Fernando Poe, Jr.

Mula sa Tagalog na Wikipedia, ang malayang ensiklopedya

Tumalon sa: nabigasyon, hanapin
Pambansang Alagad ng Sining ng Pilipinas

Pelikula
Fernando Poe, Jr.

Si Fernando Poe, Jr.
Tunay/Buong pangalan Ronald Allan Kelley Poe
Kapanganakan Agosto 20, 1939
Kamatayan Disyembre 14, 2004
Kabansaan Pilipino
Larangan Aktor, direktor, politika, pelikula, telebisyon

Si Ronald Allan Kelley Poe (Agosto 20, 1939 - Disyembre 14, 2004), higit na kilala bilang Fernando Poe, Jr., ay aktor, direktor, politiko sa Pilipinas na isang idolo at maraming nakakakilala. Kilala rin siya sa mga palayaw na FPJ o Da King. Ginagamit niya ang alyas na Ronwaldo Reyes sa mga pelikulang siya ang direktor.

Mga nilalaman

[baguhin] Kabatirang pansarili

Ipinanganak si Fernando Poe,JR noong Agosto 20, 1939 sa Lungsod ng San Carlos, Pangasinan, Pilipinas, kina Fernando Poe, Sr., isang ring aktor, at Elizabeth Gatbonton Kelley na taga Candaba, Pampanga na may Amerikanong magulang. [1] Ang orihinal na apelyido ng pamilya ay binaybay na Pou, mula sa kanyang mandudulang lolo na si Lorenzo Pou, isang Katalan mula sa Mallorca, na namuhay sa Pilipinas upang magnegosyo.

Pinakasalan niya ang aktres na si Susan Roces noong Disyembre 1968 sa isang seremonyang sibil. Ikinasal din sila sa simbahang Katoliko at sina Ferdinand Marcos at Imelda Marcos (na Pangulo at Unang Ginang ng Pilipinas noong mga panahon na iyon) ang mga naging ninong at ninang. Si Mary Grace lamang ang kanilang anak na ampon.

Bagaman, isang kilalang tao si Poe, hindi siya gaanong bukas sa kanyang pansariling buhay. Bagaman, noong Pebrero 2004, inamin ni Poe na mayroon siyang anak sa ibang babae. Si Ronian, o Ron Allan ay anak ni Poe kay Anna Marin na dating aktres. Nang kalaunan din, inihayag na mayroon din siyang anak sa dating modelo na si Rowena Moran na si Lovi, na naging artista na rin.

[baguhin] Karera sa pag-arte

Una siyang gumanap bilang Palaris sa Anak ni Palaris sa ilalim ng Deegar Cinema Inc. noong 1955 noong siya ay 16 taong gulang. Hindi ganoon kabilis ay kanyang pagsikat at sumama siya sa ilang pelikulang hindi siya ang bida tulad ng Simaron ng Everlasting Pictures, Babaing Mandarambong ng Everlasting Pictures at ang kauna-unahang Lo-Waist Gang na pawang taong 1956.

Isa siyang produkto ng Premiere Production kung kaya't ginawa niya ang mga pelikulang Bicol Express, Pepeng Kaliwete, May Pasikat Ba sa Kano?, Atrebida, Laban sa Lahat at marami pang iba, samantalang ang mga pelikulang Kamay ni Cain, Tipin, Obra-Maestra naman ang ginawa niya sa People's Pictures.

[baguhin] Pagtakbo bilang pangulo

Tumakbo si Poe bilang pangulo sa ilalim ng Koalisyon ng Nagkakaisang Pilipino (KNP) sa halalang pambansa ng Pilipinas noong 2004. Katambal nya sa halalang ito bilang kandidatong pang pangalawang-pangulo si Senador Loren Legarda-Leviste. Natalo sya sa halalang ito. Mayroon lamang siyang 9,158,999 bilang na boto, samantalang mayroong 9,674,597 boto ang nanalo na si Pangulong Gloria Macapagal-Arroyo. Paniwala ng mga tagasuporta ni Poe, na kabilang na rin ang mga taga-suporta ni Joseph Estrada, na huwad ang resulta ng halalan at iprinotesta ito ni Poe sa Kataas-taasang Hukuman ng Pilipinas. Ngunit, pagkatapos ng kanyang kamatayan, ibinasura ito ng Korte. Muntik na siyang hindi nakapagkandidato dahil sa mga katanungan ukol sa kaniyang pagkamamamayang Pilipino.

[baguhin] Kamatayan

Na-stroke siya noong Disyembre 10, 2004 at dinala sa Ospital ng St. Luke. Noong hating gabi ng Disyembre 14, 2004, namatay si FPJ sa istrok, sa edad na 65 taong gulang. Inilibing siya sa katabi ng tatay niyang si Fernando Poe, Sr at nanay niyang si Elizabeth Kelley sa North Cemetery, Lungsod ng Maynila.

[baguhin] Pagiging Pambansang Alagad ng Sining

Noong Mayo 2006, tinangghal ng Pambansang Komisyon sa Kultura at mga Sining ng Pilipinas si Poe bilang Pambansang Alagad ng Sining (National Artist) para sa pelikula. Ngunit hindi ito tinanggap ng asawa ni Poe na si Susan Roces dahil daw magiging magiging public display (pampubliko pagtatanghal) lamang ito sang-ayon kay Roces.[2]

[baguhin] Pelikula

[baguhin] Mga sanggunian

  1. ↑ http://ivanhenares.blogspot.com/2006/12/ninoy-and-fpj-death-masks-on-display.html
  2. ↑ "Poe, six others proclaimed National Artists", INQ7.net, 2006-05-24. 


t • u • b
Mga Pambansang Alagad ng Sining ng Pilipinas
Arkitektura/Arkitekturang Tanawin
Moda
Musika
Panitikan
Panitikang Pangkasaysayan
Pelikula

Lino Brocka · Ishmael Bernal · Gerardo de León · Fernando Poe, Jr. · Eddie Romero
Sayaw
Sining Biswal
Teatro
Kinuha mula sa "http://tl.wikipedia.org/wiki/Fernando_Poe,_Jr."
Mga pansariling kagamitan