Enero 2009

Ang Enero 2009 ay ang unang buwan ng taong iyon. Nagsimula ng Huwebes at nagtapos ng Sabado pagkatapos ng 31 araw.

Mga pangyayari

Enero 1, 2009 (Huwebes)

Manny Pacquiao pinarangalan bilang Kampiyon ng mga Kampiyon ng ESPN Star sports matapos makakuha ng higit isang milyong boto. (MB)

Enero 2, 2009 (Biyernes)

59 katao namataya at 200 pa nasugatan matapos lamunin ng apoy ang isang club sa Bangkok. (MB) Papa Papa Benedicto XVI nanawagan sa buong mundo para sa pagkakaisa para sa taong 2009. (MB)

Enero 3, 2009 (Sabado)

Gitnang Silangan nangangailangan ng mahigit 20, 000 nars na Pilipino. (MB) Patuloy na pambobomba ng bansang Israel sa Gaza nagdulot na ng umaabot sa 420 kataong nasawi. (MB)

Enero 4, 2009 (Linggo)

Apat na katao ang namatay at marami pa ang nasugatan matapos na yanigin ng sunod-sunod na malalakas na lindol ang silangang bahagi ng Indonesia. (BBC) Dahil sa umiigting na kuguluhan sa Gaza ang mga manggagawang Pinoy doon ay inililikas na patungong Jordan pagkatapos ay lilipad na patungo dito sa Pilipinas. (MB)

Enero 5, 2009 (Lunes)

Libo-libong katao nagtipon sa Lebanon at Turkey bilang protesta sa pagsalakay ng Israel sa Gaza. (PhilStar) Dalawang mamamahayag, isang Espanyol at isang Briton, ang pinalaya na nasa mabuting kalagayan ng mga kidnaper sa Somalia. (PhilStar)

Enero 6, 2009 (Martes)

Binigyan na ng India ang Pakistan ng pinakadetalyadong ebidensya na magpapatunay na ang umatake sa Mumbai ay mga elemento mula sa Pakistan. (PhilStar) Mga opisyal ng Iran at Bahrain nanawagan na gamitin ang langis bilang sandata para matigil na ang bakbakan sa Gaza. (PhilStar) Labindalawang pinagpipitaganang Pilipino sa bansang Guam pinarangalan. (GMANews)

Enero 7, 2009 (Miyerkoles)

Nanawagan ang Kalihim-Panlahat ng Nagkakaisang mga Bansa na si Ban Ki-moon na tapusin na ang labanan sa Gaza sa ginanap na pagpupulong ng Kapulungang Panseguridad sa estado ng Bagong York. (BBC) Ipinahayag ng tagapangasiwa ng Bangko Sentral ng Pilipinas na si Amando M. Tetangco na ang 2009 ay magiging kritikal na taon sa Pilipinas. (PhilStar)

Enero 9, 2009 (Biyernes)

Kinompirma na nang Kongreso ng Estados Unidos ang pagkakapanalo ni Barrack Obama bilang pang apatnapu't-apat na pangulo ng naturang bansa. (PDI) Kinondena ng Kalihim-Panlahat ng Nagkakaisang mga Bansa na si Ban Ki-moon ang pamamaril ng Israel sa sasakyan ng isa sa kanilang komboy ng tulong na ipinadala doon. (PhilStar) Kompyansa ang tagapamahala ng Komisyon sa Halalan na si Jose Melo na makakakuha sila ng walong bilyon o higit pa para sa awtomasyon ng halalan sa 2010. (PhilStar)

Enero 9, 2009 (Biyernes)

Kinompirma na nang Kongreso ng Estados Unidos ang pagkakapanalo ni Barrack Obama bilang pang apatnapu't-apat na pangulo ng naturang bansa. (PDI) Kinondena ng Kalihim-Panlahat ng Nagkakaisang mga Bansa na si Ban Ki-moon ang pamamaril ng Israel sa sasakyan ng isa sa kanilang komboy ng tulong na ipinadala doon. (PhilStar) Kompyansa ang tagapamahala ng Komisyon sa Halalan na si Jose Melo na makakakuha sila ng walong bilyon o higit pa para sa awtomasyon ng halalan sa 2010. (PhilStar)

