Bruno Mars

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Bruno Mars

Si Bruno Mars habang nagtatanghal sa Las Vegas, Nevada noong Setyembre 19, 2010
Kabatiran
Kapanganakang pangalan Peter Gene Hernandez
Kapanganakan Oktubre 8, 1985 (1985-10-08) (edad 27)[1]
Honolulu, Hawaii
Pinanggalingan Los Angeles, California, United States
Mga Gawain Singer-songwriter, record producer
Mga Instrumento boses, tambol, gitara, piano, bass
Taong aktibo 1990 hanggang kasalukuyan
Mga tatak Atlantic, Elektra
Mga nakaugnay na akto The Smeezingtons, B.o.B, Cee-Lo Green, Travie McCoy
Sityo .com

Si Peter Gene Hernandez (ipinanganak noong Oktubre 8, 1985), o higit na kilala sa kanyang pang-entabladong pangalan na Bruno Mars, ay isang Amerikanong mang-aawit, manunulat ng kanta at produser ng mga rekording. Si Mars ay mula sa pamilya ng mga musikero at nagsimulang lumikha ng musika sa murang edad. Matapos magtanghal sa iba't ibang tanghalan ng musikero sa kanyang kinalakhang baryo noong siya ay bata pa lamang, nagdesisyon siyang tunguhin ang karera sa musika at nagtungong Los Angeles matapos niyang magtapos sa mataas na paaralan. Sinimulan ni Mars na gumawa ng mga kanta para sa ibang artista kasama ang produksyon na The Smeezingtons.

Matapos ang kanyang hindi matagumpay na pakikipagtrabaho kasama ang Motown Records, si Mars ay sumali sa Atlantic Records noong 2009. Siya ay nakilala bilang isang solong artista matapos ipahiram ang kanyang boses at tumulong sa pagsulat ng kantang "Nothin' on You" ni B.o.B, at "Billionaire" ni Travie McCoy. Tumulong din siya sa pagsulat ng mga pumatok na kantang "Right Round" ni Flo Rida na tinampukan ni Kesha, "Wavin' Flag" ni K'naan, at "Fuck You!" ni Cee Lo Green. Noong Oktubre 2010, inilabas niya sa merkado ang kanyang unang album na Doo-Wops & Hooligans. Sa pangunguna ng mga kantang "Just the Way You Are" at "Grenade", ang album ay umabot sa ikatlong pwesto ng Billboard 200.[2] Siya ay nominado sa pitong Grammy Awards sa 53rd Grammy Awards, na kung saan siya ay nagtamo ng gantimpalang Best Male Pop Vocal Performance para sa "Just the Way You Are".

Ang musika ni Mars ay natatangi dahil sa paglalahad nito ng iba't ibang uri ng estilo at impluwensiya, at paglalaman ng elemento mula sa iba't ibang dyanra ng musika. Siya ay nakipagtrabaho sa iba pang musikero mula sa iba't ibang dyanra. Kinikilala ni Mars ang mga impluwensiya sa kanyang musika ng kaniyang mga naging katrabaho sa industriya. Noong siya ay bata pa, siya ay lubhang naimpluwensiyahan ng mga musikerong sina Elvis Presley at Michael Jackson na kanyang ginagaya noong siya ay bata pa lamang. Hinahaluan din ni Mars ng mga tunog mula sa reggae at Motown ang kanyang musika. Tinawag naman siya ni Jon Carmanica ng The New York Times na "isa sa mga may pinakamaraming nalalaman na mang-aawit ng pop."[3]

Mga nilalaman

Buhay at karera [baguhin]

Mula 1985 hanggang 2008: Buhay at pagsisimula [baguhin]

