Ang Marikit na May-damit
Mula sa Tagalog na Wikipedia, ang malayang ensiklopedya
 |
| Ang Marikit na May-damit |
| Francisco de Goya, 1800-1805 (c. 1803) |
| Langis sa kanbas |
| 97 × 190 cm |
| Museo del Prado, Madrid |
Ang dibuhong Ang Marikit na May-damit (Kastila La maja vestida, ang orihinal na pamagat; Ingles: The Clothed Maja) ay isang larawang ipininta ng Kastilang pintor na si Francisco de Goya noong pagitan ng 1798 at 1805. Ito ang nadadamitang bersyon ng Ang Marikit na Walang-damit at nakatanghal na katabi nito sa nag-iisang silid sa Museong Prado sa Madrid. Naging unang pag-aari ito ng Punong Ministrong si Manuel de Godoy, isang kilalang babaero. Una itong itinanghal ni de Godoy sa kaniyang tahanan sa harap ng bersyong walang-kasuotan, sa isang paraan kung saan ang walang kasuotang maja (ang "marikit" o "kaakit-akit") ay mailalantad anumang oras sa tulong ng isang mekanismong panghila sa kurtinang tabing nito.
