Ed Sheeran

Ed Sheeran
Si Sheeran sa kanyang pagtatanghal sa isang pang-umagang palatuntunan sa Sydney, Australya noong Pebrero 2013
Kabatiran
Pangalan noong ipinanganak	Edward Christopher Sheeran
Kapanganakan	(1991-02-17) 17 Pebrero 1991 Hebden Bridge, Kanlurang Yorkshire, Inglatera
Pinagmulan	Framlingham, Suffolk, Inglatera
Genre	Pop R&B folk hip hop acoustic
Trabaho	Mang-aawit at kompositor musikero
Instrumento	Little Martin LX1E
Taong aktibo	2005–kasalukuyan
Label	Asylum Atlantic Elektra
Website	edsheeran.com

Si Edward Christopher "Ed" Sheeran (ipinanganak noong 17 Pebrero 1991) ay isang Ingles na mang-aawit at kompositor at musikero. Ipinanganak sa Hebden Bridge, Kanlurang Yorkshire at pinalaki sa Framlingham, Suffolk, lumipat siya sa Londres noong 2008 upang itaguyod ang isang karerang pangmusika. Noong unang bahagi ng 2011, naglabas si Sheeran ng kanyang sariling extended play, ang No. 5 Collaborations Project, na nakakuha ng pansin nina Elton John at Jamie Foxx. Matapos noon ay lumagda siya sa Asylum Records. Ang kanyang lunsarang album, ang +, na naglalaman ng mga isahang awit na "The A Team" at "Lego House", ay pinagtibay bilang limang ulit na platinum sa UK. Noong 2012, nagwagi si Sheeran ng dalawang Gantimpalang Brit para sa pagiging Pinakamahusay na Solong Lalaking Mang-aawit na Ingles (Best British Male Solo Artist) at Bagong Saltáng Mang-aawit na Ingles (British Breakthrough Act). Nagwagi ang "The A Team" ng Ivor Novello Award para sa Pinakamahusay na Awitin sa Temang Pangmusika at Panletra (Best Song Musically and Lyrically). Noong 2014 siya ay nabigyan ng nominasyon para sa Pinakamahusay na Bagong Mang-aawit (Best New Artist) sa Ika-56 na Taunang Parangal Grammy (56th Annual Grammy Awards).