Elastisidad (ekonomika)

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Ang elastisidad (o elasticity sa Ingles) sa ekonomika ay isang sukat ng pagkasensitibo (sensitivity) ng isang variable sa isa pa. Ito ay numero na nagsasabi ng pagbabago sa porsiyento na mangyayari sa isang variable sa pagtugon nito sa isang porsiyentong dagdag ng isa pang variable.[1]

Elastisidad sa presyo ng Demand[baguhin]

Sinusukat ng elastisidad sa presyo ng demand (price elasticity of demand sa Ingles) ang pagkasensitibo ng dami ng deman sa pagbabago sa presyo. Ito ay makikita sa ekwasyon:

EP=(%ΔQ)/(%ΔP)

kung saan ang EP ay ang elastisidad ng presyo, Q ang dami ng demand at P ang presyo. (Ang "Δ" ang Griyegong letrang delta na nagsasaad ng "pagbabago sa".)

Ang elastisidad ng presyo ay karaniwang negatibong numero (negative number). Habang tumataas ang presyo ng isang produkto, bumababa ang dami ng demand nito.

Kapag ang elastisidad ng presyo ay higit pa sa 1, sinasabing ang demand ay price elastic dahil ang pagbawas sa porsiyento ng dami ng demand ay mas mataas nsa porsyento ng taas ng presyo. Halimbawa nito ay kapag tumaas ang presyo ng sapatos, mas malaki ang bawas sa dami ng bibili ng sapatos kaysa sa tinaas ng presyo. Kadalasan, ang elastisidad ay base sa dami o pagkakaroon ng mga kapalit ng produkto. Sa halimbawa, maaring kapalit ang sandalyas sa sapatos. Tumaas man ang presyo ng sapatos, maghahanap na lamang ng kapalit ang karaniwang konsumer sa sapatos.

Kapag ang elastisidad ng presyo ay mababa pa sa 1, sinasabing ang demand ay price inelastic. Ang mga produktong may ganitong elastisidad sa presyo ay kadalasang wala o mahirap mahanapan ng kapalit. Halimbawa ay bigas o tubig. Kahit na ano pa man ang taas ng presyo sa singil sa tubig, kakaunti lamang ang bawas sa pagkonsumo ng tubig dahil ang tubig ay isang pangangailangan sa araw-araw na buhay at wala itong katumbas na kapalit.

Sanggunian[baguhin]

  1. Pindyck, R. et. al., Microeconomics 1st edition. Pearson Education South Asia PTE Ltd. 2005.