Pagpapasuso

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Isang inang nagpapasuso ng kanyang sanggol sa Brasil.

Ang pagpapasuso o pagpapadede ay ang pagpapakain at pagpapainom sa isang sanggol o bata ng gatas mula sa suso na tuwirang nanggagaling mula sa suso ng babaeng tao sa pamamagitan ng laktasyon, sa halip na mula sa isang boteng pambata o iba pang lalagyan. Mayroong hindi kusang pagsupsup o paghitit ang mga sanggol kaya't nakapagsasagawa sila ng pagsipsip at paglunok ng gatas. Karamihan sa mga ina ang nakapagpapasuso sa loob ng anim na mga buwan o mahigit pa, na hindi nangangailangang magdagdag ng pormulang pangsanggol o pagkaing buo.

Pinakamalusog sa lahat ng uri ng mga gatas para sa sanggol na tao ang gatas na nagmumula sa mga suso ng tao.[1] May ilang mga hindi kasali rito, katulad ng kapag gumagamit ang ina ng partikular na mga gamot o may tuberkulosis o HIV. Nakapagtataguyod ng kalusugan ang pagpapasuso, nakatutulong sa pag-iwas sa karamdaman, at nakababawas ng mga halagang pangpagpapakain at pangangalagang pangkalusugan.[2] Sa kapwa umuunlad at maunlad na mga bansa, may kaugnayan ang hindi likas na pagpapasuso sa mas maraming kamatayan dahil sa pagtatae ng mga sanggol.[3] Sumasang-ayon ang mga dalubhasa na kapakipakinabang ang pagpapasuso, ngunit maaaring hindi magkasundo hinggil sa tagal ng panahon ng pagpapasuso na pinaka kapakipakinabang, at ukol din sa paggamit na mga artipisyal na pormula ng gatas.[4][5][6]

Tingnan din[baguhin]

Mga sanggunian[baguhin]

  1. Picciano M (2001). "Nutrient composition of human milk". Pediatr Clin North Am 48 (1): 53–67. doi:10.1016/S0031-3955(05)70285-6. PMID 11236733. 
  2. Riordan JM (1997). "The cost of not breastfeeding: a commentary". J Hum Lact 13 (2): 93–97. doi:10.1177/089033449701300202. PMID 9233193. 
  3. Horton S, Sanghvi T, Phillips M, at iba pa. (1996). "Breastfeeding promotion and priority setting in health". Health Policy Plan 11 (2): 156–68. doi:10.1093/heapol/11.2.156. PMID 10158457. 
  4. Kramer M, Kakuma R (2002). "Optimal duration of exclusive breastfeeding". Cochrane Database Syst Rev: CD003517. doi:10.1002/14651858.CD003517. 
  5. Baker R (2003). "Human milk substitutes. An American perspective". Minerva Pediatr 55 (3): 195–207. PMID 12900706. 
  6. Agostoni C, Haschke F (2003). "Infant formulas. Recent developments and new issues". Minerva Pediatr 55 (3): 181–94. PMID 12900705. 



TaoBiyolohiya Ang lathalaing ito na tungkol sa Tao at Biyolohiya ay isang usbong. Makatutulong ka sa Wikipedia sa pagpapalawig nito.