Diyosesis ng Masbate

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Diyosesis ng Masbate
Diocesis Masbatensis
Lokasyon
Teritoryo Masbate
Lalawigang Eklesyastiko Arkidiyosesis ng Caceres
Impormasyon
Rito Romano
Itinatag na
- Diyosesis

23 Marso 1968
Katedral Katedral ng San Antonio de Padua
Kasalukuyang Pamunuan
Papa Benedict XVI
Obispo bakante
Kalakhang Arsobispo

Leonard Zamora Legaspi,OP

Arsobispo ng Cáceres

Ang Diyosesis ng Masbate (Lat: Dioecesis Masbatensis) ay isang diyosesis ng Ritong latinng Simbahang Katoliko Romano sa Pilipinas.

Kasaysayan[baguhin]

Ang lalawigan ng Masbate ay matatagpuan sa sentro ng kapuluan ng Pilipinas. Ang pangunahing isla nito ay hitsurang isang ulo ng pana na nakaturo sa hilaga. Nasa katimugang bahagi nito ang Gulpo ng Asid, habang ang Jintotolo Channel ang naghihiwalay dito sa isla ng Panay. Ang kipot ng Masbate naman ang naghihiwalay sa mga isla ng Burias at Ticao mula sa pangunahing isla ng Masbate.

Ang lalawigan ay dating bahagi ng grupo ng ng mga isla sa Dagat Sibuyan na kinabibilangan ng Romblon, Marinduque at marami pang ibang maliliit na isla. Ito ang dahilan sa pagkakahalo-halo ng kultura sa lugar, at gayundin ang kanilang wika na kung saan ay isang kakaibang timpla ng Tagalog, Cebuano, Hiligaynon, Bicol at Waray.

Ang mga isla ng Dagat Sibuyan ay tanyag sa mga manananliksik na Espanyol noong ikalabing-anim na siglo. Mula sa Cebu, si Legazpi ay sumubok magbiyahe patungo sa isla ng Masbate, Burias at Ticao. Sa mga sumunod na siglo ang Masbate ay nagkaroon ng pagawaan ng mga ships na binubuo para sa pagpapalitan sa pagitan ng Myanila at Acapulco. Maliban dito, wala nang gaanong pag-unlad na naganap dito sa panahon ng pananakop ng mga Espanyol.

Ang mga pangalan ng mga lugar sa 121 na isla ng Masbate ay mga alaala ng mga misyonerong paglalakbay at at pagtatatag ng mga simbahan nang mga sundalong Espanyol at misyonero: San Pascual at Claveria sa Burias, San Jacinto at Monreal sa Ticao, Corpus at Esperanza sa Aroroy. Gayunpaman, ang bayan ng Masbate ang pinaka-importanteng pundasyon, at ngayon ito ang kinalalagakan ng diyosesis pati na ng kabisera ng lalawigan.

Maraming bagong kabahayan ang umusbong sa Masbate bago dumating ang mga hukbong Amerikano sa lupain ng Pilipinas sa pagpapalit ng siglo. Ang industriya ng baka ay sinimulan nang matuklasan ang mabuting lupain. Dahil dito nagsimula na ang pagbugso ng mga tao papunta rito kahit pa noong panahon lamang ng Amerikano nadiskubre ang mina sa bayan ng Aroroy.

Ang diyosesis ng Masbate ay nilikha noong 23 Marso 1968, nang mahiwalay ito mula sa Diyosesis ng Sorsogon. Ito ay binubuo noon hanggang ngayon, ang sibil na lalawigan ng Masbate at nang kanyang 121 na isla kasama ang dalawang mas malaking isla - Burias at Ticao. Ito ngayon ay isang supragan ng Arkidiyosesis ng Caceres. Ang patron ng diyosesis ay si San Antonio de Padua.

Ang lawak ng Masbate ay 7000 kilometro-kwadrado at mayroong populasyon ng 598,813 na kung saan 85 bahagdan ay mga Katoliko. Ang mga gawaing banal tulad ng rosaryo, mga nobena sa mga banal, at iba pang mga gawaing panrelihiyon tulad ng prosesyon, misa de Gallo at Semana Santa ay mga nakagawian na nga mga parokyano roon.

May kabuuang 22 parokya ang diyosesis ng Masbate, pinamamahalaan ng 43 na mga pari at 11 madre. Ito ay mayroong 1 minor na seminaryo, 4 pastoral centers, 3 elementarya, 6 mataas na paaralan, 1 kolehiyo at 7 kindergarten na paaralan. At mayroon din itong 20 BEC. 46 na neo-catechumenal na komunidad. 11 relihiyosong organisasyon at 3 charismatic na grupo.

Kasalukuyang Obispo[baguhin]

Ang diyosesis ng Masbate ay kasalukuyang walang namumunong Obispo sa pagkakahirang kay Lubhang Kagalang-galang Joel Zamudio Baylon bilang Obiso ng Diyosesis ng Legazpi[1]

Mga Namuno[baguhin]

  • Porfirio R. Iligan † (17 Hun 1968 Naitalaga - 14 Peb 1998 Nagretiro)
  • Joel Zamudio Baylon (14 Peb 1998 Naitalaga - 1 Okt 2009)

Tignan rin[baguhin]

Mga Sanggunian[baguhin]

  1. CBCP News (1 Oktubre 2009). Bagong Obispo ng Legazpi Inihayag", Binisita 8 Oktubre 2009.