Si Mars ay ipinanganak sa ngalang Peter Gene Hernandez at pinalaki sa Waikiki, Honolulu, Hawaii ng kanyang mga magulang na sina Bernadette "Bernie" at Pete Hernandez, may lahing Pilipino at Puerto Rican.[4][5][6][7] Ang nanay niya ay lumipat ng tirahan sa Hawaii mula sa Pilipinas noong bata pa lamang ito. Samantalang ang kanyang ama naman ay lumipat ng tirahan sa Hawaii mula sa isla ng Brooklyn, New York.[8] Ang mga magulang ni Mars ay nagkakilala sa isang pagtatanghal na kung saan ang ina nito ay isang mananayaw ng Hula, at ang tatay naman nito ay tumutugtog ng perkusyon.[8] Sa edad na dalawa, siya ay binansagang "Bruno" ng kanyang ama dahil sa pagkakahawig nito diumano sa matabang propesyonal na mambubuno na si Bruno Sammartino.[9] Si Mars ay isa sa anim na magkakapatid at nagmula sa pamilya ng mga musikero na nagmulat sa kanya sa reggae, rock, hip hop, at R&B.[10][11] Sa murang edad, ginagaya at kinakanta niya ang mga kanta ng mga artista tulad nina Michael Jackson, Elvis Presley, The Isley Brothers, at The Temptations.[6] Sa edad na apat, nagsimula nang magtanghal si Mars limang beses sa isang linggo kasama ang banda ng kanyang pamilya na The Love Notes kung saan siya ay nakilala sa isla dahil sa kanyang paggaya kay Presley.[12]

Noong 1990, Si Mars ay nailathala sa MidWeek bilang "Little Elvis". At noong 1992, siya ay nagkaroon ng isang cameo role sa pelikulang Honeymoon in Vegas.[6][13] Hindi naglaon, nagkaroon siya ng pagninilay ukol sa impluwensiya ni Presley sa kanyang musika. Ayon sa kanya, "Napanood ko ang pinakamagaling. Ako ay isang masugid na tagahanga ni Elvis. Ako ay masugid na tagahanga ng 1950's Elvis kung saan siya ay aakyat ng entablado at tatakutin ang mga tao dahil siya ay makapangyarihan, at ang mga kababaihan ay tila nahihibang dahil sa kanya! Maari din itong sabihin para kay Prince o sa The Police. Sila ay ang mga nilalang na nakakaalam na ang mga tao ay nandito para manuod ng isang pagtatanghal, dahil dito ay pinapanuod ko ang mga nilalang na ito at gustong gusto kong pinag-aaralan ang mga ito dahil isa akong tagahanga."[14] Noong 2010, kinilala niya ang kanyang paglaki sa Hawaii at pamilya na panay musikero bilang impluwensiya. Ayon sa kanya, "Ang paglaki ko sa Hawaii ang humubog sa aking pagkatao. Noon, madami akong pagtatanghal na naisagawa sa Hawaii kasama ang banda ng aking ama. Ang bawat miyembro ng aming pamilya ay marunong kumanta at marunong magpatugtog ng mga instrumento. Ang aking tiyo ay isang mahusay na manunugtog ng gitara, ang ama ko naman ay mahusay magpatugtog ng perkusyon, ang kapatid kong lalaki ay magaling naman tumugtog ng tambol. Katunayan, ang kapatid kong ito ay tumutugtog din sa aming banda. Pinalilibutan lang talaga ako ng musika."[15] Taong 2003, matapos niyang magtapos sa President Theodore Roosevelt High School sa edad na labimpito, si Mars ay tumungo sa Los Angeles, California upang tahakin ang karera sa musika.[6][13] Ginamit niya bilang pang-entabladong pangalan niya ang bansag sa kanya ng kanyang ama at dinugtungan ng "Mars" sa huli dahil ayon sa kanya, "Nararamdaman ko na tila wala akong dating , at maraming babae ang nagsasabi na tila ako ay mula sa ibang planeta. Sa aking palagay ako ay nagmula sa Mars." [16]

Hindi naglaon matapos lumipat ni Mars sa Los Angeles, siya ay sumali sa Motown Records noong 2004, isang kasunduan na diumano'y walang kinahinatnan.[17] Gayunpaman, ang karanasan ni Mars sa Motown ay nakatulong sa kanyang karera nang makilala niya ang isang manunulat ng awit at produser na si Philip Lawrence na siya ring kabilang sa Motown. Si Mars, si Lawrence, at ang inhinyerong si Ari Levine ay sama-samang nagsimulang sumulat ng kanta, at binuo ang produksyon na The Smeezingtons.[17] Noong 2006, ipinakilala ni Lawrence si Mars sa magiging manager nito sa Atlantic Records na si Aaron Bay-Schuck.[18] Matapos marinig ang pagtugtog ni Mars ng ilang kanta sa gitara, agarang ginusto ni Bay-Schuck na maisali si Mars sa Atlantic Records. Gayunpaman, inabot ng tatlong taon bago naisali si Mars dito.[18] Dahil dito, pansamantalang inupahan ni Bay-Schuck si Mars at ang The Smeezingtons para sumulat ng kanta para sa mga artista ng Atlantic Records.[18] Ayon sa isang panayam ng HitQuarters kay Bay-Schuck, sinabi diumano ni Mars na kahit ang pinakalayon nito ay maging isang solong artista, handa itong magsulat at maglabas ng kanta para sa iba pang artista. Ito ay para makatulong sa paglinang niya ng kanyang kakayahan sa pagsulat ng kanta, gayundin sa pagtuklas nito sa kung anong uri ng artista ang gusto niyang maging.[18] Itinuring ito ni Bay-Schuck bilang panahon ng paghahanap sa sarili na ayon sa kanya'y malaki ang naitulong sa tagumpay ni Mars.[18]

