Eduardo Quisumbing

Si Eduardo Quisumbing (1895 – 1986) ay kinilalang "Ama ng Pag-aaral ng mga Orkidya sa Pilipinas". Nakapagsulat siya ng kauna-unahang publikasyon ukol sa mga halamang medisinal sa Pilipinas. Siya ay pinarangalang "Pambansang Siyentipiko " noong 1980.

Kilalang Botanist at Taxonomist si Dr. Quisumbing. Isinilang noong Nobyembre 24, 1895 sa Sta. Cruz, Laguna. Natapos niya ang Bachelor of Science of Agriculture sa Unibersidad ng Pilipinas (1918), Masters of Science in Agriculture sa Unibersidad ng Chicago (1912), at Ph.D in Botany (1923). Mula sa parehong paaralan, nakamit niya ang pagiging magna cum laude.

Nakapagsulat si Dr. Quisumbing ng halos 136 na artikulo tungkol sa iba't ibang bulaklak ng Pilipinas, kung saan, kalahati nito ay tungkol sa orkidya. Sa masusi niyang pananaliksik mula 1918 hanggang 1970, nakapagdagdag siya ng 4 na genera, 46 na species at 18 varieties kung kaya't tinagurian siyang "Father of Philippine Orchidology."

Naging direktor din siya ng Pambansang Museo kung saan pinangasiwaan niya ang pagsasaayos at panunumbalik ng Herbarium matapos itong masira noong giyera ng mga Amerikano at Hapones.

Ang lathalaing ito na tungkol sa Biyolohiya at Pilipinas ay isang usbong. Makatutulong ka sa Wikipedia sa pagpapalawig nito.