Balanitis
Mula sa Tagalog na Wikipedia, ang malayang ensiklopedya
Ang balanitis[1] (mula sa Griyego: βάλανος balanos "acorn"). ay ang pamamaga o implamasyon ng glans penis o ulo ng titi (na kilala rin bilang burat o turat). Kapag apektado rin ang prepusyo ng titi, tinatawag na itong balanoposthitis.[1]
Pangkaraniwang sanhi ng balanitis ang kakulangan ng kalinisan. Mas nagkakaroon ng ganitong uri ng pamamaga ang isang lalaki, partikular na sa mga bata, kapag mahaba ang prepusyo o suklob ng ulo ng titi. Napapanatili ang kalinisan ng bahaging ito ng kasariang panlalaki kapag hinihila ang prepusyo para mapalitaw ang nasusukluban o natatakpang bahagi at malimit na huhugasan ng tubig. Kapag nahihirapan sa pagsasagawa nito, kinakailangang isakatuparan na ang pagsusunat o pagtutuli.[1]
[baguhin] Sanggunian
- ↑ 1.0 1.1 1.2 Robinson, Victor, Ph.C., M.D. (patnugot). (1939). "Balanitis". The Modern Home Physician, A New Encyclopedia of Medical Knowledge. WM. H. Wise & Company (New York)., pahina 73.