Mula 2009 hanggang kasalukuyan: Komersyal na tagumpay at Doo-Wops & Hooligans [baguhin]

Si Bruno Mars habang nagtatanghal sa Houston, Texas noong Nobyembre 2010.

Bago maging isang matagumpay na solong artista, si Mars ay nakilala bilang isang manunulat ng kanta. Siya ay nagsulat ng kanta para kina Alexandra Burke, Travie McCoy, Adam Levine, Brandy, Sean Kingston, at Flo Rida.[10][19] Tumulong din siya sa pagsulat ng patok na kanta ng Sugababes na "Get Sexy", at nagpahiram ng kanyang boses sa album ng Sugababes na Sweet 7.[20][21] Ang kanyang kauna-unahang paglabas bilang mangaawit ay sa ikalawang studio album na Animal ng Far East Movement kung saan siya ay kasama sa trak na "3D".[22] Siya rin ay naitampok sa pasinayang kanta na "Love" ng pastor at hip hop na artista na si Jaeson Ma noong Agusto 2009.[23][24] Natamo niya ang kasikatan bilang isang solong artista matapos matampok at tumulong sa pagsulat ng kantang "Nothin' On You" ni B.o.B at "Billionaire" ni Travie McCoy. Ang dalawang kantang ito ay nasama sa nangungunang sampu ng maraming tsart sa buong mundo.[25][26][27][28] Ani ni Mars, "Sa aking palagay, ang mga kantang iyon ay hindi dapat kinakanta ng buuan. Kung ako ang tanging umawit ng "Nothin' On You", marahil ay naging tunog R&B ito ng dekada 90." Matapos ang kanyang tagumpay, inilabas ni Mars ang kanyang pasinayang extended play (EP) na may pamagat na It's Better If You Don't Understand noong Mayo 10, 2010.[29] Ang nasabing EP ay nagtamo ng ika-99 na pwesto sa Billboard 200, at may kasamang kanta na "The Other Side" kung saan naitampok ang mga mang-aawit na sina Cee-Lo Green at B.o.B [30][31] Noong Agusto 2010, nakipagtulungang muli si Bruno Mars kay Green nang tumulong siya sa pagsulat ng kantang "Fuck You!". Siya ay nagtanghal sa 2010 MTV Music Awards noong Setyembre 20, 2010 sa pagsamutsan ng "Nothin' On You" at "Airplanes" kasama sina B.o.B at Hayley Williams [32]

Ang pasinayang album ni Mars na Doo-Wops & Hooligans ay inilabas sa tekladong anyo noong Oktubre 4, 2010, at inilabas naman sa pisikal na anyo nito noong Oktubre 5, 2010.[33][34] Ang unang kanta na "Just the Way You Are" ay inilabas noong Hulyo 19, 2010,[35] at nanguna sa Bilboard Hot 100 gayundin sa iba pang mga tsart sa buong mundo.[36][37] Ang music video nito ay inilabas noong Setyembre 8, 2010.[38] Ang ikalawang kanta na "Grenade" ay inilabas noong Setyembre 28, 2010, at naging matagumpay sa mga tsart sa buong mundo.[39][40] Sa United States, ang Doo-Wops & Hooligans ay naluklok sa ikatlong pwesto ng Billboard 200 sa linggo ng Oktubre 13, 2010, at nakapagbenta ng 55,000 na kopya.[2] Ang nasabing album ay nakatanggap ng mga positibong pagsusuri mula sa mga kritiko. Pinuri ni Leah Greenblatt ng Entertainment Weekly si Mars para sa madaling tugtugin na melodiya at nakakaindayog na tono ng mga kanta nito. Ngunit pinuna nito ang kahinaan ng kanta dahil sa paglihis nito mula sa kombensyonal na pop & soul na dyanra.[41] Si Mars ang nagbukas sa Hands All Over Tour ng Maroon 5 na nagsimula noong Oktubre 6, 2010. Samantalang kasama naman siya ni Travie McCoy sa European Tour nito na nagsimula noong Oktubre 18, 2010.[34]

