DZBB-AM

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Super Radyo DZBB 594 AM
DZBB superradyo.jpg
Lungsod ng lisensiya Lungsod Quezon
Lugar ng pagsasahimpapawid Kalakhang Maynila
Tatak Super Radyo DZBB 594 AM
Islogan Ang himpilan ng katotohanan!
Unang sumahimpapawid 14 Hunyo 1950
Kadalasan 594 kHz
Pormat balita and serbisyo publiko
Lakas 50,000 watts
ERP 100,000 watts
Kahulugan ng tatak pantawag DZ
Bisig
Bayan
o DZ BoB Stewart (dating may-ari)
May-ari GMA Network
Webkast http://www.gmanews.tv


Ang DZBB (maliwanag DZ-dobol-B) (594 kHz Kalakhang Maynila) Super Radyo DZBB 594 AM ay ang pangunahing himpilan ng radyo sa AM ng GMA Network sa Pilipinas. Ang kanilang studio ay matatagpuan sa loob ng GMA Network Center sa Abenida Timog, Diliman, Lungsod Quezon, samantalang ang kanilang transmisor ay matatagpuan sa Obando, Bulacan.

24 oras ang pagsasahimpapawid ng Super Radyo DZBB 594 AM maliban sa Lunes, kung saan hindi ito sumasahimpapawid mula 12:00 ng hating gabi hanggang 4:00 ng madaling araw, at maliban sa Semana Santa ng Bawat Taon, kung saan hindi ito sumasahimpapawid mula 12:00 ng hating gabi sa Huwebes Santo hanggang 4:00 ng madaling araw sa Linggo ng Pagkabuhay.

Sa kasalukuyan, Ang Super Radyo DZBB 594 AM ay isa sa mga nangungunang himpilan sa AM band sa Kalakhang Maynila at isa sa mga pinakapinaparangalang himpilan ng radyo sa Pilipinas.

Kasaysayan[baguhin]

Si Arman Roque habang isinasahimpapawid ang kanyang programa sa radyo noong unang bahagi ng dekada '90.
Ang mga brodkaster ng DZBB na sina Arnold Clavio (kanan) at Ali Sotto (malayong kaliwa) sa loob ng studio ng DZBB.

Itinatag ang DZBB noong 14 Hunyo 1950 ni Robert "Uncle Bob" Stewart, sa isang maliit na silid tanggapan sa Gusaling Calvo, Escolta, Maynila, gamit ang mga lumang kagamitan at isang lumang transmitter. Kahit na kulang sila sa bagong kagamitan, ang himpilan ay nakapuntos ng mga karangalan dahil sa kanilang pagsasahimpapawid sa mga balita, mga huling kaganapan, mga nangyayari sa Senado at sa Kapulungan ng mga Kinatawan, mga eksklusibo at blow-by-blow na pagtutok sa mga mahahalagang pangyayari sa bansa. Sila rin ang gumawa ng mga programang tumatak sa industriya tulad ng Camay Theater of the Air, Tawag ng Tanghalan, Newscoop, Kuwentong Kutsero at iba pa. Ang iba rito ay nasahimpapawid sa telebisyon.

Dahil sa pagiging matagumpay ng DZBB, napagpasyahan ni Bob Stewart na subukan ang telebisyon noong 23 Oktubre 1961 bilang RBS DZBB-TV Kanal 7 (na ngayo'y kilala na sa pangalang GMA-7 Maynila). Ang kanal 7 at ang DZBB ay naipagbili sa grupo nina Gilberto Duavit, Sr., Menandro Jimenez and Felipe Gozon noong 1974.

Noong huling bahagi ng dekada '80 at unang bahagi ng Dekada 90, ang himpilan ay nakilala bilang "Radyo Bisig Bayan". Dahil dito mas naging kilala ang himpilan sa mga tagapagkinig ng radyo sa Kalakhang Maynila.

Noong 1999, binago nila ang pangalan ng himpilan bilang "Super Radyo" at karamihan ng kanilang mga palatuntunan ay tungkol sa mga balita at kasalukuyang pangyayari sa bansa.

Mga palabas[baguhin]

Ang karamihan ng mga palatuntunan ng DZBB ay tungkol sa balita, mga kasalukuyang isyu at pagsusuri sa mga ito. Ang kanilang mga programa sa umaga ay tinatampukan ng mga kilalang mamamahayag sa telebisyon. Ang mga sikat na programa nila ay kinabibilangan ng "Saksi sa Dobol B" ni Mike Enriquez at "Dobol A sa Dobol B", nina Arnold Clavio at Ali Sotto. Ang programa ni Mike Enriquez ay nagmula sa Saksi, isang balitaan sa telebisyon ng GMA Network na dati niyang tinatampukan.

Ang himpilang ito ay may balitaan na pinamagatang "Super Balita", at ito ay sumasahimpapawid ng tatlong beses kada araw; umaga (sumasahimpapawid sa lahat ng himpilan ng Super Radyo sa Pilipinas), hapon and gabi. Isinasa-ere din nila ang mga programa ng GMA Network at Q (network pantelebisyon) tulad ng 24 Oras, ang pangunahing balitaan ng GMA.

Mga personalidad ng radyo[baguhin]

Mga tagapag-ulat[baguhin]

Mga palatuntunan ng DZBB[baguhin]

Mga programang pantelebisyon na sinasahimpapawid sa DZBB[baguhin]

Mga himpilan ng Super Radyo sa Pilipinas[baguhin]

Tignan: Mga himpilan ng Super Radyo

Mga kaugnay na artikulo[baguhin]

Sanggunian[baguhin]