Idlip

Mula sa Tagalog na Wikipedia, ang malayang ensiklopedya

Mga kambal na mahimbing sa pagkakaidlip matapos maglaro.

Dalawang kuting na umiidlip. Hindi ito ang ibernasyon.

Isang ahas na lumalabas sa kaniyang lungga, pagkaraan ng hibernasyon o pag-idlip sa panahon ng tag-lamig.

Ang idlip^[1] (Ingles: nap, doze, snooze, catnap [lieral na "tulog-pusa"]) ay ang pagtulog ng magaan o maikli ng ilang sandali, minuto o oras. Karaniwang ginagawa ito sa panandaliang pamamahinga, partikular na ang sa tanghali o sa bandang hapon. Bilang paghahambing sa pagtulog na ginagawa ng mga manok, tinatawag din itong tulug-manok. Katumbas ito ng himlay at hipig.

Sa mga hayop na naninirahan sa mga pook na may tag-lamig, ginagawa nila ang isang uri ng pag-idlip na kung tawagin ay hibernasyon o ibernasyon (Ingles: hibernation). Nagkukulong ang mga hayop sa kanilang mga lungga, halimbawa na ang mga daga, ahas at oso upang palipasin ang panahon ng tag-lamig. Sa proseso ng ganitong uri ng mahabang pagtulog, umaabot ng ilang buwan, bumaba ang takbo ng metabolismo ng mga hayop.

[baguhin] Sanggunian