Noong Setyembre 19, 2010, si Mars ay inaresto sa Las Vegas dahil sa pagmamay-ari nito ng cocaine.[42] Habang nakikipag-usap sa isang pulis, sinabi diumano ni Mars na ang ginagawa nito ay "katangahan" at "hindi pa siya nakakagamit ng droga bago ang nasabing insidente".[43][44] Si Mars ay umamin sa pag-aari ng droga. Bilang kapalit ng pag-aming ito, ang mga kasong isinampa sa kanya ay buburahin basta't siya ay makakapagbayad ng $2000, makagawa ng serbisyo sa komunidad sa loob ng 200 oras, at kumpletuhin ang pagpapayong kurso ukol sa droga.[45].

Estilo ng musika [baguhin]

Si Bruno Mars habang nagtatanghal noong Nobyembre 24, 2010. Si Mars ay nagpapatugtog ng iba't ibang instrumento tulad ng piano, gitara, bass, at congas.[46]

Ang musika ni Mars ay kapuna-puna dahil sa pagkakaroon nito ng sari-saring estilo at impluwensiya tulad ng pop,[47] rock,[47] reggae,[47] R&B,[48] soul,[41] at hip hop.[49] Kahit na itinuturing na "malambot" si Mars dahil sa boses nito, ayon sa kanyang katulong na produser na si Philip Lawrence, "Ang hindi nalalaman ng mga tao ay may mas malalim na underbelly si Bruno Mars." Ayon naman kay Mars, "Isinisisi ko iyon sa aking sarili dahil sa pag-awit ko sa mga babae noong ako ay nasa mataas na paaralan pa lamang." [50] Tinawag naman siya ni Jon Carmanica ng The New York Times na "isa sa mga may pinakamaraming nalalaman na mang-aawit ng pop, may magaan at puno ng kaluluwang boses na angkop sa iba't ibang estilo, isang unibersal na tagapagbigay."[3] Si Mars ay naimpluwensiyahan ng mga artista ng R&B tulad nina Keith Sweat, Jodeci, at R. Kelly gayundin ng rock 'n' roll ng dekada 50 at ng Motown.[51] Habang nasa mataas na paaralan, nagsimula na si Mars makinig sa mga grupo ng classic rock tulad ng The Police, Led Zeppelin, at The Beatles.[51] Lahat ng dyanra ng musika na nabanggit ay nakaimpluwensiya sa estilo ng musika ni Mars. Ayon sa kanyang obserbasyon, " Hindi madali gumawa ng kantang pinaghalo ang rock, soul at hip hop, at mabibilang lamang ito sa kamay."[51] Sinabi rin ni Mars na siya ay tagahanga nina Alicia Keys, Jessie J, Jack White, at ng The Saturdays.[52]

Dagdag pa dito, Sinabi ni Mars na malaki ang impluwensiya sa estilo ng musika ang pakikipagtulungan niya sa iba pang artista. Ani niya, "Ang 'Nothin' On You' ay may dating ng tulad ng sa Motown, ang 'Billionaire' naman ng isang reggae acoustic na nakadepende sa gitara. Gayunpaman, ang isa sa mga paborito ko ay ang kanta ni Cee-Lo Green. Sa tingin ko, wala nang iba pang may kakayanang makakanta ng kantang iyon. At nandiyan din ang 'Just the Way You Are'. Kung alam mo ang aking kwento, alam mo rin na gusto ko ang iba't ibang dyanra ng musika."[53] Sinabi niyang ang doo-wop ang pinaka-impluwensiya ng kanyang musika na ayon sa kanya ay "diretsuhang awit ng pag-ibig --- nakabibighani, simple, at romantiko." [53] Dagdag pa dito, sinabi ni Mars na ang paglaki sa Hawaii ay nakaimpluwensiya sa kanyang musika na siyang nagbibigay ng tunog ng reggae dito. Ipinaliwanag niya na "Ilan sa mga malalaking istasyon ng radyo sa Hawaii ay reggae. Ang malalaking banda ay matainding naimpluwensiyahan ni Bob Marley. Ang ganoong musika ay pinag-iisa ang mga tao. Hindi ito musikang urban o musikang pop. Ito ay awitin lamang. Ito ang nagpapatawid dito ng maigi. Ang awitin ang nangunguna sa lahat." [8] Kung ang pagbabasehan ay ang letra ng kanta, karamihan sa kanta ni Mars ay inilalarawan na nakakapagpagaan ng kalooban, walang inaalala, at optimista.,[54] Gayunpaman, ilang madidilim na paksa ang tinatalakay sa mga kantang "Grenade", "Liquor Store Blues", at "Talking to the Moon" kung saan tinatalakay ang mga paksa ng nabigong relasyon at mapanira sa sariling pag-uugali.[41][55]

