Paglilingkod sa pamayanan

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Ang paglilingkod na pampamayanan o serbisyong pangkomunidad ay isang inaambag na paglilingkod o gawain na isinasagawa ng isang tao o isang pangkat ng mga tao para sa kapakanan ng madla o ng mga panimulaan o institusyon nito. Ang pagboboluntaryo, pagpiprisinta o pagkukusang-loob ay kinasasangkutan ng mga boluntir (volunteer) na maaaring magbigay ng paglilingkod na pampamayanan, subalit hindi lahat ng mga taong nagbibigay ng serbisyong pampamayanan ay tinatanaw bilang isang boluntir, dahil ilan sa mga taong nagbibigay ng paglilingkod na pangkomunidad ay gumagawa nito dahil sa kanilang malayang kagustuhan o pagpapasya; sila ay sapilitang nagsasagawa nito dahil sa:

  • kanilang pamahalaan, bilang isang bahagi ng pangangailangan na pangpagkamamamayan, bilang kapalit ng paglilingkod na pangmilitar;
  • mga hukuman, bilang kapalit o bilang karagdagan sa ibang mga tadhanang parusa (mga sanksiyon) ng hustisyang pangkrimen;
  • kanilang mga paaralan, upang maabot ang mga pangangailangan ng isang klase, katulad ng sa kaso ng pagkatuto sa paglilingkod o upang maabot ang pangangailangan sa pagtatapos ng pag-aaral, o sa kaso ng mga magulang, pangangailangan upang makapagbigay ng pagkaranas at pamayanan, at upang matulungan silang makamit ang kanilang mga layuning pang-edukasyon, pangkaunlaran at panglipunan o pakikipagkapwa.

Ang mga oras at/o mga proyektong paglilingkod ng kabataan ay kadalasang kailangan para sa pagsulong, halimbawa na ang upang sumulong ang isang Iskawt papunta sa susunod na ranggo o upang makapagtapos ng pag-aaral ang isang estudyanteng nasa hayskul.

Ang pagkatuto sa paglilingkod o serbisyong pampagtututo ay isang sinasadyang pag-uugnay ng paglilingkod na pampamayanan sa ipinahayag na mga layuning pampagkatuto. Mahalaga ang pagkaranas ng mga kabataan sa paglilimi, pagpaplano, pagsasakatuparan, at pagtitika hinggil sa kanilang paglilingkod na pampamayanan, na makapagbibigay at makapagpapanatili ng pagkatuto sa paglilingkod na may mataas na kalidad o kaantasan. Nilalayon ito upang magawang isang epektibong kasangkapang pampagkatuto ang paglilingkod na pampamayanan.


LipunanTao Ang lathalaing ito na tungkol sa Lipunan at Tao ay isang usbong. Makatutulong ka sa Wikipedia sa pagpapalawig nito.