James Reid

James Reid
James Reid
	Si Reid noong 27 Mayo 2016
Kapanganakan	Robert James Reid; 11 Mayo 1993 (edad 30); Royal North Shore Hospital, Sydney, Australya
Nasyonalidad	Pilipinong-Australyano
Ibang pangalan	Hayme / Jaime
Edukasyon	Makati Science High School; Karabar High School Distance Education Centre
Trabaho	Mang-aawit; Artista; Mananayaw; Kompositor;
Aktibong taon	2010–kasalukuyan
Ahente	Star Magic (2010–2012); Viva Artist Agency (2012–kasalukuyan)
Kilala sa	Pinoy Big Brother: Teen Clash 2010; Spencer Ziff sa Good Vibes; Cross Sandford sa Diary ng Panget; Timothy Odelle Pendleton sa Talk Back and You're Dead
	Karera sa musika
Genre	pop; R&B; OPM;
Instrumento	Vocals; Dancerist; Piano;
Taong aktibo	2010–present
Label	Star Records (2010–2012); Viva Records (2012–kasalukuyan)

Si Robert James Reid,^{[fn 1]} higit na kilala bilang James Reid (ipinanganak noong 11 Mayo 1993 sa Sydney, Australya), ay isang Pilipino-Australyano na mang-aawit, artista, mananayaw, at kompositor na may dobleng pagkamamamayang Pilipino at Australyano.^[1] Nakilala siya matapos pangalanan bilang Big Winner ng Pinoy Big Brother: Teen Clash 2010. Kilala rin siya dahil sa kanyang pagganap bilang Spencer Ziff sa Good Vibes, Cross Sandford sa Diary ng Panget, at Timothy Odelle Pendleton sa Talk Back and You're Dead.

Ang kanyang paunang album na may pangalang sunod sa kanya, ang James Reid ay inilabas sa pormang digital sa iTunes at sa pisikal na porma noong 4 Setyembre 2013. Ang ikalawang album ni Reid, ang Reid Alert ay inilabas naman sa pormang digital sa iTunes^[2] at sa pisikal na porma noong Araw ng mga Puso ng 2015 ng Viva Records na nag-umpisa sa #2 sa talaan ng mga album pangmusikang pop sa Pilipinas, kasunod lamang ng 1989 ni Taylor Swift.