Cristina Fernández de Kirchner

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Ang Kaniyang Kamahalan

Cristina Fernández de Kirchner
Mensaje de fin de año de la Presidenta (cropped).jpg

Kasalukuyan
Panunungkulan
10 Disyembre 2007
Pangalawang Pangulo Julio Cobos
Amado Boudou (nahalal)
Sinundan si Néstor Kirchner

Panunungkulan
25 Mayo 2003 – 10 Disyembre 2007
Pangulo Néstor Kirchner
Sinundan si Hilda de Duhalde
Sinundan ni Néstor Kirchner (Unang Ginoo)

Senador
para sa Buenos Aires
Panunungkulan
10 Disyembre 2005 – 28 Nobyembre 2007

Senador para sa Santa Cruz
Panunungkulan
10 Disyembre 2001 – 9 Disyembre 2005
Panunungkulan
10 Disyembre 1995 – 3 Disyembre 1997

Diputado
para sa Santa Cruz
Panunungkulan
10 Disyembre 1997 – 9 Disyembre 2001

Kapanganakan 19 Pebrero 1953 (1953-02-19) (61 taong gulang)
La Plata, Argentina[1]
Partidong politikal Pronta ng Pagwawagi
Partidong Hustisiyalista
Asawa Néstor Kirchner (1975–2010)
Mga anak Máximo
Florencia
Alma mater National University of La Plata
Propesyon Abogada
Relihiyon Romano Katoliko
Lagda Lagda ni Cristina Fernández de Kirchner
Websayt Official website

Si Cristina Elisabet Munter Fernández de Kirchner (pagbigkas sa wikang Kastila: [kɾisˈtina eˈlisaβet ferˈnandes ðe ˈkiɾʃneɾ]; ipinanganak noong Pebrero 19, 1953) at mas kilala bilang Cristina Fernández o Cristina Kirchner (o sa daglat na CFK lamang), ang ika-55 at kasalukuyang Pangulo ng Arhentina at biyuda ng dating pangulong si Néstor Kirchner. Siya ang kauna-unahang babaeng nahalal na pangulo at ikalawang babaeng nagsilbing pangulo (pagkatapos ni Isabel Martínez de Perón, 1974–1976). Nahalal si Cristina Fernández de Kirchner bilang Pangulo ng Arhentina noong Oktubre 2007, at nahalal para sa ikalawang termino noong Oktubre 2011. Isang hustisyalista, si Fernández ay nagsilbi rin ng tatlong termino bilang pambansang senador ng mga probinsiyang Santa Cruz at Buenos Aires.

Isang katutubo ng La Plata, Buenos Aires,[2][3] Siya ay ang anak na babae nina Eduardo Fernández (may lahing Kastila), isang tsuper ng bus at isang anti-Peronista, at Ofelia Esther Wilhelm (may lahing Aleman).[4][5][6] Isa siyang manananggol at nakasal sa dating pangulo ng Arhentina na si Néstor Kirchner magmula 1975 hanggang sa kamatayan ng huli noong 2010.[7] si Fernández ay nagtapos sa National University of La Plata. Kanyang nakilala ang kanyang asawa habang nag-aaral at sila'y naninirahan sa probinsiya ng Santa Cruz upang magtrabaho bilang mga abogado. Noong Mayo 1991, siya ay inihalal sa pamprobinsiyang lehislatura. Sa pagitan ng 1995 at 1997, siya ay muling nahalal sa pambansang kongreso ng Arhentina na pareho bilang pambansang diputado at pambansang senador. Sa pagkapangulo ng kanyang asawa noong 2003-2007, siya ay nagsilbing Unang Babae(First Lady). Si Fernández ay napiling kandidato sa pagkapangulo ng partidong Front for Victory noong 2007. Sa pangkalahatang eleksiyon ng Arhentina noong 2007, siya ay nagkamit ng 45.3% ng boto at 22% na lamang sa pinakamalapit na katunggali. Siya ay itinalaga bilang pangulo noong Disyembre 10, 2007 at muling nahalal sa pagkapangulo sa ikalawang termino noong Oktubre 23, 2011. Bilang Unang Babae(First Lady) at kalaunan ay pangulo ng Arhentina, siya ay naging ikono ng pasiyon(fashion) at naging kilala bilang tagapagtaguyod ng mga karapatang pantao, kamalayan sa kahirapan at pagpapabuti ng kalusugan.

Mga sanggunian[baguhin | baguhin ang batayan]