at Pakistan. (BBC) Halos 35 katao ang binihag ng ilang nagbebenta ng druga sa isang hotel ng mga turista sa São Conrado, Rio de Janeiro; isang babae na may kaugnayan sa kanila ang napatay. (BBC) Palestina nagbabala na maaaring masira ng mga gusaling nakatayo sa mga okupadong lupa ng Israel ang negosasyon. (Aljazeera) Musikerong si Wyclef Jean pormal nang idineklarang hindi angkop na maging kandidato sa pagkapangulo sa halalan sa Hayti. (Aljazeera) (BBC) (CNN) (Press Association via Google News)

Agosto 22, 2010 (Linggo)

Isang sundalo ng Beneswela nagpaputok sa isang base ng hukbo sa kabisera na Caracas, dalawang opisyal patay, anim na iba pa sugatan. (BBC) (AP) Pilipinas at Estados Unidos nagsagawa ng magkasamang pagsasanay ng hukbo. (Xinhua) Pulisya ng Brasil nailigtas na ang mga bihag mula sa InterContinental sa São Conrado, Rio de Janeiro. (Al Jazeera) Lahat ng tatlumpo't tatlong minero sa Tsile na natabunan sa ilalim ng lupa natagpuang buhay pagkatapos ng 17 araw, subalit hindi pa rin nakukuha mula sa minahan at nananatiling nakakulong doon. (AP via Google News) (BBC) (Reuters via France24) (Aljazeera) Apat na katawan ng tao na walang ulo at paa natagpuan ng mga pulis na nakasabit sa kanilang bukong-bukong mula sa isang tulay sa labas ng Cuernavaca, Morelos. (BBC)

Agosto 23, 2010 (Lunes)

Dalawang kasapi ng Pandaigdigang Pwersa ng Tulong para sa Katiwasayan ng NATO patay sa pagsabog sa Apganistan. (AFP via Google News) Mahigit 17 katao, kasama na ang kasapi ng Pambansang Asambleya ng Pakistan na si Maulana Noor Mohammed Wazir, ang namatay sa pambobomba sa isang moske sa rehiyon ng Timog Waziristan sa Pakistan. (Economic Times of India) Jimena Navarrete, na kumakatawan sa Mehiko nanalong Miss Universe 2010. (AP via News OK) Kambodya at Taylandiya pinanumbalik ang diplomatikong ugnayan matapos magbitiw si dating Punong Ministro Thaksin Shinawatra ng Taylandiya sa kanyang tungkulin bilang tagapayo sa ekonomiya ng Pamahalaan ng Kambodya. (Thai News Agency) (BBC) Dalawang tonelada ng garing ng elepante at limang sungay ng rhino na binalutan upang magmukhang abukado na patungong Malaysia nasabat sa Nairobi, Kenya. (Kenya Broadcasting Corporation) (Reuters) Tsina pinag-iisipang tanggalin ang parusang kamatayan sa ilang krimeng pang-ekonomiya. (BBC) (Xinhua) (AFP) Dalawampu't limang bilanggo, kasama ang ilang militanteng Islam, tumakas sa bilangguan sa Dushanbe, Tajikistan. (BBC) (Bangkok Post) (ITAR-TASS) Isang natiwalag na pulis na tagasiyasat nambihag ng isang bus na pagmamay-ari ng Hong Thai Travel at lahat ng 25 kataong sakay nito na pawang mga turista mula sa Hong Kong sa Manila para manawagan sa kanyang pagkabalik sa trabaho. Napatay siya kalaunan. Hindi bababa sa 7 bihat ang namatay at dalawa pa ang malubhang nasugatan. (Al Jazeera) (CNN) (Philippine Inquirer)

Agosto 24, 2010 (Martes)

Mga paseguro sa Pamilihang Sapi ng Pilipinas bumagsak isang araw matapos ang Pagbibihag ng bus sa Maynila (2010). (Businessweek) Henan Airlines Flight 8387, na may lulan na 91 katao, lumampas sa runway at nagliyab sa lungsod ng Yichun sa Heilongjiang, hilagang-silangan ng Tsina; hindi bababa sa 43 katao ang naiulat na namatay. (AP) (Xinhua) (BBC) Agni Air Flight 101, isang maliit na eroplanong may lulang labing-apat na katao, bumagsak sa Distrito ng Makwanpur sa Nepal; walang inaasahang makakaligtas. (Kantipur) (CNN)

Agosto 25, 2010 (Miyerkoles)

Isang bus ng paaralan nabangga ng tren sa Cape Town, Timog Aprika, hindi bababa sa siyam na mag-aaral patay at lima pa sugatan. (AP via The Globe and Mail) Hindi bababa sa 29 katao ang patay sa Konggo matapos bumagsak ang isang eroplano ng Filair malapit sa Bandundu. (BBC),(Yahoo) Dating Pangulo ng Estados Unidos Jimmy Carter dumating na sa Hilagang Korea para makipag-usap ukol sa paglaya ng mamamayan ng Estados Unidos na si Aijalon Gomes. (CNN) Dalawang suspek arestado sa Ottawa dahil sa umano'y mga paglabag na kaugnay ng terorismo. (CTV)

Agosto 26, 2010 (Huwebes)

