Mura (artista)
Mura | |
|---|---|
| Kapanganakan | Allan Padua[1] 26 Marso 1969 Guinobatan, Albay, Pilipinas |
| Nasyonalidad | Pilipino |
| Trabaho | Artista, komedyante, magsasaka[2] |
| Aktibong taon | 2002–2018 |
| Kilala sa | Katambal ni Mahal |
Si Allan Padua (ipinanganak Marso 26, 1969), propesyunal na kilala bilang Mura, ay isang artista, komedyante, at magasasaka mula sa bansang Pilipinas na may pagkapandak.[2] Sa kanyang pag-aartista, kilala siyang katambal ni Mahal, na isang pandak din. Isang paglalaro sa mga salitang patungkol sa presyo ("mahal" at "mura") ang tambalan nila.
Maagang buhay[baguhin | baguhin ang wikitext]
Ipinananganak si Allan Padua sa Guinobatan, Albay at doon din siya lumaki kasama ang kanyang 13 kapatid. Ipinanganak na unano, naniwala ang kanyang ama na pinaglihian ng kanyang ina ang manikang pinaglalaruan nito sa kanya. Tinutukso si Mura noong nasa elementarya pa lamang siya dahil sa kanyang kalagayan.[3]
Karera[baguhin | baguhin ang wikitext]
Nagtrabaho si Mura bilang taga-itsa ng bola (o ball juggler) sa loob ng limang taon upang masuportahan niya ang kanyang pamilya. Naghangad siya maging artista, at umawit bilang pampalipas oras. Noong 2002, lumuwas siya tungong Maynila upang makahanap ng mas mainam na oportunidad sa trabaho. Sa kalaunan, nakahanap siya at naging pang-backup na mananayaw. Nadiskubre ng isang tagapamahala ng talento na inalok siya ng mas malaking oportunidad sa isang palabas.[3]
Sa kalaunan, noong 2003, bumulusok ang kanyang karera nang tinambal siya kay Mahal, na isang artistang pandak din. Nakilala si Mura bilang "kakambal" ni Mahal[4] at paminsan-minsang gumanap na "sidekick" ng mga karakter ng artistang si Vhong Navarro.[3] Naging mang-aawit din si Mura[5] kasama si Mahal, na nagkaroon ng tambalan sa Magandang Tanghali Bayan.[3]
Lumabas si Mura sa ilang mga pelikula tulad ng Volta (2004), D' Anothers (2005), Agent X44 (2007), Supahpapalicious (2008) at Kimidora and the Temple of Kyeme (2012). Sa telebisyon, lumabas si Mura sa Majika (2006) and Super Twins (2007).[3] Noong 2005, nakabili siya ng bukirin sa Bikol at naging magsasaka.[2]
Mga sanggunian[baguhin | baguhin ang wikitext]
- ↑ Matalog, Patricia (21 Agosto 2021). "Comedian Noemi 'Mahal' Tesorero passes away | Star Cinema". starcinema.abs-cbn.com (sa Ingles). Nakuha noong 5 Setyembre 2021.
- ↑ 2.0 2.1 2.2 "Mura, magsasaka na ngayon, nais bumalik sa showbiz" [Mura, now a farmer, wants to go back in showbiz]. ABS-CBN News. 10 Agosto 2021. Nakuha noong 1 Setyembre 2021.
- ↑ 3.0 3.1 3.2 3.3 3.4 "After disappearing from showbiz, Mura vows to make a comeback". GMA News (sa Ingles). 17 Hulyo 2015. Nakuha noong 1 Setyembre 2021.
- ↑ "Little actors who made it big in showbiz". PEP.ph (sa Ingles). 3 Oktubre 2007. Nakuha noong 5 Setyembre 2021.
- ↑ Mag Otso-Otso Tayo Bayan (2003, CD) (sa Ingles), nakuha noong 2021-09-02