Koboy

Isang klasikong paglalarawan ng mga Amerikanong koboy, iginuhit ni C.M. Russell ang dibuhong ito.

Ang koboy (mula sa Ingles na cowboy, nag-ugat naman sa Kastilang vaquero, [bigkas]: bakero) ay isang malawakang katawagan sa mga taong naghahanap-buhay - lalaki man o babae - sa mga bakahan, rantso o asyenda. Sila ang mga pastol ng mga baka. Kung minsan, nakikilahok sila sa mga rodeo. Kalimitang tinatawag na mga pelikulang kanluranin (Ingles: western movie) ang mga pelikulang tungkol sa mga koboy, kung kalaban nila ang mga Amerikanong Indyan. Sa Pilipinas, maaari ring mangahulugan ang koboy ng isang taong hindi pihikan o maselan sa pagkain o anumang gawain.