Pangasiwaan ng Segurong Sosyal
| Pangasiwaan ng Segurong Sosyal (Social Security Administration) |
|
 Opisyal na tatak |
|
| Buod ng ahensya | |
|---|---|
| Binuo | Agosto 14, 1935 |
| Nasasakupan | Pamahalaang pederal ng Estados Unidos |
| Punong-tanggapan | Woodlawn, Maryland |
| Mga manggagawa | 62,000 |
| Taunang badyet | $657.3 bilyon (Taong Piskal ng 2008)[1] |
| Mga Tagapagpaganap ng ahensiya | Michael J. Astrue, Komisyonero Bakante, Pangalawang Komisyonero (Deputy Commissioner) |
| Websayt | |
| www.ssa.gov | |
Ang Pangasiwaan ng Segurong Sosyal o Pangasiwaan ng Segurong Panlipunan, o Pangasiwaan ng Panlipunang Seguridad ng Estados Unidos, kilala sa Ingles bilang Social Security Administration (SSA)[2], ay isang nagsasariling ahensya ng pamahalaang pederal ng Estados Unidos na nangangasiwa ng Segurong Sosyal, isang programa para sa segurong panlipunang binubuo ng mga benepisyo sa pagreretiro, disabilidad, at pangnakaligtas. Upang makatanggap ng ganitong mga benepisyo, karamihan sa mga manggagawang Amerikano ang nagbabayad ng mga buwis na pang-Segurong Sosyal sa kanilang mga kita; nakabatay ang panghinaharap na mga benepisyo sa mga kontribusyon ng mga empleyado.
Inilunsad ang Pangasiwaan ng Segurong Sosyal sa pamamagitan ng isang batas na kasalukuyang isinakodigo sa 42 U.S.C. § 901. Kasulukuyang komisyonero nito si Michael J. Astrue, na nanumpa noong Pebrero 12, 2007 at magtatapos ang anim na taong tagal ng termino sa Enero 19, 2013.
Nasa Woodlawn, Maryland, ang punong-tanggapan ng SSA, na nasa kanluran lamang ng Baltimore, na nasa nakikilala bilang Central Office o "Punong Tanggapan" (literal na "tanggapang sentral"). Binubuo ang ahensya ng 10 opisinang pangrehiyon, 8 mga sentrong pamproseso, tinatayang mga 1,300 na mga opisinang sanga at nakakalat sa iba't ibang mga pook, at 37 mga Sentrong Teleserbisyo. Magmula 2007, nasa bandang 62,000 mga tao ang naghahanapbuhay para sa SSA.[3] Sa kasalukuyan, ang segurong sosyal ang pinakamalaking programa na pangkabutihang panlipunan sa Estados Unidos, na binubuo ng 37% ng gugulin ng pamahalaan at 7% ng GDP.[4]
Mga sanggunian [baguhin]
- ↑ SSA, Ang Badyet para sa Taong Piskal ng 2008, Ulat Pambalita, napuntahan noong 4 Setyembre, 2007.
- ↑ (SSA Pub. No 25-1556 p. 7)
- ↑ SSA, How We're Organized, napuntahan noong 4 Setyembre, 2007
- ↑ Feldstein, M. (2005). Rethinking social insurance. American Economic Review, 95(1), pp. 1-24.
Mga kawing panlabas [baguhin]
- Social Security Online, ang opisyal na websayt ng Pangasiwaan ng Segurong Sosyal
- Isang Maikling Kasaysayan - Pampletong Opisyal
- Talaan ng mga Daglat
- Pangasiwaan ng Segurong Sosyal sa Ibang mga Wika (Social Security Information in Other Languages), Multilanguage Gateway, SSA.gov (Tagalog)
