Lungsod ng Mehiko

Mula sa Tagalog na Wikipedia, ang malayang ensiklopedya

Tungkol sa lungsod ang artikulong ito. Para sa bansa tignan ang Mehiko.

Ang Lungsod ng Mehiko o Lungsod Mehiko (Kastila: Ciudad de México o Ciudad de Méjico; Inggles: Mexico City) ang punong lungsod at ang pinakamataong lungsod sa Mehiko. Nakatayo ito sa gitnang talampas na dati ay isang lawa. Ang areang metropolitano nito, na ipinalalawak ng Distritong Federal at ng mga estado ng México at Hidalgo, ang isa sa pinakamalalaki sa buong daigdig at ang ikalawa o ikatlong pinakamatao sa populasyon ng 19.3 milyon (2005). Ang México ang sentrong pang-ekonomiya, pampolitika, at pangkultura ng bansa (dito ipinangalan ang bansa), ngunit hindi ito ang natatangi: Kapansin-pansin ang paglaki sa mga nagdaang taong ito ng mga lungsod tulad ng Monterrey, na itinuturing bilang ang bagong sentrong pang-industrya ng bansa, at ng Guadalajara.