Enero 10, 2009 (Sabado)

Saudi Arabia at iba pang kanluraning bansa, suportado ang pagpigil sa labanan sa Gaza, ito'y matapos balewalain ng Israel at mga militanteng Hamas ang panawagan ng Nagkakaisang mga Bansa. (MB) Costa Rica niyanig ng lindol, daan-daang katao kasama na ang 400 turista na-stranded sa bulubunduking bahagi ng sentro ng nasabing bansa. (PDI) 227 katao nasugatan sa itinuturing na pinakamahabang prosisyon ng Itim na Nazareno sa Quiapo, Maynila. (PhilStar)

Enero 11, 2009 (Linggo)

Israel at Hamas parehas hindi sumunod sa panawagan ng Mga Nagkakaisang Bansa na magkaroon ng tigil putukan. (MB) Krisis sa gaas sa Europa lalo pang lumalala ayon sa Punong ministro ng Russia na si Vladimir Putin. (PDI)

Enero 12, 2009 (Lunes)

Pinangangambahan namatay na ang 260 na pasahero ng isang sasakyang pandagat na panlulan na lumubog matapos hagupitin bagyo sa karagatan ng isla ng Sulawesi sa Indonesya. (PDI). Matapos makabalik dito ng ligtas ng 16 na manggagawang Pinoy sa ibang bansa sinabi ng isang opisyal ng Pamahalaan ng Pilipinas na marami pa ang kailangang ilikas sa ginigiyerang teritoryo ng Gaza. (PhilStar).

Enero 13, 2009 (Martes)

Nanalo ang abogadong si Roland Borris bilang papalit sa puwestong naiwan ni Barrack Obama sa senado ng Estados Unidos. (PDI).

Enero 14, 2009 (Miyerkoles)

21 isang pinoy na mandaragat pinakawalan na ng mga pirata sa Somalia. (MB). Inakusahan ng bansang Iran ang Israel na pinipigil umano ng huli ang mga sasakyang pandagat na magdadala ng mga gamot at pagkain sa Gaza. (PDI).

Enero 15, 2009 (Huwebes)

Naaprubahan na ng Pambansang Asambleya sa Venezuela ang susog sa Saligang Batas doon na naglalayon na mawalan ng takdang bilang ng beses ng pagkakahalal sa posisyon sa Pamahalaan. (PDI). Nananatili pa rin umanong pinakapangunahing panganib sa seguridad ng Estados Unidos ang Al-Qaeda at si Osama bin Laden, ayon kay Barrack Obama. (PDI). Pagpapatalsik sa Punong Mahistrado ng Kataas-taasang Hukuman ng Pilipinas na si Reynato Puno kinondena ng mga mahistrado. (MB).

Enero 16, 2009 (Biyernes)

155 na pasahero ng eroplano ligtas matapos magawang pababain sa lawa ng Hudson ng piloto na si Chesley B. "Sully" Sullenberger III ang nasabing eroplano matapos pumalya ang makina nito dahil sa mga ibon. (PhilStar). Mariing kinondenan ng iba't ibang bansa ang Israel sa natapos na Pangkalahatang Asambleya ng Nagkakaisang mga Bansa nitong Huwebes dahil sa pag-giyera nito sa Gaza. (PDI). Namumunong Hukom ng Sandiganbayan na si Diosdado Peralta nanumpa na bilang ikalabinlimang mahistrado ng Kataas-taasang Hukuman ng Pilipinas.. (PDI).

Enero 17, 2009 (Sabado)

Nagsimula na ang halalan sa hilagang-silangan ng Malaysia para punan ang bakanteng posisyon sa paryamentaro ng Kuala Terengganu. (PDI). Kinondena ng Estados Unidos ang pagpatay sa dalawang tao sa Iran sa pamamagitan ng pagbato sa mga ito. (PDI).

