Roberto Salido

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Si Roberto S. Salido (1936 - ) ay isang Pilipinong imbentor na kilala sa kanyang imbensiyon ng mga pataba sa halaman. Nakatanggap siya World Intellectual Property Organization (WIPO) Gold Medal Award para sa pinakanatatanging imbensiyon. Siya rin ay naparangalan ng National Science Development Board (NSDB) Award, Presidential Panday Pira Award (1976), National Science and Technology Authority (NSTA) Award (1989), Department of Science and Technology (DOST) - Technology Application and Promotion Institute's Top Prize.

Nagtapos ng abogasya sa Ateneo de Manila si Roberto pero natagpuan niya ang sarili na mas masaya sa pag-aalaga ng halaman kaysa sa abogasya na sabi nga niya ay nagpapataas ng presyon ng dugo. Iniwanan niya ang pagiging abogado at itinatag ang kanilang sariling pampamilyang korporasyon, ang Sagana 100 Philippines. Nakilala ang kanyang patabang Sagana 100 kaya pinagkalooban siya ng WIPO Gold medal dahil dito. Kinilala rin siyang "Outstanding Entrepreneur" ng Department of Trade and Industry at ginawaran ng Masikap Award noong 1975. Nabigyan naman siya ng DOST-IACT Gold Medal for Producing the most Oustanding Agicultural Product Invention noong taong 1989.

Naging inspirasyon ni Salido ang artikulong isinulat ni Edward Teller, kung saan nanawagan ito na gumamit ng pataba na makapagpapanumbalik sa nutrisyon ng lupa. Natanim sa isipan ni Salido ang posibilidad na makagawa ng patabang hindi magdadagdag kemikal sa lupa, bagkus ay mapapanatili ang balanse ng ekolohidad. Ang kanyang pormulasyon ay binubuo ng nitrogen, phosphorus, potash, humus, beneficial microbes (nitrogen-fixing bacteria), micro and trace elements, agricultural time at plant hormones.

Sanggunian[baguhin]