Johann Wolfgang von Goethe
Mula sa Tagalog na Wikipedia, ang malayang ensiklopedya
Si Johann Wolfgang von Goethe , IPA: [joˈhan/ˈjoːhan ˈvɔlfgaŋ fɔn ˈgøːtə], (28 Agosto 1749 – 22 Marso 1832) ay isang Alemang manunulat. Ang mga akda niya ay sumasaklaw sa larangan ng tula, drama, panitikan, teyolohiya, humanismo at agham. Ang kanyang magnum opus, na tinuturing na isa sa mga bantayog ng panitikan, ay ang dramang Faust.[1] Ilan pa sa mga kilalang akda ni Goethe ay ang mga tulang inakda niya, ang Bildungsroman na Wilhelm Meister's Apprenticeship at ang nobelang The Sorrows of Young Werther.
Isa si Goethe sa mga pangunahing pigura sa panitikan ng Alemanya at ang samahan ng Weimar Classicism sa dulo ng ika-18 at simula ng ika-19 na dantaon; ang samahang ito ay nakikipagsabayan sa Enlightenment, Sentimentality, Sturm und Drang at Romantisismo. Bilang may-akda ng Theory of Colours, naimpluwensiyahan niya si Darwin[2] sa pokus niya sa morpolohiya ng mga halaman. Matagal din siyang naglingkod bilang Privy Councilor ("Geheimrat") sa duchy ng Weimar.
Si Goethe ang nagpasimuno ng konsepto ng Weltliteratur ("panitikan ng mundo").
Ang impluwensiya ni Goethe ay kumalat sa buong Europa at sa susunod sa dantaon, ang mga akda niya ay pinaghugutan ng inspirasyon sa musika, drama, tula at pilosopiya. Si Goethe ay kinikilala bilang isa sa pinakamahalagang tao sa kultura ng Kanluran at kinikilala rin ng marami bilang isa sa pinakamahalagang manunulat sa wikang Aleman.
[baguhin] Talasanggunian
- ↑ http://www.bartleby.com/65/go/Goethe-J.html Columbia Encyclopedia, 6th Ed. (2001-2005).
- ↑ Darwin, C. R. 1859. On the origin of species by means of natural selection, or the preservation of favoured races in the struggle for life. London: John Murray. 1st edition.http://darwin-online.org.uk/content/frameset?itemID=F373&viewtype=text&pageseq=165&keywords=goethe
 |
Isang stub ang artikulong ito. Makatutulong ka sa Wikipedia sa pagpapalawig ng pahinang ito. |