Enero 19, 2009 (Lunes)

Israel nagdeklara na ng tigil-putukan sa Gaza matapos ang 22 araw na labanan. (MB). Malakas na lindol yumanig sa isang isla ng New Zealand. (PDI).

Enero 19, 2009 (Lunes)

Israel nagdeklara na ng tigil-putukan sa Gaza matapos ang 22 araw na labanan. (MB). Malakas na lindol yumanig sa isang isla ng New Zealand. (PDI).

Enero 20, 2009 (Martes)

Siyam na babae ang namatay at 113 katao pa ang nasugatan matapos bumigay ng isang bubong ng isang malaking simbahan sa pinakamalaking lungsod ng Brazil na Sao Paulo nitong nakaraang Linggo. (PDI) Nagkasundo ang Russia at Ukraine para buhayin muli ang paglago ng suplay ng natural na gas sa Europa matapos pumirma ng dalawang bansa nitong Lunes para tapusin ang hindi pagkakasundo sa pagitan nila. (PDI)

Enero 21, 2009 (Miyerkoles)

Nanumpa na si Barrack Obama bilang kauna-unahang itim na pangulo sa kasaysayan ng Estados Unidos. (PDI)

Enero 22, 2009 (Huwebes)

Pambasang Salaping Gugulin ng Pilipinas para sa taong 2009 naaprubahan na sa Senado. (PDI) Mainit na pagbati ang pinaabot ng dating pinuno ng Cuba na si Fidel Castro at ng kanyang kapatid na si Pangulong Raul Castro ang bagong Pangulo ng Estados Unidos na si Barrack Obama. (PDI)

Enero 23, 2009 (Biyernes)

Kinompirma na ng Senado ng Estados Unidos ang pagkakatalaga kay Hillary Clinton bilang Kalihim ng Estado ng naturang bansa. (PhilStar) Ipinagbawal na ng pamahalaan ng Malaysia ang pagkuha o pagtanggap sa mga manggagawang banyaga upang maiwasan ang mataas na kawalan ng trabaho ng kanilang mamamayan. (PDI)

Enero 24, 2009 (Sabado)

Pinalayang bilanggo sa Lawa ng Guantanamo napag-alamang pinuno na ngayon ng al-Qaeda sa Yemen. (PhilStar) Magbibigay ang bansang Hapon ng 860 milyon yen (umaabot sa $9.5 milyon) halaga ng pagkain para sa mga tao sa Mindanao. (PDI) Ministrong Panlabas ng Cuba na si Felipe Perez Roque sinabing sang-ayon siya sa desisyon ni Pangulong Barack Obama na isara na ang kulungan sa Lawa Guantanamo. (PDI)

Enero 25, 2009 (Linggo)

Nais nang Iraq na tanggalin na ng pamahalaan ng Pilipinas ang pagbabawal sa mga manggagawang Pinoy sa kanilang bansa. (MB) 40 katao nalunod sa isang aksidente sa ilog sa Biyetnam, 36 na ang nailigtas at 2 o tatlo pa ang patuloy na hinahanap. (PDI) Nalagay sa alanganin ang relasyon sa pagitan ng Estados Unidos at Saudi Arabia matapos na suportahan ng una ang pagdigma ng Israel sa Gaza. (PDI)

Enero 26, 2009 (Lunes)

Parlamentaryo ng Iran nangako na ipapagawang muli ang gusali ng parlamentaryo ng mga Palestinian sa lungsod ng Gaza na nasira dahil sa nakaraan opensiba ng Israel. (PhilStar) Pangulong Arroyo sasabak sa limang araw na pagbisita sa bansang Switzerland at Bahrain para ipagmalaki ang interes pang-ekonomiya ng bansa at ang kagalingan ng mga manggagawang Pinoy. (MB) Pransya at Espanya hinagupit ng malakas na bagyo. (PDI)

