Gilberto Teodoro, Jr.

Mula sa Wikipediang Tagalog, ang malayang ensiklopedya
(Idinirekta mula sa Gilberto Teodoro, Jr)
Tumalon sa: nabigasyon, hanapin
Gilberto C. Teodoro, Jr.
Gilberto Teodoro, Jr.

Si Gilberto Teodoro (nasa kanan), kasama ang Kalihim ng Tanggulan ng Estados Unidos na si Robert M. Gates.


Kasalukuyan
Panunungkulan
3 Agosto 2007
Sinundan si Norberto Gonzales

Panunungkulan
1998 – 2007
Sinundan si Jose Cojuangco, Jr.
Sinundan ni Monica Prieto-Teodoro

Kapanganakan 14 Hunyo 1964 (1964-06-14) (edad 49)
Maynila, Pilipinas
Kabansaan Pilipino
Asawa Monica Prieto-Teodoro
Mga anak Jaime
Alma mater Pamantasang De La Salle
Unibersidad ng Pilipinas
Harvard Law School
Hanapbuhay Abogado
Relihiyon Katoliko

Si Gilberto Eduardo Gerardo "Gilbert"/"Gibô" Cojuangco Teodoro Jr. (ipinanganak 14 Hunyo 1964)[1] ay ang dating kalihim ng Kagawaran ng Tanggulang Pambansa ng Pilipinas. Siya ay nagsimulang maglingkod bilang kalihim noong Agosto 2007 at nagbitiw noong Nobyembre 2009. Siya ay naihahalal na kasapi ng Kapulungan ng mga Kinatawan ng Pilipinas mula 1998 hanggang 2007, na kumakatawan sa Unang Distrito ng lalawigan ng Tarlac. Marso nang taong 2009 nang ipahayag niya ang pagnanais na tumakbo sa pagka-Pangulo ng Pilipinas sa darating na Halalan sa Mayo 2010.

Siya ang nag-iisang anak nang dating tagapamahala ng Paseguruhan ng mga Manggagawa sa Pribadong Sektor Gilberto Teodoro, Sr. at dating kasapi ng Batasang Pambansa Mercedes Cojuangco-Teodoro. Pamangkin din siya ni Eduardo Cojuangco, Jr., tagapangulo ng San Miguel Corporation. [2]

Bukod sa pagiging kasapi ng Integrated Bar of the Philippines, UP Alumni Association, UP Law Alumni Association, Harvard Alumni Association at Harvard Law Alumni Association, lisensiyadong piloto din si Teodoro at Colonel sa Reserba ng Hukbong Himpapawid ng Pilipinas.

Edukasyon[baguhin]

Nagtapos ng elementarya at sekundarya si Teodoro sa Xavier School.

Si Teodoro ay nagtapos ng Batsilyer sa Komersyo mula sa Pamantasang De La Salle noong 1984. Taong 1989, nagtapos siya ng abogasya sa Unibersidad ng Pilipinas, kung saan nagawaran siya ng Medalya ng Dekano sa Kahusayang Pang-Akademya. Nang taong ding iyaon, siya ay nanguna siya sa Philippine Bar exams.

Sa loob ng pitong taon, ginamit niya ang kanyang kakayanan bilang pribadong abogado sa EP Mendoza Law firm. Nag-aral siya sa Harvard Law School sa Cambridge, Massachusetts para sa kanyang Master of Laws at nagtapos noong 1997. Natanggap din siya sa State Bar ng New York nang taon ding iyon.

Karera sa politika[baguhin]

Mambabatas[baguhin]

Mula 1998 hanggang 2007 kinatawan siya ng Unang Distrito ng lalawigan ng Tarlac. Nanilbihan siya bilang Katulong na Pinuno ng Mayorya sa Ika-11 na Kongreso at pinuno ng mga kasapi ng Kapulungan na kasapi ng Nationalist People's Coalition. Kasapi rin siya ng mga kinatawan ng kapulungan sa Legislative-Executive Development Advisory Council.

Matapos ang kanyang tatlong termino pinalitan siya nang kanyang asawa na si Monica Prieto-Teodoro.

Kalihim ng Tanggulang Pambansa[baguhin]

Naitalaga si Teodoro bilang Kalihim ng Kalihim ng Kagawaran ng Tanggulang Pambansa noong Agosto 2007 sa edad na 43, ang pinakabatang naupo sa posisyong iyon.

Kandidato sa pagkapangulo sa 2010[baguhin]

Noong Marso 2009 ipinahayag niya ang pagnanais na tumakbo sa pagkapangulo ng Pilipinas sa darating na Halalan sa Mayo 2010.[3] Ilang buwan bago yun, umalis siya sa Nationalist People's Coalition para sumali sa nagsanib na partio ng administrasyon na Lakas-Kampi-CMD at isinama ang kanyang pangalan sa pagpipilian ng partido sa pagtakbo sa halalan sa 2010.

16 Setyembre 2009, sa pamamagitan ng sikretong botohan na mayroong 42-5 na pabor sa kanya, nang komitibang tagapagpaganap ng partidong Lakas-Kampi, siya ang naging pangunahing tagapagtaguyod ng partido para sa darating na halalan, na nag-iwan sa katunggali niyang Tagapangulo ng MMDA Bayani Fernando. Ang pahayag na ginawa ng Kalihim-Heneral ng Lakas-Kampi Gabriel Claudio matapos ang ilang oras na deliberasyon.[4]

Pangulo ng Lakas-Kampi-CMD[baguhin]

Noong Nobyembre 20, inihayag ni Gloria Macapagal-Arroyo ang kanyang pagbibitiw sa partido bilang Pangulo at inililipat na niya ang posisyon kay Teodoro[5].

Tingnan din[baguhin]

Mga sanggunian[baguhin]

Mga kawing panlabas[baguhin]

Sinundan:
Jose Cojuangco, Jr.
Kinatawan, Unang Distrito ng Tarlac
1998–2007
Susunod:
Monica Prieto-Teodoro
Sinundan:
Norberto Gonzales
Kalihim ng Kagawaran ng Tanggulang Pambansa ng Pilipinas
2007–kasalukuyan
Susunod:
'Nakaupo'