Asasinasyon

Ang Asasinasyon ni Julio Cesar sa Senado, isang dibuho ni Vincenzo Camuccini (1771–1844).

Ang pagsasagawa ng isang asasinasyon, ayon sa The American Heritage Dictionary ay ang "pagpaslang o sinadyang pagpatay (karaniwan na ng isang mahalagang tao) sa pamamagitan ng isang biglaan at/o palihim na pag-atake, karaniwang para sa mga dahilan pampulitika. Kabilang sa mga kahulugan ng asasinasyon ang mga sumusunod (ang karamihan sa mga kahulugan ay isinalin mula sa Ingles na mga pananalita):

• Ayon sa Gabby's Dictionary, isa itong "pataksil na pagpatay sa importanteng tao".
• Collins English Dictionary: "pagpaslang sa (isang tao, partikular na ang isang pigurang publiko o pulitikal), karaniwang sa pamamagitan ng biglaang paglusob."
• Webster's New World College Dictionary: "pagpaslang (lalo na isa taong mahalaga sa pulitika o tanyag) sa pamamagitan ng nakagugulat na pag-atake, karaniwang para sa salapi o mula sa masugid na paniniwala".
• Concise Oxford English Dictionary 2008: assassinate-"pagpatay sa (isang pinuno sa pulitika at relihiyon)."
• Oxford English Dictionary: "Ang aksyon ng pagpaslang; ang pagbawi ng buhay ng sinuman sa pamamagitan ng mapagkanulong karahasan, partikular na sa pamamagitan ng isang binayarang emisaryo o sugo, o isang tao na umako ng gawaing ito upang maisagawa ang pagpaslang."
• Merriam-Webster Dictionary: 1) "ang pagsalanta o pagwasak na hindi inaasahan o mapagkanulo"; 2) ang sadyang pagpatay (ng isang taong prominente) sa pamamagitan ng biglaan o palihim na paglusob na kadalasang para sa mga dahilang pulitikal
• Black's Law Dictionary: "ang gawain ng sinasadyang pagpatay sa isang tao partikular na ng isang pigurang pampubliko, na karaniwang binayaran o para sa mga kadahilanang pulitikal". Bilang pamalit, ang asasinasyon ay maaaring bigyang kahulugan bilang "ang gawain ng sadyang pagpatay sa isang tao, natatangi na ang isang taong pampubliko, na karaniwang binayaran o para sa mga kadahilanang pampulitika."

Ang asasinasyon ay maaaring inuudyok ng mga motibong pangrelihiyon, pang-ideolohiya, pampulitika, o pangmilitar; maaari itong isagawa para sa pananaw na may pagkamal ng salapi o pagpatay na may kontrata, upang maipaghiganti ang isang hinaing, mula sa isang pagnanais upang makakuha ng katanyagan o kabantugan (iyung isang pangangailangang sikolohikal upang magkamit ng pagkilalang pansarili at pampubliko, mula sa isang kahilingan makabuo ng isang uri ng "ugnayan" sa isang pigurang pampubliko, o mula sa kagustuhang mapatay o magsagawa ng pagpapatiwakal o pagpapakamatay dahil sa ginawang asasinasyon.