Laurus nobilis
| Laurel | |
|---|---|
 |
|
| Mga bulaklak at dahon ng Laurus nobilis | |
| Kauriang pang-agham | |
| Kaharian: | Plantae |
| Dibisyon: | Magnoliophyta |
| Klase: | Magnoliopsida |
| Orden: | Laurales |
| Pamilya: | Lauraceae |
| Sari: | Laurus |
| Espesye: | L. nobilis |
| Pangalang dalawahan | |
| Laurus nobilis L. |
|
-
- Para sa ibang gamit, tingnan ang laurel (paglilinaw).
Ang laurel[1] (Laurus nobilis, Lauraceae; Ingles: bay leaf[1] o bay laurel), na kilala rin bilang true laurel [literal na salin: tunay na laurel], sweet bay, Grecian laurel [laurel ng Gresya], o bay tree, ay isang mabango at laging-lunting puno o malaking palumpong na tumataas hanggang 10–18 m, at katutubo sa rehiyon ng Mediteranyo.
Humahaba ng 6 hanggang 12 cm ang mga dahon na may lapad namang 2 hanggang 4 cm. Katangian na ng mga dahong ito ang pagkakaroon ng mga paliku-liko at makulubot na mga gilid. May lalaki at babae ang mga bulaklak ng halamang ito, na tumutubo sa magkahiwalay na halaman. Mapusyaw na dilawang-lunti ang bawat bulaklak nito na may diyametrong 1 cm, na tumutubong magkapares katabi ng isang dahon. Maliit na maitim ang itsura ng bunga nito na may habang 1 cm, at naglalaman ng isang buto.
