ABC Development Corporation

Associated Broadcasting Company
Uri	network na pangtelebisyon at pangradyo
Bansa	Philippines
Aksesibilidad	pambansa
Websayt	ABC.com.ph

Ang Associated Broadcasting Company, karaniwang pinaiikli bilang ABC, ay isang network pangtelebisyon sa Pilipinas, na may punong tanggapan sa Kalakhang Maynila. Ito ang ikatlong pinakamatandang network pangtelebisyon sa bansa, at kasalukuyang pagmamay-ari ng negosyanteng si Antonio "Tony Boy" Cojuangco.

Ang kanilang mga pangunahing himpilan ay ang DWET-TV 5 (ABC-5) sa telebisyon at ang Dream FM na parehong nakabase sa Kalakhang Maynila.

Kasaysayan

Si Joaquin "Chino" Roces, dating may-ari ng pahayagang Manila Times ay binigyan ng prangkisang pangradio at TV galing sa Kongreso sa ilalim ng Republic Act 2945 noong Hunyo 19, 1960. Kanyang tinatag ang Associated Broadcasting Corporation, ang ikaapat na naitatag na television network sa Pilipinas. Ang ABC ay nagmamay-ari ng mga himpilan ng radyo at telebisyon mula 1960 hanggang ideklara ni dating Pangulong Ferdinand Marcos ang Martial Law. Dahil rito ang ABC at ang Manila Times ay parehong ipinasara.

Nang naibalik ang demokrasya dahil sa Rebolusyon sa EDSA noong 1986, naging matagumpay si Chino Roces nang kinausap niya si dating Pangulong Corazon Aquino para muling mabuksan ang network.

Kumuha sila ng mga bagong stockholders para buhayin muli ang network. Binigyan ng pagsang-ayon ng Securities and Exchange Commission ang kanilang aplikasyon para pataasin ang kanilang kapital at ang ilang pagsusog sa kanilang articles of incorporation at by-laws. Pagkatapos nito ay nabigyan sila ng permisong tumakbo ng National Telecommunications Commission.

Sinimulang gawin ang kanilang magiging punong tanggapan at studio complex sa Novaliches, Lungsod Quezon noong 1990. At sa huling bahagi ng 1991, nagkaroon sila ng test broadcasts. Ang kanilang pormal na pagsasahimpapawid ay nagsimula noong Pebrero 1992 sa ilalim ng pangalang Associated Broadcasting Company.

Nakakuha ng bagong prangkisa ang ABC noong Disyembre 9, 1994 sa ilalim ng Republic Act 7831 na nilagdaan ni dating Pangulong Fidel Ramos. Sa parehong taon, sila ay sumahimpapawid sa buong bansa gamit ang satellite. Dahil sa mabilis na paglago ng kumpanya, nagkaroon ng reputasyon ang ABC bilang "The Fastest Growing Network".

Noong Oktubre 2003, nabili ang ABC ng isang grupong pinangungunahan ng negosyanteng si Antonio "Tonyboy" Cojuangco, dating Chairman ng Philippine Long Distance Telephone Company (PLDT) at may-ari ng Dream Satellite Broadcasting at Bank of Commerce. Pinasinayaan nila ang maraming pagbabago sa kumpanya tulad ng isang mas matatag na dibisyon para sa news and public affairs, pagsasamoderno ng kanilang kagamitang pangbroadcast at ang pagkuha ng karapatang isahimpapawid ang mga laro ng Philippine Basketball Association.

Mga islogan ng ABC

• Come Home To ABC (1992)
• The Fastest Growing Network (1993)
• The Big Leap (1994)
• The Big League (1995)
• Reaching Out To You (1996-2000)
• The Best of Both Worlds (1998)
• Come Home To ABC (2001-2004)
• ABC: Iba Tayo! (2004-kasalukuyan)

Mga palabas

Para sa karagdagang impormasyon: Tala ng mga palabas ng Associated Broadcasting Company

Kinapalolooban ang mga programa ng GMA Network ng mga balita, mga palabas tungkol sa kasalukuyang kaganapan, mga sari-saring palabas, komedya, mga seryeng banyagang sinalin sa Tagalog, pambatang palabas, mga anime, realidad, at pampalakasan.

Ang sumusunod ay ang kasalukuyang primetime line-up (6:30-9:30 PM) ng kanilang punong himpilan.

Day	7:30	7:45	8:00	8:15	8:30	8:45	9:00	9:15	9:30	9:45	10:00	10:15
Sunday	PBA on ABC <<nag-uumpisa ng 4:30 NH						Shall We Dance?				American Idol natatapos ng 11:00 NG>>
Monday	Totoo TV <<nag-uumpisa ng 7:00 NG		Global Shockers				Wow Maling-Mali Bytes		Sentro		Stay Alive natatapos ng 11:00 NG>>
Tuesday	Tuesday Night Blockbuster <<nag-uumpisa ng 7:00 NG										Surviving Disasters natatapos ng 11:00 NG>>
Wednesday	PBA on ABC <<nag-uumpisa ng 7:00 NG										American Idol natatapos ng 11:00 NG>>
Thursday
Friday											Hayop na Hayop natatapos ng 11:00 NG>>
Saturday	Teka Mona!		Ripley's Believe it or Not				Cinemalaya natatapos ng 11:00 NG>>

Legend
Realidad	Palakasan	Komedya	Pampelikula	Balitaan, talakayan at infotainment	Banyagang palaba

Mga kaugnay na artikulo

• Telebisyon
• Tala ng mga estasyong pantelebisyon sa Pilipinas
• Tala ng mga himpilan ng Associated Broadcasting Company

Kawing panlabas

• Opisyal na websayt