Ang Munting Prinsipe

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Ang Munting Prinsipe
Cov filipino1.jpg
Pabalat ng Ang Munting Prinsipe (bersiyong Tagalog)
Buod
May-akda Antoine de Saint-Exupéry
Orihinal na pamagat Le Petit Prince
Tagaguhit Antoine de Saint-Exupéry
Disenyo ng pabalat Antoine de Saint-Exupéry
Bansa Watawat ng Estados Unidos Estados Unidos
Watawat ng Pransiya Pransiya
Wika Pranses
Naglimbag Reynal & Hitchcock
(Estados Unidos)
Petsa ng paglimbag 1943
Bilang ng pahina 97
ISBN ISBN 978-0-15-202398-0 (Ingles, Estados Unidos)
Bersiyon sa Tagalog
Nagsalin Desiderio Ching
Naglimbag Claretian Productions
Petsa ng paglimbag 1991
Bilang ng pahina 94
ISBN ISBN 971-501488-7

Ang Ang Munting Prinsipe (Pranses: Le Petit Prince, Ingles: The Little Prince) ay isang maigsing nobelang isinulat ni Antoine de Saint-Exupéry, isang piloto at manunulat na Pranses. Kilala rin ang aklat bilang pinakakilalang aklat sa wikang Pranses at sa Pransiya.

Sa Pilipinas, inilabas noong 1991 ang isang salin ng Ang Munting Prinsipe na isinalin ni Desiderio Ching, at inilimbag ng Claretian Productions. Noong 1998, inilimbag naman ng Claretian Productions ang isang makabagong edisyon nito.

Mga Katanda-tandang Linya[baguhin | baguhin ang batayan]

  • Narito ang lihim ko. Napakasimple nito: sa pamamagitan ng puso makakakitang mabuti. Hindi kita ng mata ang pinakapuso ng mga bagay.
  • Ah! Munting prinsipe, naintindihan ko rin unti-unti ang malungkot na munti mong buhay. Matagal na panahon na na ang masarap pakiramdamang paglubog ng araw ang siya mong libangan. Nalaman ko ang bagong detalyeng ito, umaga ng ika'pat na araw, nang sabihin mo sa akin: Gustung-gusto ko ang paglubog ng araw.

Mga Tauhan sa Ibang Asteroid (Asteroid 325, 326, 327, 328, 329 at 330)[baguhin | baguhin ang batayan]

  • Ang Hari na sumasakop ng "lahat". Inuutos niya sa kanyang mga "nasasakupan" na gawin ang mga bagay na mismong ginagawa na nila. Ang kaniyang paliwanag, "Ang kayang ibigay ng bawat isa ang kailangang hingin sa bawat isa". Nang paalis ang munting prinsipe ng walang utos mula sa hari, pahabol na ginawang ambassador ng hari ang munting prinsipe para siya ay umalis sa ilalim pa rin ng utos ng hari.
  • Ang Taong Hambog na mag-isa sa kaniyang planeta ngunit tinuturing ang sinuman na kaniyang tagahanga. Ang kaniyang tanging hiling ay hangaan siya ng iba, pati ng munting prinsipe.
  • Ang Lasenggo na tahimik na umiinom para makalimot sa kaniyang ikinahihiyang pag-inom. Bumigat ang loob ng munting prinsipe sa kaniyang pagbisita sa lasenggo.
  • Ang Negosyante na abalang-abala sa kaniyang pagbibilang ng mga bituin na inaangkin niya. Ang paliwanag ng negosyante ay siya ang mosmong nakaisip na mag may-ari sa mga bituin kaya't sya ang may-ari sa kanila.
  • Ang Tagasindi ng Ilaw na nakatira sa isang asteroid kung saan sapat lang ang lugar para sa ilaw at sa tagasindi. Noon, inatasan siyang na tagasindi ng ilaw sa gabi at taga-patay sa umaga. Sa paglipas ng panahon, bumilis ang ikot ng planeta, hanggang naging patay-sindi ang ilaw kada minuto, walang pahinga. Ganoon na lang ang dedikasyon ng tagasindi sa kaniyang trabaho at hinangaan siya ng tapat ng munting prinsipe. Ang tagasindi ang tanging matanda na hindi katawa-tawa sa mata ng prinsipe sapagkat siya lamang ang nag-iisip ng ibang bagay at hindi lamang ang kaniyang sarili.
  • Ang Heograpo na abala sa pagtala ng mga namasid ng mga eksplorer sa kanilang paglalakbay. Lumilipas ang panahon ng heograpo na nakaupo sa mesa, sumusulat ng mga libro sa heograpiya. Ngunit hindi niya alam kung ano ang nasa kaniyang planeta sapagkat hindi siya umaalis sa kaniyang puwesto at ang paglakabay at pagdiskubre ay, para sa kaniya, trabaho ng isang eksplorer. Ang mga salaysay ay sinusulat muna ng heograpo gamit ang lapis. Pagkatapos mapatunayan ng eksplorer ang kaniyang nakita ay saka pa lang ito isunusulat ng tinta. Ang halimbawa ng pruweba na hinihingi ng heograpo ay malalaking bato kung ang isinalaysay ay isang malaking bundok. Nang inanyayahan niya ang munting prinsipe na ilarawan ang kaniyang planeta, binanggit ng munting prinsipe ang kaniyang mga bulkan at ang kaniyang rosas. Sinabihan siya ng heograpo na hindi tinatala ang mga bulaklak dahil ito ay panandalian lamang. Dahil dito, nanghinayang ang munting prinsipe. Pinayuhan siya ng heograpo na bumisita sa Lupa.

Mga kawing panlabas[baguhin | baguhin ang batayan]