Nice

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Lungsod ng Niza, Pransiya
Watawat

Ang Niza (Pranses at Inggles: Nice, Oksitano: Niça o Nissa, Italyano: Nizza o Nizza Marittima) ay ang ikalimang pinakamataong lungsod sa Pransiya, kasunod ng Paris, Marsella, Lyon at Tolosa, na may populasyon na 348,721 sa loob ng wastong kinasasakupan nito sa laki na 721 km² (278 mi²). Matatagpuan sa timog-silangang baybayin ng Pransiya sa Dagat Mediteraneo, ang Niza ay ang ikalawang pinakamalaking lungsod na Pranses sa tagiliran ng Mediteraneo.

Ang lungsod ay binansagang Nice la Belle (Nissa la Bella sa Oksitano), na nangangahulugang "Nizang Maganda" - ito rin ang di-opisyal na pambayang awit, sinulat ni Menica Rondelly noong 1912. Ang Niza ay kabisera ng lalawigan ng Alpes Maritimos at ikalawang pinakamalaking lungsod sa rehiyon ng Provenza-Alpes-Costa Azul, kasunod ng Marsella.

Ang dakong kinalalagyan ngayon ng Niza ay pinaniniwalaan na isa sa mga sinaunang pinagtiranan ng tao sa Europa. Isa sa mga loteng nahukay, Terra Amata, ay nagpapakita ng katibayan ng umpisang paggamit ng apoy. Noong bandang 350 BC, ang mga Griyego ng Marsella ay nagtaguyod ng tirahang permanente at tinawag itong Nikaia, mula kay Nike, ang diyosa ng tagumpay[1].

Talasanggunian[baguhin]

  1. Ruggiero, Alain, ed (2006). Nouvelle histoire de Nice. Toulouse: Privat. pp. 17–18.