Nabucodonosor II
Si Nabucodonosor II (Ingles: Nebuchadnezzar II) ang hari ng Babilonya mula 606 magpahanggang 5623 BK. Ilang mga buwan bago niya pinalitan bilang hari ang kanyang amang si Nabucodonosor I, kinuha niya ang Sirya at Palestina mula sa Ehipto sa pamamagitan ng labanan sa Carchemish, na nasa pangkasalukuyang Katimugang Turkiya. Dahil sa panghihikayat ng mga Ehipsyong mag-aklas laban kay Nabucodonosor II ang mga nasakop niyang mga tao, naglunsad siya ng panibagong mga sunud-sunod na kampanya. Kabilang dito ang pagdaan at pagsalakay sa maliit na kaharian Hebreo ng Judah, kasama ang kabisera nitong Herusalem. Maraming mga taong mula sa Judah ang natangay na bihag papunta at pabalik sa Babilonya.[1]
[baguhin] Pamana
Isa nang malaki at mayamang lungsod ang Babilonya noong maging hari si Nabucodonosor II. Subalit nagdagdag pa siya ng mga gusaling katulad ng Tarangkahan ng Ishtar (ang Ishtar Gate sa Ingles), pati ang Nakabiting mga Halamanan ng Babilonya. Itinayo ni Nabucodonosor ang halamanang ito para sa kanyang asawang si Amytis, sapagkat ayaw nito ng patag na kalatagan ng Babilonya. Isa ang halamanang ito sa naging sinaunang Pitong mga Kahanga-hanga ng Mundo.[1]
[baguhin] Mga sanggunian
- ↑ 1.0 1.1 Firth, Lesley (Patnugot Panlahat) atbp.. (1985). "Who was King Nebuchadnezzar?". Who Were They? The Simon & Schuster Color Illustrated Question & Answer Book. Little Simon Book, Simon & Schuster, Inc., Lungsod ng Bagong York, ISBN 0671604767., pahina 11.