Diskograpiya [baguhin]

  • Doo-Wops & Hooligans (2010)

Sanggunian [baguhin]

  1. ↑ De Castro, Cynthia (January 5, 2011). "Bruno Mars: The Fil-Am Artist with Universal Appeal". Asian Journal. AJ Press Los Angeles. http://www.asianjournal.com/aj-magazine/midweek-mgzn/8386-bruno-mars-the-fil-am-artist-with-universal-appeal.html. Nakuha noong January 7, 2011. 
  2. ↑ 2.0 2.1 Caulfield, Keith (October 13, 2010). "Toby Keith's 'Gun' Fires at No. 1 on Billboard 200". Billboard. http://www.billboard.com/#/news/toby-keith-s-gun-fires-at-no-1-on-billboard-1004120559.story. Nakuha noong October 13, 2010. 
  3. ↑ 3.0 3.1 Caramanica, Jon (October 5, 2010). "Bruno Mars in Ascension". The New York Times. http://www.nytimes.com/2010/10/06/arts/music/06mars.html. Nakuha noong October 7, 2010. 
  4. ↑ "ACE Title Search: Hernandez Peter Gene". American Society of Composers, Authors and Publishers. http://www.ascap.com/ace/search.cfm?requesttimeout=300&mode=results&searchstr=1687696&search_in=c&search_type=exact&search_det=t,s,w,p,b,v&results_pp=10&start=1. Nakuha noong September 15, 2010. 
  5. ↑ Jeffries, David. "Bruno Mars > Biography". allmusic. http://www.allmusic.com/artist/p1107691/biography. Nakuha noong September 26, 2010. 
  6. ↑ 6.0 6.1 6.2 6.3 Moniz, Melissa (April 14, 2010). "Starring Bruno Mars". MidWeek. Honolulu: Black Press. http://www.midweek.com/content/story/midweek_coverstory/Bruno_Mars_Nothin_On_You/. Nakuha noong September 15, 2010. 
  7. ↑ Yi, David (October 12, 2010). "Bruno Mars, Far East Movement lead Asian-American pop music wave taking over the Billboard charts". Daily News. New York City. http://www.nydailynews.com/entertainment/music/2010/10/12/2010-10-12_bruno_mars_far_east_movement_lead_asianamerican_pop_music_wave_taking_over_the_b.html. Nakuha noong October 12, 2010. 
  8. ↑ 8.0 8.1 8.2 Farber, Jim (October 3, 2010). "Bruno Mars follows his summer of hits with a big debut album 'Doo-Wops & Hooligans'". Daily News. New York City. http://www.nydailynews.com/entertainment/music/2010/10/03/2010-10-03_bruno_mars_follows_his_summer_of_hits_with_a_big_debut_album_doowops__hooligans.html. Nakuha noong December 26, 2010. 
  9. ↑ Lewis, Pete. "Bruno Mars: Out of this World!". Blues & Soul. http://www.bluesandsoul.com/feature/593/bruno_mars_out_of_this_world/. Nakuha noong September 22, 2010. 
  10. ↑ 10.0 10.1 Lester, Paul (September 13, 2010). "New band of the day: Bruno Mars (No 865)". The Guardian. UK. http://www.guardian.co.uk/music/2010/sep/13/new-band-bruno-mars. Nakuha noong September 15, 2010. 
  11. ↑ "Bruno Mars and Phillip Lawrence". American Society of Composers, Authors and Publishers. March 18, 2010. http://www.ascap.com/playback/2010/03/ACTION/Mars_Lawrence.aspx. Nakuha noong September 15, 2010. 
  12. ↑ "Bruno Mars on Songwriting, Singing as a Tot, Working with Ne-Yo". Vibe. Vibe Media Group. October 4, 2010. http://www.vibe.com/content/bruno-mars-songwriting-singing-tot-working-neyo. Nakuha noong March 7, 2011. 
  13. ↑ 13.0 13.1 "Bruno Mars gravitates toward a stellar solo career". USA Today. September 15, 2010. http://www.usatoday.com/life/music/news/2010-09-16-brunomars16_ST_N.htm. Nakuha noong September 15, 2010. 