Enero 27, 2009 (Martes)

Binawi na ng Alemanya ang di-pagsang-ayon nito sa gagawing eksperimento na paglalagay ng iron sulphate sa timog ng karagatang Atlantika para malaman kung kaya nitong mapigilan ang Pag-init ng daigdig. (PDI) Sultan at Punong ministro ng Brunay na si Hassanal Bolkiah Mu’izzaddin Waddaulah bibisita sa Maynila para patatagin ang 25 taong relasyon sa pagitan ng Brunay at ng Pilipinas. (PDI)

Enero 29, 2009 (Huwebes)

Inaasahang si Johanna Sigurdardottir, isang babaeng bakla, ang maluluklok sa pwestong Punong ministro ng Iceland. (PhilStar) Nilagdaan na ng Pamahalaan ng bansang Hapon ang 455 milyong pisong halaga sa pakikipagtulungan sa Nagkakaisang mga Bansa pambili n 7,500 na metrikong tonelada ng bigas para sa mga naapektuhan ng kaguluhan sa katimugang bahagi ng Pilipinas. (MB) Kinompirma na ng Senado ng Estados Unidos ang napili ni Pangulong Barrack Obama bilang direktor ng Pambansang Intelihensya, ang retiradong admiral na si Dennis Blair. (PDI)

Enero 29, 2009 (Huwebes)

Inaasahang si Johanna Sigurdardottir, isang babaeng bakla, ang maluluklok sa pwestong Punong ministro ng Iceland. (PhilStar) Nilagdaan na ng Pamahalaan ng bansang Hapon ang 455 milyong pisong halaga sa pakikipagtulungan sa Nagkakaisang mga Bansa pambili n 7,500 na metrikong tonelada ng bigas para sa mga naapektuhan ng kaguluhan sa katimugang bahagi ng Pilipinas. (MB) Kinompirma na ng Senado ng Estados Unidos ang napili ni Pangulong Barrack Obama bilang direktor ng Pambansang Intelihensya, ang retiradong admiral na si Dennis Blair. (PDI)

Enero 30, 2009 (Biyernes)

Bansang Tsina at Alemanya nangako na gagawa ng mga hakbangin upang mapanatiling matatag ang pandaigdigang ekonomiya sa kabila ng krisis. (PhilStar) Tatlong kandidato sa Irak ang pinatay kahapon sa magkakaibang lungsod bago pa man ang darating na halalang panlalawigan. (PhilStar) Pitong mga korporasyon sa konstruksyon na isinaman ng Bangkong Pandaigdig sa blacklist makikilahok sa mga pamimilian sa gagawa proyekto ng Kagawaran ng Pagawaing Bayan at Lansangan ng Pilipinas sa susunod na buwan. (PhilStar)

Enero 31, 2009 (Sabado)

Kinompirma na ng Nagkakaisang mga Bansa nitong Biyernes na magkakaroon ng apat na araw na pagbisita ang isang espesyal na enboy sa Myanmar bilang tugon sa imbitasyon ng pamahalaan doon para paigtingin ang panawagan sa rekonsilyasyon. (PDI) Sinabi ni Pangulong Lee Myung-bak ng Timog Korea na mali ang pahayag ng Hilagang Korea na ang mga polisiya ng pamahalaan ng una ay nagtutulak sa pagkakaroon ng armadong kaguluhan sa pagitan ng dalawang bansa. (PhilStar) Nangako ang ilang matataas na opisyal sa Palawan na gagawa sila ng mga hakbangin upang isulong sa Kapulungan ng mga Kinatawan na mapasama ang Kapuluan ng Kalayaan sa teritoryo ng Pilipinas. (PDI)

Tala ng mga Pangyayari ayon sa Buwan

2013: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2012: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2011: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2010: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2009: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2008: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2007: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2006: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre
2005: Enero, Pebrero, Marso, Abril, Mayo, Hunyo, Hulyo, Agosto, Setyembre, Oktubre, Nobyembre, Disyembre