Yogurt na pinatigas sa lamig

Mula sa Wikipediang Tagalog, ang malayang ensiklopedya
(Idinirekta mula sa Frozen yogurt)
Tumalon sa: nabigasyon, hanapin
Frozen yogurt

Ang yogurt na pinatigas sa lamig o yogart na nanigas sa lamig (Ingles: frozen yogurt, frozen yoghurt; nakikilala rin sa mga tatak pangkalakal bilang FroYo at Frogurt) ay isang panghimagas na naglalaman ng yogurt o iba pang mga produktong gawa sa gatas. Ito ay bahagyang mas maasim kaysa sa sorbets, at mas mababa ito sa taba (dahil sa paggamit ng gatas sa halip ng cream). Ito ay naiiba mula sa ice milk (masmakailang tawag na low-fat o light ice-cream), na hindi isinasama ang yogurt bilang isang sangkap.

Kasaysayan[baguhin | baguhin ang batayan]

Ang frozen yogurt ay ipinakilala ni H.P. Hood sa pangalang Frogurt sa New England noong 1970s bilang isang malambot na panghimagas. Noong 1978, ang Brigham’s, isang kompanya ng sorbetes, kendi, at sanwits mula sa Boston, ay binuo at inilunsad ang kaunaunahang frozen yogurt na nasa pakete sa ilalim ng pangalan ng Humphreez Yogart. Sa panahon ding iyon, isa pang frozen yogurt na nakapakete na tawag na “Danny” ay nagmula sa Dannon. Ito ay lasang prambuwesas or raspeberry na yogurt na nakalagay sa stik at nakabalot sa maitim na tsokolate. Ang dalawang yogurt na iyon ay mas nakakapagpalusog kaysa sa sorbetes ngunit nagreklamo ang mga mamimili noon ukol sa maasim na lasa kaya’t dinadagdagan ng mga tagagawa ng mas maraming asukal. Tumaas ang benta ng yogurt noong 1980s at umabot sa 25 milyong dolyar ang kabuuang benta noong 1986. Sa unang bahagi ng 1990s, ang frozen yogurt ay bumuo ng sampung porsiyento sa bilihan ng mga panghimagas.[1]

Produksiyon[baguhin | baguhin ang batayan]

Ang frozen yogurt ay karaniwang binubuo ng solid na gatas, ilang uri ng pangpatamis, taba ng gatas, yogurt culture, pangkulay, at pampalasa. Ang taba ng gatas ay bumubuo sa 0.5-6% ng yogurt. Ito ay nagbibigay ng magandang kalidad sa yogurt. Ang solid na gatas naman ay bumubuo sa 8-14% ng bigat ng yogurt at ito ay nagbibigay ng lactose para sa tamis at protina para hindi agad agad matunaw. Ang asukal mula sa cane / tubo o beet ay bumubuo sa 15-17% ng yogurt. Bilang karagdagan sa pagdadagdag tamis, ang asukal ay nagpapabigat sa mga sangkap na solid at nagpagpapabuti ng pagkakahabi. Ang mga gulaman at preserbatibs (guar gum, carrageenan, etc.) ay ang nagpapatatag ng yogurt dahil itong mga ito ay tumutulong sa pagbabawas ng pagkikristal at pagtaas ng temperatura kung saan ang yogurt ay matunaw. Ang frozen yogurt ay maaaring gawin sa isang makinarya ng sorbetes; gayunpaman, ang mga pangunahing kompanya ay madalas na gamitin ang mga makinarya na para lamang sa produksiyon ng frozen yogurt. Ang mga produkto ng gatas at gulaman ay pinagsasama-sama. Sa temperaturang 32°C, ang yogurt culture ay idinadagdag. Ang mga pinaghalo ay nananatili sa parehong temperatura hanggang ito ay natatakda at handa na para sa paglamig. Pagkatapos nito, ang mga pinaghalo ay pinapalamig sa 0 hanggang 4°C. Kapag ito ay umabot na sa nais na temperatura at lapot, ang yogurt ay inilalagay at iniiwan sa mga tangke hanggang sa apat na oras. Ang mga pampatamis, pampakulay, at pampalasa ay ihinahalo na rin, at ang timpla ng yogurt ay pinapalamig ulit sa -6 sa -2°C. Upang lumikha ng sobrang daming yogurt na may madulas na pagkakahabi, ang hangin ay idinadagdag sa yogurt habang ang timpla ay nababalisa. Kapag sapat na halaga ng hangin ay dinagdag sa produkto, ang yogurt ay mabilis na lalamig at mamumuo upang maiwasan ang pagbuo ng malaking mga kristal ng yelo. Pagkatapos, ito ay ilalagay sa isang malamig na lugar para maipadala. [1]

Mga Gamit[baguhin | baguhin ang batayan]

Ang frozen yogurt ay madalas kainin tulad ng sorbetes, at inihahanda na may iba't ibang mga lasa at mga istilo. Maraming mga kompanya ang nagbibigay kalayaan sa mga mamimili sa pagdaragdag ng mga iba't-ibang toppings, o kung sa baso o sa cone ba ito ilalagay. May mga ilang mga tagabenta na nag-aalok ng walang asukal na frozen yogurt. Ang mga frozen yogurt na ginagawa ng iba’t-ibang mga malalaking kompanya tulad ng Yogiberry, Blush Yoguty, Pinkberry, Red Mango, Cherry on Top, at Yogen Früz ay mas malapit sa orihinal na resipe, samantalang ang iba pang mga kompanya tulad ng TCBY at I Can’t Believe It’s Yogurt ay nakatutok sa paggawa ng kanilang mga frozen yogurt na ilasa tulad ng sorbetes. [2]

Mga Sanggunian[baguhin | baguhin ang batayan]