Santa Marcela, Apayao

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Bayan ng Santa Marcela
—  Bayan  —
Mapa ng Apayao na nagpapakita sa lokasyon ng Santa Marcela.
Bansa Pilipinas
Rehiyon Cordillera Administrative Region (CAR)
Lalawigan Apayao
Distrito Mag-isang Distrito ng Apayao
Mga barangay 13
Pamahalaan
 • Punong-bayan Evelyn B. Martinez
Laki
 • Kabuuan 196.32 km2 (75.80 sq mi)
Populasyon (2010)
 • Kabuuan 11,731
Zip Code 3811
Kaurian ng kita -
PSGC 148107000

Ang Bayan ng Santa Marcelina ay isang Ika-5 klaseng bayan sa lalawigan ng Apayao, Pilipinas. Ayon sa senso noong 2000, ito ay ma populasyon na 9,856 sa may 1,995 na kabahayan.

Ang mga bayan ng Santa Marial at ng Pudtol ay mga orihinal na bahagi ng Luna bago nila nakamtan ang estado ng pagiging bayan.

Ang kasaysayan ng pagsisimula ng Bayan ng Sta. Marcela ay nagsisimula sa pangalan ni ginoong Narciso "Arsing" Pascua Guillermo.

Si Narciso P. Guillermo ay ipinanganak noong 10 Oktubre, taong 1935, sa Ilocos Norte kung saan naninirahan ang kanyang Ina. Siya binawian ng buhay sa edad na 77 taong gulang noong 25 Marso 2013.

Namulat si Narciso sa isang mahirap na pamilya, hindi na niya rin inabutan ang kanyang ama, dahil ang araw ng kanyang kapanganakan ay siya ring araw ng kamatayan ng kanyang ama.

Sa kanyang kabataan, si Narciso ay itinuring na isang huwarang mag-aaral, dahil sa angking galing sa Ingles, Matematika at Agham.

Noon sumiklab ang Ikalawang-Digmaang Pandaigdig ng 1941, si Narciso ay anim na taon pa lamang at dahil sa murang edad nito, walang ginawa ang mga hapon kundi sila ay pagkatuwaan dahil ayon sa kanya, ang mga hapon ay lubos na natutuwa sa mga kabataan dahil naalala rin nila ang kanilang mga anak na kanilang iniwan sa kanilang bansa.

Noong siya ay nagbinata, si Narciso ay hindi na naisipan pang bumalik sa paaralan, bagkus ay mas naging aktibo siya sa politika.

At di paglaon ay nakilala ni Narciso, si Manuela Divina na naging kasintahan niya at di nagtagal ay kanya rin itong pinakasalan.

Si Narciso ay naging isang mabuting Asawa kay Manuela, na binigyan niya ng palayaw ng "Liling" na ang ibig sabihin ay "malapit sa puso ko". Sila ay nagkaroon ng walong Anak na sina: ang kanilang panganay na si Narciso D. Guillermo, Jr., na binawian rin ng buhay dahil sa sakit na Lukemia, ngunit siya ay nakapag-asawa at nagkaroon muna ng dalawang anak (na ngayon ay naninirahan sa Calgary, Canada) bago siya mamatay.

Ang mga sumunod naman ay sina: Ricardo D. Guillermo, Reynaldo D. Guillermo, Romulo D. Guillermo, Julieta Guillermo-Letrondo, Johnny D. Guillermo at si Jennifer Guillermo-Reyes. Sila ay kasalukuyang naninirahan sa mga magkakalayong lugar sa Pilipinas kasama ang kani-kanilang mga asawa.

ANG PAGKAKATATAG NG STA. MARCELA

Si Narciso Pacua Guillermo ay isa sa mga naging kauna-unahang Sangguniang-Bayan sa Luna, Cagayan na noon ang Sta. Marcela ay itinuturing pa lamang na isang Barangay na kabahagi ng lugar na ito.

At dahil sa malaking paglago at pag-asenso ng Brgy. Sta Marcela noon, ay minabuti ni Narciso na hingin ang payo ng Kongreso upang maging isang ganap na Bayan ang Sta. Marcela.

At dahil sa kanyang pagpupursige, pumunta si Narciso sa Lungsod ng Maynila upang makausap ang mga Kongresistang aayon sa kanyang iminumungkahing pagtatatag ng isang bayan.

Lumipas ang ilang taon bago ibinilang ang Sta. Marcela bilang isang ganap na Bayan sa pamamagitan ng mungkahing ibinigay ni Narciso P. Guillermo. Sa kasamaang palad noong ito'y maaprubahan na ng Kongreso, ipinahatid ng Kongreso na si Narciso ang dapat naging kauna-unahang Alkalde ng Sta. Marcela ngunit si siya ay wala na sa Sta. Marcela, dahil siya ay nanirahan kasama ng kanyang pamilya sa Maynila at nagtatrabaho bilang Chief Inspector ng isang Security Agency.

At sa kadahilanang ito, ang kaibigan ni Narciso, na si Guillermo Barsatan na kiala rin sa pangalang "Gimo" ang kanyang matalik na kaibigan, ang naging kauna-unahang Alkalde ng Bayan ng Sta. Marcela.

Sa init ng politika sa Kalinga-Apayao noon, si Guillermo Barsatan ay ipinadukot ng mga pinaghihinalang mga kalaban sa politika at dahil sa pagsiklab ng balitang iyan na nakarating kay Narciso, nagmadali itong umuwi pabalik ng Sta. Marcela upang maging "Acting Mayor" ng Bayan.

Ipinahanap ni Narciso si "Gimo", ngunit kahit ang bangkay nito ay hindi na natagpuan. Na hanggang sa kasalukuyan ay isang malaking katanungan pa rin kung nasaan nga ba dinala si Guillermo Barsatan.

Sa kasalukuyan si Evelyn Barsatan Martinez, isa sa mga anak ni Guillermo Barsatan ang tumatayong Alkalde ng Bayan ng Sta. Marcela.

At sa panahong ito, makikita natin ang Pangalan ni Narciso P. Guillermo at Guillermo Barsatan sa munomento na nakatayo sa tapat ng munisipyo sa Bayan ng Junction Luna Abulog, Cagayan.

Mga Barangay[baguhin]

Ang bayan ng Santa Marcela ay nahahati sa 13 mga barangay.

  • Barocboc
  • Consuelo
  • Imelda (Sipa Annex)
  • Malekkeg
  • Marcela (Pob.)
  • Nueva
  • Panay
  • San Antonio
  • Sipa Proper
  • Emiliana
  • San Carlos
  • San Juan
  • San Mariano

Mga Kawing Panlabas[baguhin]

Coordinates: 18°17′ N 121°26′ E