Kapuluan ng Birheng Britaniko

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Ang Kapuluang Birheng Britaniko o Kapuluang Birhen ng Britanya ay bahagi ng tanikala ng mga pulo ng Kapuluang Birhen na pinagsasaluhan ng Estados Unidos at ng Nagkakaisang Kaharian. Mayroon itong labing-anim na may naninirahan at mahigit sa dalawampung walang naninirahang mga pulo, at kabilang dito ang pulo ng Anegada. Mayroon itong sukat ng area na 153 km². Maliit ang populasyon nito na lampas sa 22,000, kung ihahambing sa Kapuluang Birhen ng Estados Unidos. Ang kabiserang lungsod na Road Town ay nasa Tortola, isa sa mga pulo ng pangkat.

Pamahalaan[baguhin]

Noong 1666, kinuha ng Inglatera ang pulo. Ang unang tenyente-gobernador ay naitalaga noong 1701, subalit ang Kapuluang Birhen ng Britanya ay pangkaraniwang pinamamahalaan bilang isang bahagi iba pang mga pangkat ng mga pulo sa Karibe hanggang 1960 noong buwagin ang huling mga ugnayang legal sa Kapuluang Leeward.

Isang bagong konstitusyon ang ibinigay noong 2007[1]. Nagbibigay ito ng mas malawak na pagtaban sa pang-araw-araw na buhay ng mga naninirahan sa pulo, at nagtatala ng pruteksiyong maaasahan ng isang tao mula sa pamahalaan. Ang Hepeng Ministro (Chief Minister) ay magiging Punong Ministro (Prime Minister), at ang Konsehong Lehislatibo ay tatawaging House of Assembly ("Kabahayan ng Kapulungan"). Ang mga pagbabagong ganito ay karaniwang nangyayari kapag ang isang kolonya ay malapit nang magsarili.

Mga sanggunian[baguhin]

  1. "The Virgin Islands Constitution Order 2007". Queen's Printer of Acts of Parliament. http://www.opsi.gov.uk/si/si2007/20071678.htm. Hinango noong 2007-08-13.