Lorenzo Ruiz

Si Lorenzo Ruiz (c.1600–ika-29 ng Setyembre, 1637) ay isang notaryong Pilipino at santo ng Katolisismo. Kilala siya bilang unang santong Pilipino na nakanonisa sa kasaysayan ng Simbahang Romano Katoliko.

Buhay at Kamatayan

Ipinanganak siya sa Binondo, Maynila, Pilipinas noong ika-17 na siglo sa mga Katolikong magulang. Natuto siyang mag-Tsino mula sa kaniyang ama, habang sa kaniyang ina naman siya ay natutong magsalita ng Tagalog. Siya ay nagsilbe bilang sakristan o ang tumutulong sa pari sa simbahan ng Binondo. Matapos na siya ay napagbintangan sa pagkamatay ng isang Kastila, siya ay lumikas patungong bansang Hapon kasama ang mga ilang pari. Doon sila ay nadakip ng pamahalaang lokal dahil sa kanilang pananampalataya. Matapos silang pahirapan, si Lorenzo Ruiz ay namatay isang martir noong ika-29 ng Setyembre, taong 1637 sa Nagasaki.

Pagkilala bilang Santo

Ibineatipika si Ruiz sa Maynila noong Pebrero 18, 1981 ni Papa Juan Pablo II, na siya ring nagkanonisa sa kaniya noong Oktubre 18, 1987. Ang beatipikasyon ni Ruiz ang kauna-una sa labas ng Vatican. Ang kaniyang pista ay iginugunita ng Simbahang Katolika tuwing ika-28 ng Setyembre.

Sipi

"Isa akong Katoliko at buong-pusong tinatanggap ang kamatayan para sa Panginoon, kung ako man ay may sanlibong buhay, lahat ng iyon ay iaalay ko sa kaniya."

Mga panlabas na kawing

• http://www.stlorenzo.org/patronsaint.shtml
• http://www.catholic-forum.com/saints/saintl17.htm

Ang lathalaing ito na tungkol sa Pilipinas, Kristiyanismo at Hapon ay isang usbong. Makatutulong ka sa Wikipedia sa pagpapalawig nito.