Banna, Ilocos Norte

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Bayan ng Banna
—  Bayan  —
Mapa ng Ilocos Norte na nagpapakita sa lokasyon ng Banna.
Bansa Pilipinas
Rehiyon Iloko (Rehiyong I)
Lalawigan Ilocos Norte
Distrito Pangalawang Distrito ng Ilocos Norte
Mga barangay 20
Pamahalaan
 • Punong-bayan Carlito A. Abadilla, II
Lawak
 • Kabuuan 92.73 km2 (35.80 sq mi)
Populasyon (2010)
 • Kabuuan 19,051
Zip Code 2908
Kodigong pantawag 77
Kaurian ng kita Pang-apat na Klase
PSGC 12811000
Sensus ng populasyon ng
Banna, Ilocos Norte
Senso Populasyon +/-
1990 7,643
1995 15,975 15.9%
2000 16,704 0.96%
2007 18,161 1.16%
2010 19,051 0.66%


Ang Bayan ng Banna (Tagalog: Bana) ay isang ika-4 na klaseng bayan sa lalawigan ng Ilocos Norte, Pilipinas. Ayon sa senso noong 2000, ito ay may populasyon na 16,704 katao sa 3,390 na kabahayan.

Mga Katangiang Hiyograpikal[baguhin]

Sukat ng Lupa at Topograpiya[baguhin]

May mga 20,000 hektarya ng lupa na maaaring mapagtatamnan at maaaring pakinabangan ng agrikultura. Mayroon mga matabang lupang kapatagan at damuhan, sa ibayo ng ilog ng Malammin, at mayaman sa mga likas na yaman ang Banna. Mayroon din mga burol at mga bundok sa silangang bahagi nito.

Klima[baguhin]

Katulad ng pangkalahatang klima sa Pilipinas, may dalawang panahon ang bayang ito, ang basang panahon na mula Mayo hanggang Oktubre at ang tuyong panahon na mula Nobyembre hanggang Abril. Nasa 100.58 pulgada ang karaniwang taunang presipitasyon.

Mayroon mga bagyong dumadating sa bayang ito ngunit kadalasang sinasanggalang ng mga bundok ng Cordillera.

Ilog[baguhin]

Dumadaloy ang ilog ng Malamin, ang nag-iisang ilog na nasa ibayo ng silangang bahagi ng bayan, mula sa Nueva Era at bumabagtas sa mga silangang barangay ng Espiritu. Nakatanim sa mga pampang nito ang mga halamang-ugat katulad ng gabi at mani, at mga gulay katulad ng kalabasa at mais.

Poblasyon[baguhin]

Binubuo ng apat ng barangay ang poblasyon, ang Valenciano, Hilario, Lorenzo, at Marcos. Nahahati ang mga barangay sa iba't ibang hanay ng mga malawak na sementadong daan.

Natatagpuan ang pamilihang bayan sa timog na bahagi ng poblasyon, at nakatayo ang munisipyo, isang moderno at marmolisadong gusali na tinatayang isa sa pinakakontemporario sa sa buong lalawigan ng Ilocos Norte, sa hilaga nito. Nasa timog-silangan ng munisipyo ang awditoryum nito na kung saan tinatanghal ang mga programa, paligsahan at mga kulturang palabas.

Makukuha ng buong populasyon ang mga maiinom na tubig sa mga poso artisyano at sa Pusuak Water Works System.

Mga Barangay[baguhin]

Binubuo ng 20 barangay ang bayang ito, nasa poblasyon ang apat. Valenciano, Hilario, Lorenzo, at Marcos ang mga ito.

Ito naman ang mga barangay na rural: Nagpatayan, Bangsar, Bomitog, Quiaoit, Imelda, Macayepyep, Catagtaguen, Lading, Caestebanan, Sinamar, Vald, Bugasi, Tabtabagan, Caribquib, Crispina, at Barbarangay.

Mga Barangay[baguhin]

Ang bayan ng Banna ay nahahati sa 20 mga barangay.

  • Balioeg
  • Bangsar
  • Barbarangay
  • Bomitog
  • Bugasi
  • Caestebanan
  • Caribquib
  • Catagtaguen
  • Crispina
  • Hilario (Pob.)
  • Imelda
  • Lorenzo (Pob.)
  • Macayepyep
  • Marcos (Pob.)
  • Nagpatayan
  • Valdez
  • Sinamar
  • Tabtabagan
  • Valenciano (Pob.)
  • Binacag

Mga Kawing Panlabas[baguhin]


Coordinates: 17°59′ N 120°39′ E