Lualhati Bautista
Mula sa Tagalog na Wikipedia, ang malayang ensiklopedya
| Lualhati Bautista | |
|---|---|
| Kapanganakan | Disyembre 2, 1946 Tondo, Maynila, Pilipinas  |
| Hanapbuhay | nobelista; manunulat sa pelikula at telebisyon |
Si Lualhati Torres Bautista ay isa sa pinakabantog na babaeng nobelista sa kasaysayan ng kontemporaryong panitikan ng Pilipinas. Kabilang sa mga nobela niya ang Dekada '70, Bata, Bata, Pa'no Ka Ginawa?, at Gapô.
Mga nilalaman |
[baguhin] Mga gawain
Bilang karagdagan sa pagiging isang nobelista, si Lualhati Bautista ay isa ring manunulat ng mga maiikling kuwento, at maging sa larangan ng pelikula at telebisyon. Ang pinakaunang akdang-pampelikulang isinulat niya ay ang Sakada (mga magsasaka ng tubo), isang kuwentong naisatitik ni Bautista noong 1972 na naglantad ng katayuan at pamumuhay ng mga mahihirap ng Pilipino. Nakatanggap ng pagkilala at parangal na Gantimpalang Don Carlos Palanca para sa Panitikan ng Pilipinas, maging mula sa Surian ng Wikang Pambansa noong 1987. Ilan sa mga ginantimpalaang sulating-pampelikula niya ang Bulaklak sa City Jail (1984), Kung Mahawi Man ang Ulap (1984), Sex Object (1985). Para sa pagsusulat para sa pelikula, nakatanggap siya ng pagkilala mula sa Metro Manila Film Festival (best story-best screenplay), Film Academy Awards (best story-best screenplay), Star Awards (finalist para sa best screenplay), FAMAS (finalist para sa best screenplay), at mga gantimapalang URIAN. Dalawa sa kaniyang mga maiikling kuwento ay nagwagi rin mga gantimpalang Carlos Palanca para sa Panitikan: ang Tatlong Kuwento ng Buhay ni Juan Candelabra, unang gantimpala, 1982, at Buwan, Buwan, Hulugan mo Ako ng Sundang, pangatlong gantimpala, 1983. Sumulat rin si Bautista ng mga dramang pang-telebisyon: ang Daga sa Timba ng Tubig (1975) at Isang Kabanata sa Libro ng Buhay ni Leilani Cruzaldo (1987). Nanalo ang huling akda ng pinakamagaling na kuwentong pandrama para sa telebisyon mula sa Catholic Mass Media Awards.
Pinarangalan si Bautista ng Ateneo Library of Women’s Writings (Aklatan ng mga Sulatin ng mga Kababaihan ng Ateneo) noong Marso 10, 2004 habang idinaraos ang ika-8 Taunang Panayam sa Panitikang Isinulat ng mga Kababaihan sa Katutubong Wika.[1]
==Paiikling kuwento na isinulat ng mga kababaihang Pilipino na inilimbag sa Finland ng The Finnish-Philippine Society (Ang Samahang Pinlandes-Pilipino, o FPS), isang hindi-pampahalaang organisasyon na itinatag noong 1988. Pinatnugutan at isinalin ni Riitta Vartti, at iba pa, ang Tulikärpänen. Sa Firefly: Writings by Various Authors (Alitaptap: Mga Sulatin ng Iba't Ibang May-akda), ang bersiyong Ingles ng kalipunang Pinlandes, ang sipi mula sa nobelang Pilipinong Gapô (daglat ng Olongapo) ay pinamagatang The Night in Olongapo (Ang Gabi sa Olongapo) samantalang ang sipi mula sa Bata, Bata, Pa'no Ka Ginawa? ay pinamagatan namang Children's Party (Handaang Pambata).[2][3][4]
Ang buong salinwika ng mga pinakamahahalagang akda ni Bautista ay maaaring makabuwag sa hadlang sa palimbagang pansandaigdigan, bagaman may mga nagsasabi na ang dahilan kung bakit walang nasasagawang pagsasalinwika ay ang paggamit ni Bautista ng payak ngunit makabuluhang wika para maisalarawan ang ang mga masasalimuot na katayuang panlipunan at pangkaluluwa sa Pilipinas, isang katangian palagiang ipinagsasawalang-bahala ng mga samahang pampanitikan.[2]
[baguhin] Mga akda
[baguhin] Mga nobela
- Gapô (o Gapô: At Isang Puting Pilipino, sa Mundo ng mga Amerikanong Kulay Brown) (1980)
- Dekada '70: Ang Orihinal at Kumpletong Edisyon (1983)[5]
- Bata, Bata...Pa'no Ka Ginawa? (1984)
- Desisyon
- Ang Kabilang Panig ng Bakod
- Hugot sa Sinapupunan
- Ang Paghuhukom
- Desaparesidos
[baguhin] Kalipunan ng mga maiikling katha
- Buwan, Buwan, Hulugan Mo Ako ng Sundang: Dalawang Dekada ng Maiikling Kuwento
[baguhin] Mga sulating pampelikula
- Bata, Bata...Pa'no Ka Ginawa?: The Screenplay (1998)
- Bulaklak sa City Jail
lol yey
[baguhin] Mga talaugnayang panlabas
- Lualhati Bautista sa Internet Movie Database
- Lualhati Bautista: Sityo ng Manunulat
- Who's Afraid of Lualhati Bautista? (Sino ang Natatakot kay Lualhati Bautista) ni Abet Zialcita, Inquirer.net, kinuha noong Hunyo 17, 2007
- Our Thoughts are Free (Malaya ang ating Pagiisip), Pagbabalik sa 'Gapo ni Alexander Martin Remollino, Hulyo 6, 2002, kinuha noong: Hunyo 17, 2007
- Your Portal to Philippine Literature: Lualhati Bautista (Ang Iyong Daanan Patungo sa Panitikang Pilipino), Institute of Creative Writing (Instituto ng Malikhaing Pagsulat), UP Diliman, Panitikan.com.ph, 2005, kinuha noong: Hunyo 17, 2007
- Pagsusuri ng Pelikula: Dekada '70 , Catholic Initiative for Enlightened Movie Appreciation, CBCPWorld.com, Disyembre 27, 2002, kinuha noong: Hunyo 17, 2007
[baguhin] Tingnan din
Maling banggit (Umiiral na ang mga tatak na <ref>, subalit walang natagpuang tatak na <references/>); $2
