Pananampalataya
Ang pananampalataya[1], o relihiyon ay karaniwang nangangahulugan sa paniniwala sa Diyos o pakikipag-ugnayan sa mga bagay o nilalang na di nakikita na kadalasa'y itinuturing na banal at nagreresulta sa pagsamba, pagdasal at mga ritwal. Ilan sa mga pananampalataya na may maraming mga tagasunod ay ang Kristyanismo, Islam, Hudaismo, Shintoismo, Buddhismo, Hinduismo, Sikhismo at Soroastrianismo. Nagmula ang salitang relihiyon (Kastila: religion, Ingles: religion) mula sa Latin na nangangahulugang "muling bigkisin" o "muling pagbugkusin".[2]
Ang pananampalataya ay isang anyo o uri ng mataas na pagtitiwala sa kabanalan ng isang persona dahil na rin sa uri ng diwa ng salitang narinig o nabasa na nagmula sa mga kasulatang banal.
Binibigyang kahulugan din ang pananampalataya - na katumbas ng pagtitiwala, pananalig, at paniniwala - bilang kalagayan o katayuan ng pagkakaroon ng katiyakan sa mga bagay na inaasahang makakamit (may pag-asa) bagaman hindi nakikita ang mga bagay na ito. Sa Kristiyanismo, sinasabing nangangahulugan ng pagtitiwala ang pagkakaroon ng pananampalataya kay Hesus, kasama dito ang paniniwala sa kung ano sinasabi ng Bibliya hinggil kay Hesus.[3]
Nag-ugat ang salitang pananampalataya mula sa sampalataya, na sinasabi namang nagbuhat sa wikang Sanskrit na sampratraya.[1] Tinatawag na kapanalig (magkapanalig, katumbas ng magkapananampalataya) ang mga taong may magkakatulad na pananalig o pananampalataya.[1]
[baguhin] Mga Pananampalataya
- Mga Relihiyong Abramiko ay ang pananampalataya sa Diyos ni Abraham, ang mga relihiyon sa ilalim ng kategoryang ito'y naniniwala sa parehong Hudyong Propeta na si Abraham at gumagamit sila ng parehong libro na ang Torah.
- Hudaismo ang relihiyon kung saan sila'y naniniwala lamang sa mga Propeta ng Torah, sila'y dumedepende sa ilalim ng patnunubay ng mga Rabbi. Ito'y pinapraktis ng mga Jewish, isang katutubong grupo na basi sa Israel pero'y dahil sa sila'y nagrami sa abayong dagat.
- Kristyanismo ay sentro sa Buhay at ang mga aral na tinuro ni Hesukristo, sila'y naniniwala na si Hesukristo ay ang Diyos Anak. Naging marami ang Kristyano noong pagcolonize ng mga Europeo sa mga ibang bansa. Gayun pa man ang Kristiyanismo ay hati sa tatlo; Katolisismo, Protestantismo at Ortodoksiya (Ito'y hati rin sa Dalawa, Silangang Ortodoksiya o Oriental na Ortodoksiya at Kanluraning Ortodoksiya.
- Islam tinutukoy ang relihiyon nasimulan at naturo ang Muslim na Propeta na si Muhammad. Ang Islam ay dominante sa Hilagang Aprika, Timog Asya at Gitnang Silangan. Katulad ng Kristyanismo ang Islam ay hati sa mga maraming grupo ng mga tradisyon na kaladsa'y tinutukoy na Shia at Sunni.
- Pananampalatayang Bahá'í ay isang relihiyon na tinatanggap ang lahat ng mga propeta galing sa Hudaismo, Kristyanismo at Islam, at mayroong rin mga dinagdag na mga propeta katulad ng kanilang Founder na si Bahá'u'lláh.
- Mayroong mga maliliit na mga grupo nasa ilalim ng Abramiko katulad ng Rastafari, Mandaeismo, atbp.
- Mga Relihiyong Indyano ay sinimulan sa Subcontinent ng Indya. Ang mga bagay na kasing pareho sa kanila ay ang Karma, Mga Mantra, Mga Yantra, Kasta, Pagbabalik Buhay at Darsana. Ang Islam sa Indya rin ay na inpluwensya sa Indyanong Kultura.Hinduismo,Budismo,Sikhismo ang paniniwala sa mga turo ni Guro Nanak at mga kasunod na mga sampung guro at Jainismo ay ang apat na pananampalataya na bahagi ng Relihiyong Indyano.
- Shintoismo ay isang pananampalataya na nagsimula sa Hapon. Ang pananampalatayang ito'y naniniwala sa Kami, mga spiritong naninirihan sa mundo.
[baguhin] Mga sanggunian
- ↑ 1.0 1.1 1.2 Blake, Matthew. (2008). "Pananampalataya, faith, sampalataya (Sanskirt: sampratraya), kapanalig, atbp.". Tagalog English Dictionary-English Tagalog Dictionary. Bansa.org.
- ↑ Gyatso, Tenzin, His Holiness the Dalai Lama, "religion" (to bind again; binding; tying up)), pagmumuni-muni para sa ika-10 araw ng Marso, The Path to Tranquility, Daily Wisdom, inipon at pinanutnugutan ni Renuka Singh, Viking/Arkana, Penguin Group, Lungsod ng Bagong York, pahina 78, ISBN 0-670-88759-5
- ↑ The Committee on Bible Translation. (1984). "Faith". The New Testament, God's Word, The Holy Bible, New International Version (NIV). International Bible Society, Colorado, USA.
