Reptilia

Reptilia Hangganan ng labi: 320–0 Ma PreЄ Є O S D C P T J K Pg N Carboniferous – Recent
Mula sa kaliwa hanggang sa kanan: (Caiman crocodilus), (Chelonia mydas,), (Crotalus adamanteus) at (Sphenodon punctatus)
Pag-uuring pang-agham
Kaharian: Animalia Kalapian: Chordata Subkalapian: Vertebrata (di-nakaantas) Amniota (di-nakaantas) Sauropsida
Mga kasamang pangkat
Crocodilia Sphenodontia Squamata Testudines Para sa mga nalipol na orden, tingnan ang teksto
Hindi kasamang mga pangkat
Aves

Ang mga miyembro ng klaseng Reptilia o Reptilya ay humihinga ng hangin, malamig ang dugo at mga bertebrado na ang balat ay nababalutan ng kaliskis di gaya ng buhok at balahibo ng ibang hayop. Sila ay mga tetrapod at amniota, at ang kanilang mga embriyo ay nababalutan ng amniyotikong membrano. Ang mga modernong reptilya ay natatagpuan sa lahat ng kontinente maliban na lang sa Antartika. Mayroong apat na buhay na orden ang kinikilalang napapabilang dito:

• Crocodilia, mga buwaya: 23 mga uri
• Sphenodontia, ang (tuatara mula sa Bagong Selanda): 2 mga uri
• Squamata, butiki at ahas: tinatayang mga 7,900 na uri
• Testudines, mga pagong: tinatayang mga 300 uri

Ang karamihan sa mga uri ng reptilya ay nangingitlog pero may mga uri ng squamata ang nagsisilang ng buhay na supling. Nagagawa ito sa pamamagitan ng obobibiparidad (pagkupkop ng itlog sa katawan), o bibiparidad (pagsilang ng hindi gumagamit ng kalsipikadong itlog). Marami sa mga bibiparong uri ay pinapakain ang kanilang mga petus sa pamamagitan ng iba't ibang uri ng plasenta na katulad sa mga mamalya at inaalagaan ang mga anak. Ang laki ng mga nabubuhay na reptil ay mula sa Sphaerodactylus ariasae, na hanggang 1.6 cm (0.6 pulgada) hanggang sa Crocodylus porosus na maaaring umabot sa 6 m ang haba at bigat na lumalampas sa 1,000 kg. Ang pag-aaral ng mga reptilya ay tinatawag na herpetolohiya.