  14. ↑ Gentry, Colin (September 22, 2010). "4Music.com meets Bruno Mars". 4Music. Box Television. http://www.4music.com/artist/bruno-mars/just-the-way-you-are-interview.html. Nakuha noong February 4, 2011. 
  15. ↑ "Greetings From Bruno Mars (YouTube video)". Elektra Records. http://www.youtube.com/watch?v=6yWMJyNSIpM. 
  16. ↑ Cline, Georgette. "10 Questions for Bruno Mars". Rap-Up. Devin Lazerine. http://www.rap-up.com/2010/05/11/10-questions-for-bruno-mars/. Nakuha noong December 23, 2010. 
  17. ↑ 17.0 17.1 Jones, Steve (January 25, 2011). "Bruno Mars' musical orbit seems inescapable". USA Today. http://www.usatoday.com/life/music/news/2011-01-25-brunomars25_ST_N.htm. Nakuha noong February 3, 2011. 
  18. ↑ 18.0 18.1 18.2 18.3 18.4 "Interview with Aaron Bay-Schuck". HitQuarters. December 13, 2010. http://www.hitquarters.com/index.php3?page=intrview/opar/intrview_AaronBaySchuck_int.html. Nakuha noong December 14, 2010. 
  19. ↑ Wete, Brad (April 13, 2010). "So who is Bruno Mars? A Q&A with the guy behind B.O.B's smash hit 'Nothin' On You'". Entertainment Weekly. Time Inc. http://music-mix.ew.com/2010/04/13/bruno-mars-qa/. Nakuha noong September 15, 2010. 
  20. ↑ "Get Sexy". American Society of Composers, Authors and Publishers. http://www.ascap.com/ace/search.cfm?requesttimeout=300&mode=results&searchstr=372437211&search_in=i&search_type=exact&search_det=t,s,w,p,b,v&results_pp=10&start=1. Nakuha noong September 15, 2010. 
  21. ↑ (2010) Album notes for Sweet 7 by Sugababes [CD booklet]. Island Records.
  22. ↑ "Animal by Far East Movement FM". iTunes Store. Apple Inc. http://itunes.apple.com/album/animal/id303539971. Nakuha noong September 15, 2010. 
  23. ↑ PR Newswire (November 11, 2010). Jaeson Ma Releases New Single Glory. Pagpapalabas ng balita. Hinango noong 24 Nobyembre 2010.
  24. ↑ "Love – Single". iTMS. http://itunes.apple.com/album/love-single/id328941719. Nakuha noong November 24, 2010. 
  25. ↑ "B.o.B feat. Bruno Mars – Nothin' on You (song)". australian-charts.com. Hung Medien. http://www.australian-charts.com/showitem.asp?interpret=B.o.B+feat.+Bruno+Mars&titel=Nothin'+On+You&cat=s. Nakuha noong February 3, 2011. 
  26. ↑ "Travie McCoy feat. Bruno Mars – Billionaire (song)". australian-charts.com. Hung Medien. http://www.australian-charts.com/showitem.asp?interpret=Travie+McCoy+feat.+Bruno+Mars&titel=Billionaire&cat=s. Nakuha noong February 3, 2011. 
  27. ↑ "Bruno Mars: Top 75 Releases". The Official Charts Company. http://www.theofficialcharts.com/artist/_/BRUNO%20MARS/. Nakuha noong February 3, 2011. 
  28. ↑ Trust, Gary (December 2, 2010). "Weekly Chart Notes: P!nk, Bruno Mars, Band Perry". Billboard. http://www.billboard.com/#/column/chartbeat/weekly-chart-notes-p-nk-bruno-mars-band-1004133464.story. Nakuha noong February 3, 2011. 
  29. ↑ Marketwire (May 11, 2010). Bruno Mars Blasts Off Into the Top Ten Albums Chart on iTunes With New Digital EP; Acclaimed Singer/Songwriter/Producer Follows B.o.B's #1 Blockbuster, "Nothin' On You" With Much-Anticipated Solo Debut; Four-Song EP Features Guest Appearances From B.o.B and the Legendary Cee Lo Green; Major TV Performances Slated Throughout May; "IT'S BETTER IF YOU DON'T UNDERSTAND" Arrives at All Digital Retailers Today. Pagpapalabas ng balita. Hinango noong 15 Setyembre 2010.
