Aram Naharaim

Ang Aram Naharaim o Aram-Naharaim, na nangangahulugang "Aram ng Dalawang mga Ilog", ay isang rehiyong limang ulit na binanggit sa Lumang Tipan ng Bibliya. Karaniwang itong iniuugnay sa Nahrima na binanggit sa tatlong tabla ng pakikipag-ugnayang Amarna bilang isang heograpikong paglalarawan ng kaharian ng Mitanni. Ito ang lupain kung saan nakalagak ang lungsod ng Haran. Ayon sa rabinikong tradisyon ng mga Hudyo, nasa Aram Naharaim din ang pook ng kapanganakan ni Abraham. Batay kay Jose C. Abriol, matatagpuan itong malapit sa Ilog ng Eufrates at nasa gawing hilagang-kanluran ng Mesopotamya.