Ikalawang Konsilyo Vaticano
Ang Ikalawang Konsilyo Vaticano (sa Latin: Concilium Vaticanum Secundum, sa Italyano: Concilio Vaticano II) o Vaticano II, ay ang ikadalawampu't-isa at hanggang sa ngayo'y kahuli-hulihang konsilyong ekumeniko ng Simbahang Katoliko. Ito ay ipinatawag ni Papa Juan XXIII at nagbukas noong Oktubre 11, 1962, natapos na ito sa ilalim ni Papa Pablo VI noong Disyembre 8, 1965. Tinugunan ng Vaticano II ang mga hamon sa Simbahan Katoliko ng makabagong mundo.
Inilabas ng Vaticano II ang apat na konstitusyon, siyam na dekreto at tatlong pahayag.
[baguhin] Kasaysayan
Ang anunsiyo sa pagpapatawag ng isang konsilyong ekumeniko ay isinagawa ni Papa Juan XXIII sa Basilika ni San Pablo Extramuros noong Enero 25, 1959, tatlong buwan pa lamang magmula nang siya'y hirangin bilang Santo Papa. Kasama rin sa pahayag na ito ang pagpapatawag ng isang sinodo ng Diyosesis ng Roma at ang pagpapabago ng Kodigo ng Batas ng Simbahan.
[baguhin] Mga panlabas na kawing
Ang lathalaing ito na tungkol sa Kristiyanismo ay isang usbong. Makatutulong ka sa Wikipedia sa pagpapalawig nito.