  30. ↑ "Bruno Mars Album & Song Chart History". Billboard. http://www.billboard.com/#/artist/bruno-mars/chart-history/1054629?f=305&g=Albums. Nakuha noong September 15, 2010. 
  31. ↑ Rodriguez, Jayson (July 15, 2010). "Bruno Mars Shows His 'Darker' Self On 'The Other Side' Video". MTV News. MTV Networks. http://www.mtv.com/news/articles/1643751/20100715/bruno_mars.jhtml. Nakuha noong September 15, 2010. 
  32. ↑ Dinh, James (September 13, 2010). "B.o.B, Hayley Williams Perform Rousing 'Airplanes' At VMAs". MTV News. MTV Networks. http://www.mtv.com/news/articles/1647679/20100913/bob_7_.jhtml. Nakuha noong September 15, 2010. 
  33. ↑ "Doo-Wops & Hooligans". Amazon.com. http://www.amazon.com/Doo-Wops-Hooligans/dp/B0043ZDFEQ/. Nakuha noong September 29, 2010. 
  34. ↑ 34.0 34.1 Marketwire (August 25, 2010). Bruno Mars Unveils Eagerly Awaited Debut Album "DOO-WOPS & HOOLIGANS" Slated to Arrive October 5th; New Single "Just The Way You Are" Shaping Up as Massive Hit, With Top 3 Success on iTunes "Top Singles"; Sold-Out New York City Live Debut Set for Tonight, Followed by US Tour Alongside Maroon 5 in October. Pagpapalabas ng balita. Hinango noong 25 Agosto 2010.
  35. ↑ Marketwire (July 19, 2010). Bruno Mars Ready With New Solo Single; "Just The Way You Are" Drops July 20th, Heralding Hugely Anticipated Debut Album; Elektra Recording Artist and Acclaimed Singer/Songwriter/Producer to Join Maroon 5 and One Republic on Tour. Pagpapalabas ng balita. Hinango noong 15 Setyembre 2010.
  36. ↑ Pietroluongo, Silvio (September 22, 2010). "Bruno Mars Lands Atop Hot 100, Rihanna Roars Into Top 10". Billboard. http://www.billboard.com/#/news/bruno-mars-lands-atop-hot-100-rihanna-roars-1004115901.story. Nakuha noong September 22, 2010. 
  37. ↑ "Bruno Mars – Just the Way You Are (song)". australian-charts.com. Hung Medien. http://www.australian-charts.com/showitem.asp?interpret=Bruno+Mars&titel=Just+The+Way+You+Are&cat=s. Nakuha noong February 3, 2011. 
  38. ↑ Wete, Brad (September 8, 2010). "Bruno Mars wows his lady with cassette tape drawings in 'Just the Way You Are' video: Watch here". Entertainment Weekly. Time Inc. http://music-mix.ew.com/2010/09/08/bruno-mars-just-the-way-you-are-video/. Nakuha noong September 15, 2010. 
  39. ↑ "Grenade – Single". iTunes Store Australia. Apple Inc. http://itunes.apple.com/au/album/grenade-single/id394582499. Nakuha noong February 3, 2011. 
  40. ↑ "Bruno Mars – Grenade (song)". australian-charts.com. Hung Medien. http://www.australian-charts.com/showitem.asp?interpret=Bruno+Mars&titel=Grenade&cat=s. Nakuha noong February 3, 2011. 
  41. ↑ 41.0 41.1 41.2 Greenblatt, Leah (September 29, 2010). "Doo-Wops & Hooligans (2010)". Entertainment Weekly. http://www.ew.com/ew/article/0,,20430431,00.html. Nakuha noong September 29, 2010. 
  42. ↑ "Bruno Mars Arrested". TMZ.com. September 20, 2010. http://www.tmz.com/2010/09/20/bruno-mars-arrested-cocaine-mug-shot-las-vegas-singer-coke-possession/. Nakuha noong February 4, 2011. 
