Earl Warren
- Para sa ibang gamit, tingnan ang Earl Warren (paglilinaw).
Si Earl Warren (Marso 19, 1891 - Hulyo 9, 1974) ay isang mahalagang abugado, gobernador, at punong-hukom sa Estados Unidos.[1]
[baguhin] Talambuhay
Ipinanganak siya sa Los Angeles, California, subalit lumaki sa Bakersfield. Nakapag-aral siya ng agham-pampulitika sa Pamantasan ng California, at naging ganap abugado simula noong 1914. Naging attorney-general siya ng California noong 1938. Nakasal siya kay Nina Meyers noong 1925, at nagkaroon sila ng anim na supling. Namatay siya sa Washington, D.C. noong 1974.[1]
[baguhin] Buhay sa politika
Bilang isang Republikano, nahalal na gobernador ng California noong 1942. Sa kasaysayan ng California, siya lamang ang kaisa-isang nahalal sa pagka-gobernador ng tatlong beses.[1]
Noong 1953, pinangalanan siyang punong-hukom ng Estados Unidos ni Dwight D. Eisenhower. Kabilang sa mga naging desisyon ng hukuman, sa ilalim ng pamumuno ni Warren, ang hindi pagturing na makatarungan ang paghihiwalay o segregasyon ng mga itim at puting lahi sa mga paaralang pampubliko.[1]
Noong 1963, dahil kay Lyndon B. Johnson, naging pinuno si Warren ng komiteng naatasang mag-suri sa pagkamatay at asesinasyon ni John F. Kennedy. Nakilala bilang Komisyong Warren ang komiteng ito.[1]
