Kasalanang orihinal
Ayon sa isang doktrina sa teolohiyang Kristiyano, ang kasalanang orihinal o pinagmulang kasalanan, minsang tinatawag na kasalanang pangninuno, kasalanan ng ninuno, kasalanan ng kanunuan, o kasalanang ansestral, ay ang kalagayan ng pagiging makasalanan ng sangkatauhan na kinalabasan o nagresulta mula sa Pagbagsak ng Tao o Pagkahulog ng Tao.[1] Ang katayuang ito ay mailalarawan sa maraming mga kaparaanan, na nagmumula sa bahagyang kakulangan, o kaya patungo sa kasalanan ngunit walang pagiging nakukusensiya ng kabuoan, na tinutukoy bilang "kalikasan ng kasalanan", at hanggang sa kabuktutang buo o kusang pagiging nakukunsensiya ng lahat ng mga tao.[2]
Ang mga taong tumataguyod sa doktrinang ito ay tumitingin sa pagtuturo ni Pablo na Apostol sa Sulat sa mga Romano 5:12-21 at Sulat sa mga taga-Corinto 15:22 sa Bagong Tipan ng Bibliya dahil sa batayang pang-eskritura,[1] at tinatanaw ito ayon sa pahiwatig ng Mga Salmo 51:5 ng Lumang Tipan ng Bibliya. May ilang mga Kristiyano na hindi tinatanggap ang doktrinang tumutukoy sa katagang "kasalanang orihinal" o "kasalanang pangninuno", na hindi matatagpuan sa Bibliya. Gayon din sa katagang katulad ng "Trinidad" na ginagamit na pampadama ng ibang mga doktrinang Kristiyano. Hindi matatagpuan ang doktrinang ito sa ibang mga relihiyon, katulad ng Hudaismo,[3] Islam,[4] at Hinduismo.[5]
Sa teolohiya ng Simbahang Katoliko, ang kasalanang orihinal ay itinuturing bilang pangkalahatang kalagayan ng pagiging makasalanan, iyon ay ang (sa kawalan ng kabanalan at perpektong kaawaang-gawa o perpektong kagandahang-loob) kung saan ang mga tao ay ipinanganak, na kaiba mula sa mga talagang kasalanan na nagawa ng isang tao. Lantad na ipinapahayag ng pagtuturong ito na ang kasalanang orihinal ay walang katangian ng pagiging isang pagkukulang na personal ng sinuman sa mga anak o kaapu-apuhan ni Adan.[6] Sa ibang pananalita, ang mga tao ay hindi nagpapasan ng "orihinal na pagkakunsensiya" mula sa partikular na kasalanan nina Adan at Eba. Ang umiiral na pananaw, na pinanghahawakan din sa Silanganing Ortodoksiya, ay walang dalang pagiging nakukunsensiya ng mga tao dahil sa kasalanan nina Adan at Eba.
Bagaman mas nais ng Ortodoksiya na gamitin ang katagang "kasalanang ansestral",[7], nagsasabi na ang kasalanang orihinal ay namamana. Hindi lamang ito nanatili kina Adan at Eba. Sa pagdaan at paglipat ng buhay mula sa kanila hanggang sa lahat ng kanilang mga inanak at mga apo, gayon din ang kasalanang orihinal.[8] Sa ganitong sipi, ang "kasalanang orihinal" ay ginagamit hindi para sa kasalanang pansarili ni Adan, na kanyang lamang at hindi naililipat. Sa halip, ito ay tumutukoy sa namamanang "pagkasira ng kalikasan ng tao".
Ang isang mahalagang paglalahad ng paniniwala ng mga Kristiyanong Silanganin ay kumikilala sa kasalanang orihinal bilang kamatayang pisikal at espirituwal, kung saan ang kamatayang espirituwal ay ang pagkawala ng awa o grasya ng Diyos, na umantig o nagpasigla sa kaluluwa na may mas mataas at mas pang-espiritung buhay.[9] May ibang mga tao namang tumatanaw sa kasalanang orihinal bilang sanhi ng mga talagang kasalanan: "masama ang bunga ng masamang puno" (Mateo 7:17, MBB), bagama't sa ganitong pananaw ang kasalanang orihinal at talagang kasalanan ay maaaring mahirap maipagkaiba.[10]
Kasaysayan [baguhin]
Nagsimula ang tinatawag na kasalanang orihinal matapos na magkasala ang unang tao- sina Eba at Adan. Ayon sa Biblya nilikha ng Diyos ang unang tao- si Adan, at inilagay sa Paraiso o Halamanan ng Eden, kumuha siya ng lupa at inihulma ito na Kaniyang hiningahan o pinagkalooban ng Espiritu. ito ay sa ika-6 na araw ayon sa Kasaysayan ng Paglikha. Matapos ay nilikha si Eba, kumuha siya ng tadyang mula kay Adan at binigyang buhay si Eba. Pinagbilinin sila ng Diyos, na maaari nilang kainin ang lahat ng uri ng Bungang Kahoy na naroon maliban sa punongkahoy na nasa gitna ang Bungang Kahoy ng Kaalaman Hinggil sa Mabuti at Masama (mansanas ayon sa kuwentong bayan). Kaya't ng tuksuhin ng ahas si Eba at kinain ang nasabing bungang ipinagbabawal ay nagsimulang nagkasala ang tao. Ito ang siyang ating minamana na naaalis sa pamamagitan ng Sakramento ng Binyag. Kung saan ay mui tayong nagiging kabahagi ng Kaharian ng Diyos at anak ng Diyos.
Tingnan din [baguhin]
Mga sanggunian [baguhin]
- ↑ 1.0 1.1 Diksiyunaryong Oxford ng Simbahang Kristiyano (Palimbagan ng Pamantasan ng Oxford, 2005, ISBN 978-0-19-280290-3), artikulong Original Sin
- ↑ Brodd, Jefferey (2003). World Religions. Winona, MN: Saint Mary's Press. ISBN 978-0-88489-725-5.
- ↑ Judaism's Rejection Of Original Sin
- ↑ [1]
- ↑ What is the Hindu view of sin?
- ↑ Catechism of the Catholic Church, 405
- ↑ John S. Romanides, "The Ancestral Sin" (Zephyr Pub 2002 ISBN 978-0-9707303-1-2
- ↑ Metropolis Basic Teachings of the Orthodox Faith ni Arsobispo Sotirios ng Toronto, Kanada (Metropolitanong Arsobispo ng Griyegong Ortodoksiya): Original Sin and Its Consequences
- ↑ Catechism of St. Philaret, mga katanungan bilang 166, 167, at 168
- ↑ Johann Gerhard, Loci theologici, 5.17, binanggit at sinipi ni Henri Blocher, Original Sin: Illuminating the Riddle, (Grand Rapids: William B. Eerdmans Publishing Company, 1997), 19.