  43. ↑ "Bruno Mars – Sniffed Out by Bathroom Attendant". TMZ.com. September 20, 2010. http://www.tmz.com/2010/09/20/bruno-mars-arrested-cocaine-bathroom-attendant-hard-rock-hotel/. Nakuha noong February 4, 2011. 
  44. ↑ Black, Caroline (September 21, 2010). "Bruno Mars Mug Shot: Singer Arrested in Las Vegas on Cocaine Charge". CBS News. http://www.cbsnews.com/8301-504083_162-20017098-504083.html. Nakuha noong September 25, 2010. 
  45. ↑ "Bruno Mars Escapes Cocaine Charge". MTV News UK. February 5, 2011. http://www.mtv.co.uk/artists/bruno/news/256871-bruno-mars-escapes-cocaine-charge. Nakuha noong February 5, 2011. 
  46. ↑ "Bruno Mars Steps Out Sobruary 4, 2011". Billboard. http://www.billboard.com/#/news/bruno-mars-steps-out-solo-after-hitting-1004089204.story. 
  47. ↑ 47.0 47.1 47.2 Cohen, Sandy (October 4, 2010). "Music Review: Singer-songwriter-producer Bruno Mars shows range and pop flair on debut CD". The News. The Canadian Press. http://www.ngnews.ca/section/2010-10-04/article-1820062/Music-Review:-Singer-songwriter-producer-Bruno-Mars-shows-range-and-pop-flair-on-debut-CD/1. Nakuha noong February 5, 2011. 
  48. ↑ Mervis, Scott (October 7, 2010). "For the Record: Bruno Mars". Pittsburgh Post-Gazette. Block Communications. http://www.post-gazette.com/pg/10280/1093033-388.stm. Nakuha noong October 16, 2010. 
  49. ↑ Caramanica, Jon (October 5, 2010). "Bruno Mars in Ascension". The New York Times. http://www.nytimes.com/2010/10/06/arts/music/06mars.html. Nakuha noong October 5, 2010. 
  50. ↑ Wood, Mikael (August 18, 2010). "Bruno Mars Is Not Soft". The Village Voice. Village Voice Media. http://www.villagevoice.com/2010-08-18/music/bruno-mars-is-not-soft/. Nakuha noong September 15, 2010. 
  51. ↑ 51.0 51.1 51.2 "Bruno Mars On Damian Marley Track, Hip-Hop Influences, B.o.B.". Vibe. Vibe Media Group. October 4, 2010. http://www.vibe.com/content/bruno-mars-damian-marley-track-hiphop-influences-bob. Nakuha noong February 1, 2011. 
  52. ↑ Copsey, Robert (January 20, 2011). "Bruno Mars "in awe" of Alicia Keys". Digital Spy. http://www.digitalspy.co.uk/music/news/a299096/bruno-mars-in-awe-of-alicia-keys.html. Nakuha noong February 6, 2011. 
  53. ↑ 53.0 53.1 Johnson, Kevin C. (November 24, 2010). "Bruno Mars learned music biz by collaborating with big acts". STL Daily. STL Media Group. http://www.stltoday.com/entertainment/music/article_b1db2769-06cc-5739-8104-03f294758410.html. Nakuha noong December 23, 2010. 
  54. ↑ Vick, Megan (August 6, 2010). "Bruno Mars, "Just the Way You Are"". Billboard. http://www.billboard.com/#/new-releases/bruno-mars-just-the-way-you-are-1004108079.story. Nakuha noong October 16, 2010. 
  55. ↑ Toor, Amar (October 5, 2010). "Bruno Mars, 'Grenade' – New Song". AOL Radio Blog. AOL. http://www.aolradioblog.com/2010/10/05/bruno-mars-grenade/. Nakuha noong October 16, 2010. 

Mga kawing panlabas [baguhin]

Search Wikimedia Commons May midya ang Wikimedia Commons kaugnay ng/sa: Bruno Mars

Kinuha mula sa "http://tl.wikipedia.org/w/index.php?title=Bruno_Mars&oldid=1342063"