Kredo ng Niseno
- Para sa ibang gamit, tingnan ang Creed (paglilinaw).
Ang Kredo ng Niceno o Kredo ng Niseno (Latin: Symbolum Nicaenum]] ang credong ekumenikal na Kristiyanong na tinatanggap ng Simbahang Silangang Ortodoksa, Asiryanong Simbahan ng Silangan, Simbahang Oriental Ortodoksa, Simbahang Katoliko Romano, at halos lahat ng mga pangkat ng Protestanismo kabilang na ang Lutheranismo, Komunyong Anglikano, mga Nagbagong Simbahan, ang Simbahang Presbiteryano, at ang Methodismo.
[baguhin] Bersyong Tagalog
Sumasampalataya ako sa iisang Diyos
Amang Makapangyarihan sa lahat,
na may gawa ng langit at lupa,
ng lahat na nakikita at hindi nakikita.
At sa iisang Panginoong Hesukristo,
Bugtong na Anak ng Diyos,
sumilang sa Ama bago pa nagkapanahon.
Diyos buhat sa Diyos,
liwanag buhat sa liwanag,
Diyos na tunay buhat sa Diyos na tunay,
Sumilang at hindi ginawa,
Magkasing-sangkap ng Ama:
at sa pamamagitan Niya ginawa ang lahat.
Dahil sa ating pawang mga tao at dahil sa ating kaligtasan,
Nanaog Siya mula sa kalangitan.
At nagkatawang-tao Siya lalang ng Espiritu Santo
Isinilang ni Mariang Birhen at naging tao.
Ipinako Siya sa krus nang dahil sa atin sa ilalim ni Poncio Pilato;
Nagpakasakit, Namatay at Inilibing.
At muli Siyang nabuhay sa ikatlong araw
nang naaayon sa Banal na Kasulatan,
At umakyat Siya sa kalangitan at nakaluklok sa kanan ng Ama.
At mula roon paparito Siyang muling may kaluwalhatian,
upang hukuman ang mga nangabubuhay at mga nangamatay,
at magiging walang hangganan ang Kaniyang paghahari.
At sa Espiritu Santo, ang Panginoon at nagbibigay-buhay:
Na nanggagaling sa Ama at sa Anak.
Kaisa ng Ama at ng Anak Siyang sinasamba at pinararangalan.
Nagsalita Siya sa pamamagitan ng mga propeta.
At sa iisang banal, Katoliko, at apostolikong Simbahan.
Tinatanggap ko ang iisang binyag sa ikapagpapatawad ng mga kasalanan.
At hinihintay ko ang muling pagkabuhay ng mga nangamatay,
at ang buhay ng sansinukubang darating. Amen.