Malawakang protesta ng mga tagapagserbisyo sibil sa Timog Aprika patuloy pa rin sa paghingi ng mas magandang sahod at mga benepisyo. (Al Jazeera) Tanggapan ng pangulo ng Timog Korea nagpahayag na bibisita ang pinuno ng Timog Korea na si Kim Jong-il sa Tsina sa ikalawang pagkakataon ngayong taon. (Yonhap) (Wall Street Journal) (Al Jazeera) Mehiko nanawagan ng tulong sa mga kalapit bansa sa Latinong Amerika sa pagtukoy sa pagkakakilanlan ng 72 katao nakitang patay sa Tamaulipas. (AFP via The Age) MP ng Kapuluang Solomon na si Steve Laore namatay, na nagdala sa bilang ng mayorya sa batasan ng bagong halal na Punong Ministro Danny Philip sa isa. (Agence France Presse) Ichiro Ozawa ng Partido Demokratiko ng Hapon nagpahayag ng paghamon sa pamumuno sa Punong Ministro ng Hapon Naoto Kan kung saan gaganapin ang botohan sa Setyembre 14. (Reuters)

Agosto 27, 2010 (Biyernes)

Minamaltratong kasambahay mula sa Sri Lanka sasailalim sa pagtistis matapos makitaan ng hindi bababa sa 20 pako sa kanyang katawan. (Reuters) (BBC News) (CNN) Dating Pangulo ng Estados Unidos Jimmy Carter naging matagumpay sa pagbawi at pagpapalaya mula sa Hilagang Korea sa isang mamamayan ng Estados Unidos na si Aijalon Gomes. (AFP via Google) (The Australian) (CNN) (Reuters) Isang granada sumabog sa Bangkok, Taylandiya isang gwardiya sugatan. (BBC News) (Reuters) (AFP via Google)

Agosto 28, 2010 (Sabado)

Pandaigdigang Hukuman ng Krimen iniulat ang Kenya sa Kapulungang Panseguridad ng Mga Bansang Nagkakaisa dahil sa pagbisita ng Pangulo ng Sudan ng Omar al-Bashir sa bansa. (BBC) (The Standard) Rwanda nagbanta na lilimitahan ang pakikipag-ugnayan sa Nagkakaisang mga Bansa matapos akusahan ng isang ulat ang bansa ng mga krimen ng pakikidigma sa kalapit-bansang Demokratikong Republika ng Konggo. (AFP) Bundok Sinabung sa Sumatra, Indonesya, sumabog. Libo-libong katao pinalikas. (The Jakarta Post) (Wikinews) Isang guro sa isang sikat na paaralan sa Vancouver, Kanada arestado dahil sa pagkakasangkot sa pandaigdigang pornograpiya ng mga bata. (AFP via Google) (The Vancouver Sun) (Toronto Sun) Labingpitong gulang na anak na babae ng Embahador ng Estados Unidos sa Taylandiya Eric John, nahulog mula sa ika-25 na palapag, patay. (The Telegraph) (New York Times) (BBC News) (AP via Google)

Agosto 29, 2010 (Linggo)

Walumpong libong katao naglunsad ng pagkilos sa Hong Kong matapos sa madugong pagbibihag sa Pilipinas noong nakaraang linggo. (Aljazeera) (BBC) (Bangkok Post) (The Independent) Isang katao ang patay sa pagsabog ng bulkang Sinabung sa Sumatra na nagbunsod sa paglalagay sa mataas na alerto sa lugar dahil ito ang kauna-unahang beses na sumabog ito sa loob ng 400 taon. (ABC News Online) (AFP via Google News) (DPA via Monsters and Critics) Hindi bababa sa 38 katao, kasama ang tsuper, ang namatay sa Ekwador nang malaglag ang isang bus mula sa isang bangin sa kabisera na Quito, matapos umanong makatulog ang tsuper. (Reuters Africa) (Sky News Australia) Hindi pa nakikilalang lalaki pinatay si Marco Antonio Leal Garcia, ang punong-bayan ng maliit ng bayan ng Hidalgo sa Tamaulipas, Mehiko. (AFP via Sydney Morning Herald)

Agosto 30, 2010 (Lunes)

Dalawang pilotong Ruso dinuko sa rehiyon ng kanlurang Darfur sa Sudan. (RIA Novosti) (BBC) Isang politiko sa katimugang Nigeria binihag ng isang lalaki, ilang araw matapos bihagin ang isang tagasuporta ni Pangulong Goodluck Jonathan. (News24) (Xinhua) 42 katao patay, 11 pa sugatan sa pagbangga ng isang bus mga 55 milyasa timog ng Quito, Ekwador.(CNN) Tsina at Hilagang Korea kinilala ang pagbisita ng pinuno ng Hilagang Korea na si Kim Jong Il sa Tsina kamakailan at nakipagtagpo kay Pangulong Hu Jintao. (UK Press Association via Google News) (Xinhua) (The Chosun Ilbo) (Daily Times) 3,200 mga opisyal ng pulis na ang natanggal ngayong taon ng pederal na hukbo ng pulisya ng Mehiko dahil sa iba pang mga aktibidad. (BBC) (AP via France24) (Aljazeera) Usapan nagsimula na sa pagitan ng pamahalaan at mga manggagawa para sa mas magandang kondisyon sa Timog Aprika sa ikatlong linggo ng kaguluhan kung saan ikinakalat na ang mga hukbo. (BBC) (TIMES Live) (Reuters)

Agosto 31, 2010 (Martes)

Labing-apat na katao patay at iba pa sugatan sa pagsabog ng bomba sa lansangan sa kapital ng Somalia na Mogadishu. (Al Jazeera) Tatlong Rusong tripulante ng eroplano na dinukot sa rehiyon ng Darfur sa Sudan pinakawalan na. (Reuters) (RIA Novosti) Pamahalaan ng Timog Aprika pinaganda ang pasweldo sa mahigit isang milyong manggagawa sa pagsubok na tapusin ang dalawang linggong pagkilos sa bansa. (AllAfrica.com) (BBC) (CNN)

Tala ng mga Pangyayari ayon sa Buwan

2013: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2012: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2011: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2010: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2009: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2008: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2007: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2006: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2005: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre