Beauty and the Beast (pelikula ng 1991)
| Beauty and the Beast | |
|---|---|
| Direksyon | Gary Trousdale Kirk Wise |
| Produksyon | Don Hahn |
| Tagapagsalaysay | David Ogden Stiers |
| Mga gumanap | Paige O'Hara Robby Benson Richard White Jerry Orbach Angela Lansbury David Ogden Stiers Bradley Pierce Jesse Corti Rex Everhart |
| Musika | Awit: Alan Menken Howard Ashman (Letra) Iskor: Alan Menken |
| Tagapag-edit | John Carnochan |
| Ipinamahagi ng | Walt Disney Pictures |
| (Mga) petsang inilabas | Nobyembre 13, 1991 |
| Oras ng pagpapalabas | 84 minutos |
| Bansa | Estados Unidos |
| Wika | Ingles |
| Badyet | $25 milyon |
| Kabuuang kita | $377,350,553 |
Ang Beauty and the Beast (sa Filipino: Ang Maganda at ang Halimaw) ay isang pelikulang animasyon na ginawa noong 1991 ng Walt Disney Animation Studios at ipinamamahagi ng Walt Disney Pictures. Beauty and the Beast ipinalabas sa mga sinehan noong Nobyembre 13, 1991. Ito ang ika-tatlumpung pelikula sa serye ng Walt Disney Animated Classics. Batay ito sa kwentong-bibit na La Belle et la Bête ni Jeanne-Marie Le Prince de Beaumont[1] at ginamitan ng ilang konsepto mula sa isang pelikula noong 1946 na may kaparehong pamagat.[2] Umiikot ang kwento sa isang prinsipeng nagbagong-anyo at naging halimaw na si Beast, at ang dilag na si Belle na ikinulong niya sa kanyang kastilyo. Upang bumalik sa dating anyo, dapat siyang umibig kay Belle at mapaibig din niya ito bago pa man malagas ang huling talulot ng isang mahiwagang bulaklak at kung hindi, siya'y mananatiling halimaw habang-buhay.
Ito ang ikatlong pelikulang animasyong ipinalabas sa panahong tinawag na Disney Renaissance, na nagsimula noong 1989 nang ipalabas ang The Little Mermaid at natapos nang ipalabas ang Tarzan noong 1999. Maraming pelikulang animasyon na sumunod dito ang naimpluwensiyahan ng paghalo nito ng tradisyonal na animasyon at ng imaheng ginawa ng kompyuter.
Isinulat ni Linda Woolverton ang dulang pampelikula nito, mula sa istoryang isinulat nina Roger Allers, Brenda Chapman, Chris Sanders, Burny Mattinson, Kevin Harkey, Brian Pimental, Bruce Woodside, Joe Ranft, Tom Ellery, Kelly Ashbury, at Robert Lence, sa direksiyon ni Gary Trousdale at Kirk Wise, at produksiyon ni Don Hahn. Ang musika ng pelikula ay linikha ni Alan Menken at Howard Ashman, na mga sumulat din ng musika at mga kanta ng Little Mermaid ng Disney.
Naging matagumpay sa takilya ang Beauty and the Beast nang ito'y ipalabas at kumita ng $403 milyon sa buong mundo. Ito rin ay naging nominado sa maraming gawad-parangal at nanalo ng Golden Globe Awards para sa Best Motion Picture – Musical or Comedy at dalawa pang parangal para sa musika nito. Ang Beauty and the Beast din ang kauna-unahan at huling pelikulang animasyon na naging nominado sa Academy Awards para sa Best Picture, hanggang 2009. Umani ito ng anim na nominasyon, kasama rito ang Best Picture, Best Original Score, Best Sound at tatlo pang nominasyon para sa kanta nito. Napanalunan nito ang dalawa, para sa Best Original Score at Best Original Song para sa kantang "Beauty and the Beast".
[baguhin] Mga sanggunian
- ↑ LePrince de Beaumont, Jeanne-Marie (1783). "Containing Dialogues between a Governess and Several Young Ladies of Quality Her Scholars". The Young Misses Magazine 1: pah. 45–67. (Ingles)
- ↑ Ginell, Carl (Agosto 2, 2007). Beauty and the Beast stellar. Toacorn.com. Hinango noong Hulyo 15, 2010. (Ingles)
|
|||||
