Henrietta Szold

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Henrietta Szold
Si Henrietta Szold, habang nasa kanyang tahanan sa Herusalem.

Si Henrietta Szold (21 Disyembre 1860 – 13 Pebrero 1945) ay isang Hudyong mamamayan ng Estados Unidos na Zionistang pinuno at tagapagtatag ng Samahang Hadassah ng Kababaihan (Hadassah Women's Organization). Noong 1942, kasama siyang naging tagapagtatag ng Ihud, isang partidong pampolitika sa Mandatong Palestino na nakatuon sa solusyong binasyunal.

Talambuhay[baguhin | baguhin ang batayan]

Si Henrietta Szold ay ipinanganak sa Baltimore, Maryland, na anak na babae ni Rabbi Benjamin Szold, na siyang pinunong espiritwal ng Templong Oheb Shalom sa Baltimore.[1] Siya ang panganay o pinakamatanda sa walong mga anak na babae. Noong 1877, nagtapos siya ng pag-aaral mula sa Western Female High School. Sa loob ng labingwalong mga tao, nagturo siya sa Miss Adam’s School at paaralang panrelihiyon ng Oheb Shalom, at nagbigay ng mga kursong pangkasaysayan para sa mga adulto. Upang maragdagan ang sarili niyang edukasyon, dumalo siya sa mga panayam o lekturang pampubliko sa Unibersidad ng Johns Hopkins at sa Institutong Peabody.[2]

Si Szold ang naglunsad ng unang Amerikanong paaralang panggabi upang makapaglaan ng instruksiyon o leksiyon na pangwikang Ingles at mga kasanayang bukasyunal sa mga imigranteng Hudyong Ruso sa Baltimore.[3] Simula noong 1893, naghanapbuhay siya para sa Jewish Publication Society (Panghudyong Samahan ng Publikasyon), isang posisyong hinawakan niya sa loob ng mahigit sa dalawang mga dekada. Ang kanyang pagtuon sa Zionismo ay napalakas ng isang paglalakbay sa Palestina noong 1909. Itinatag niya ang Hadassah noong 1912 at naglingkod bilang pangulo nito hanggang 1926.[3] Noong 1933, lumipat siya sa Palestina at tumulong sa pagpapatakbo ng Youth Aliyah, isang organisasyon na nagligtas ng 30,000 mga batang Hudyo mula sa Europeong Nazi.[4]

84 taong gulang si Henrietta Szold noong mamatay siya sa Ospital ng Hadassah sa Herusalem noong 13 Pebrero 1945. Inilibing siya sa Bundok ng Oliba sa Herusalem.[4] Wala siyang mga anak.[2]

Mga sanggunian[baguhin | baguhin ang batayan]

  1. History Temple Oheb Shalom
  2. 2.0 2.1 Henrietta Szold (1860–1945) Hagshama
  3. 3.0 3.1 "Dateline World Jewry", Abril 2007, World Jewish Congress
  4. 4.0 4.1 Jewish Heroes and Heroines in America, 1900 to World War II, Florida Atlantic University Libraries, A Judaica Collection Exhibit, fau.edu.



TalambuhayHudaismoEstados Unidos Ang lathalaing ito na tungkol sa Talambuhay, Hudaismo at Estados Unidos ay isang usbong. Makatutulong ka sa Wikipedia sa pagpapalawig nito.