Babae

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Para sa ibang gamit, tingnan ang babae (paglilinaw).
Katotohanan, 1870, ni Jules Joseph Lefebvre.
Ang simbolo para sa planetang Venus ay ginagamit ding tanda para sa mga kababaihan, tao man o hayop.
Mga bahagi (sa harapan) ng katawan ng isang babaeng tao: 1. buhok, 2. kilay, 3. mata, 4. ilong, 5. tainga, 6. bibig, 7. baba, 8. leeg, 9. balikat, 10. lugar ng dayapram, 11. dibdib, 12. suso, 13. utong, 14. braso, 15. balakang, 16. tiyan, 17. siko, 18. puson, 19. singit, 20. bulbol, 21. kasukasuan, 22. puke, 23. kamay, 24. hita, 25. mga daliri, 26. tuhod, 27. lulod, 28. bukung-bukong, at 29. paa at mga daliri
Mga bahagi (sa likuran) ng katawan ng isang babaeng tao: 1. ulo, 2. buhok, 3. leeg, 4. balikat, 5. likod, 6. kili-kili , 7. braso, 8. gulugod, 9. balakang, 10. siko, 11. pigi, 12. puwit, 13. kamay, 14. mga daliri, 15. hita, 16. alak-alakan, 17. binti, 18. bukung-bukong, 19. paa, at 20. mga daliri at talampakan.

Ang babae[1] ay salitang pangkasariang ginagamit para sa tao (Ingles: woman o lady [isahan] at women o ladies [kung maramihan]) at mga hayop (Ingles: female; sa Hebreo: ishah[2]; sa ilang salin sa Bibliya: virago, varona[2]). Kabaligtaran ito ng salitang lalaki. Tinatawag na kababaihan (Ingles: womanhood o womankind)[1] ang grupo ng mga babae. Karaniwang tumutukoy ang salitang babae sa mga ginang o gining[3] [may asawa] at binibini o dalaga [wala pang asawa] na nasa hustong gulang na. Batang babae (Ingles: girl o lass)[1] naman ang tawag sa isang babaeng tao na wala pa sa hustong gulang, at dalagita o dalaginding ang isang batang babaeng nagdadalaga.

Kabilang sa ibang katawagan sa babae ang mga salitang balbal na bebot at egat. Tinatawag namang ali o ale ang babae kung may paggalang sa isang hindi nakikilalang babae, bagaman ginagamit ang aling sa pagtawag na may paggalang sa isang kilala nang tao sapagkat katumbas ito ng mis (Ingles:Miss) at misis (Ingles:Mrs.).[4] Dalaga (mula sa Sanskrito: दारिका [dārikā]) naman ang tawag sa isang babaeng wala pang asawa ngunit nasa hustong gulang na.[5]

Sa Aklat ng Pahayag (nasa Pahayag 17:7-8) ng Bagong Tipan ng Bibliya, kumakatawan ang salitang babae, kasama ng salitang halimaw, para sa emperador ng Roma at maging para sa sinaunang lungsod ng Roma  – ang itinuturing din na larawan ng "lungsod ng dimonyo"  – noong panahon ni Nero at ni Domikiano.[2]

Tingnan din[baguhin | baguhin ang batayan]

Mga sanggunian[baguhin | baguhin ang batayan]

  1. 1.0 1.1 1.2 "Babae". English, Leo James. Tagalog-English Dictionary (Talahulugang Tagalog-Ingles). (1990).
  2. 2.0 2.1 2.2 Abriol, Jose C.. (2000). "Babae, ishah; sa ilang pagsasalin: virago at varona". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077., pahina 14.
  3. Gining, lady, Tagalog English Dictionary, Bansa.org
  4. "Aling, Glossary of Filipino Terms and Phrases". Flavier, Juan M., "Doctor to the Barrios" (New Day Publishers). (1970/2007).
  5. Woman, babae, dalaga o "walang asawang babae" na nasa hustong edad na para mag-asawa, mga salitang balbal: bebot at egat, Bansa.org