Bahagharing Watawat

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Ang bahagharing watawat o rainbow flag ay watawat na binubuo ng kulay ayon sa mga kulay ng bahaghari. Ang aktuwal na kulay na ipinapakita sa watawat ay nag-iiba iba, subalit maraming mga uri ang nakabatay sa nakaugaliang pagkakasunod sunod ng pula, kahel, dilaw, luntian, bughaw, indigo, at lila.

Ang paggamit sa mga bahagharing watawat ay may mahabang tradisyon; ang mga ito ay itinatanghal sa maraming kultura sa buong daigdig bilang tanda ng pagkakaiba-iba at pagkakakilanlan, ng pag-asa at pagnanais.

Maraming mga bahagharing watawat ang ginagamit ngayon. ang pinakatanyag sa buong daigdig ay ang pride flag na kumakatawan sa gay pride. Ang watawat ng kapayapaan na sikat sa Italya ay sumasagisag sa kilusan ng pakikiisa. Ginagamit din ito ng mga Andeano upang katawanin ang pamana ng imperyong Inca at ang kilusang Andeano.