Osteopatiya

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Sa larangan ng medisina, ang osteopatiya (Ingles: osteopathy, osteopathic medicine, osteopathic manipulative medicine o OMM) ay ang panghihilot ng mga pilay at nabali o nalinsad na mga buto ng tao.[1] Isa itong sistema ng pagsasagawa ng panggagamot na gumagamit ng lahat ng pangkaraniwang tanggap na mga pamamaraan ng diyagnosis at pagbibigay-lunas sa karamdaman. Kabilang sa mga metodong ginagamit ang pagbibigay at pagpapainom ng mga gamot, siruhiya, rayo ekis, at manipulasyon o paghilot (pagmasahe). Noong 1874, ibinunsod ni Dr. Andrew Taylor Still ang larangan ng osteopatiya.[2]

Mga manggagamot[baguhin]

Tumatanggap ang mga manggagamot ng edukasyon, pagsasanay, at lisensiya katulad ng kung paano nabibigyan ang mga manggagamot ng medisina. Tumatanggap ang mga ito ng pamagat na Duktor ng Osteopatiya o D.O. pagkaraang makapag-aral sa isang kinikilalang mga dalubhasaan ng osteopatikong panggagamot. Pagkaraang magtapos, kinakailangan ng mga bagong manggagamot na ito na sumailalim sa pagiging interno sa loob ng isang taon, na masusundan ng pagiging residente, at ng programang pangkapatiran sa espesyal na mga pag-aaral. May paniniwala ang mga duktor ng osteopatiya na nangangailangan ang mabuting kalusugan ng tamang pagpapanatili ng ugnayang mekanikal ng sari-saring mga bahagi ng katawan.[2]

Mga sanggunian[baguhin]

  1. Gaboy, Luciano L.. "Osteopathy". Gabby's Dictionary, Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
  2. 2.0 2.1 "Osteopathy". The New Book of Knowledge (Ang Bagong Aklat ng Kaalaman), Grolier Incorporated. (1977)., Dictionary Index para sa O, pahina 288.



Panggagamot Ang lathalaing ito na tungkol sa Panggagamot ay isang usbong. Makatutulong ka sa Wikipedia sa pagpapalawig nito.