Tagalog na Wikipedia
 |
|
|---|---|
|
Screenshot
 |
|
| URL | tl.wikipedia.org |
| Pang-komersyo? | Hindi |
| Uri ng sayt | Proyektong Ensiklopedyang Pang-Internet |
| Pagrehistro | Hindi sapilitan |
| Mga wikang mayroon | Tagalog |
| May-ari | Pundasyong Wikimedia |
Ang Tagalog na Wikipedia ay ang edisyon ng Wikipedia sa wikang Tagalog na nagsimula noong Disyembre 2003. Mayroon na itong higit sa 23 libong mga artikulo at pang-63 sa talaan ng mga Wikipedia ayon sa dami ng artikulo noong Setyembre 3, 2009. Noong buwan rin na iyon, sa mga wika sa Pilipinas na may edisyon ng Wikipedia, pumapangalawa lamang ito sa Sebwanong Wikipedia (na may higit sa 40 libong mga artikulo) sa dami ng artikulo ngunit mayroon 44 puntos sa lalim ng kalidad laban sa 1 puntos ng Sebwanong Wikipedia at ng Waray-Waray na Wikipedia.
Mga nilalaman |
Kontrobersiya sa pangalan ng proyekto [baguhin]
Sang-ayon sa ibang mga Wikipedista sa Tagalog at Ingles na mga Wikipedia, ang Wikipediang ito na rin ang kumakatawan sa wikang Filipino.[1][2][3] Ayon naman sa Vibal Foundation, isang pundasyon na pinasimunuan ang WikiPilipinas, magkaiba daw ang tinayo nitong wiki na WikiFilipino sa Tagalog na Wikipedia dahil gumagamit ang WikiFilipino ng Filipino at Tagalog naman ang Tagalog na Wikipedia.[4] Ang pagkakaiba o pagkakapareho ng Tagalog sa Wikipedia ang naging sanhi pagtatalo ng mga tagagamit sa pangalan ng proyekto. Nabanggit ang pagtatalong ito sa isang artikulo ng DILA (Defenders of the Indigenous Languages of the Archipelago)[5], isang samahan na pinagsasangalang ang mga katutubong wika ng Pilipinas.
Kasaysayan [baguhin]
Sinimulan ang Tagalog Wikipedia, Ang Malayang Ensiklopedya, noong Disyembre 2003. Sa kasalukuyan, mayroon na itong 61,435 mga artikulo.[6] Naging ika-10,000 artikulo ang Bantayan, Cebu noong Oktubre 20, 2007, samantalang ang Pasko sa Pilipinas ang naging ika-15,000 noong Disyembre 24, 2007.[7] Naabot ang ika-16,000 artikulo nang malathala ang Pandaka pygmaea noong Marso 11, 2008.[8] Nakumpleto sa Betawiki (o Translatewiki.net) ang pagsasapook o lokalisasyon ng pagsasalinwika ng mga mensaheng pangsopwer ng Tagalog Wikipedia noong Pebrero 6, 2009.[9]
Taong 2011, bahagi ang Tagalog Wikipedia sa proyektong pananaliksik na WikiHistories fellowship ng Wikimedia Foundation. Sinusubok ng proyekto ang paglahad ng mga tagumpay, kabiguan, at pang-araw-araw na pakikibaka ng mga patnugot na nagsusumikap na maging ganap ang pangarap na pandaigdigang pagbabahagi ng kaalaman.[10]
Estadistika [baguhin]
- Hunyo 30, 2008: Silindro - ika-17,000 artikulo[11]
- Agosto 5, 2008: Unang Aklat ng mga Macabeo - ika-18,000 artikulo[12]
- Oktubre 2, 2008: Heriyatriko - ika-19,000 artikulo[13]
- Nobyembre 1, 2008: Anak ng Tao - ika-20,000 artikulo[14]
- Marso 22, 2010: Sky Girls - ika-25,000 artikulo[15]
- Hulyo 20, 2010: Charlottenburg-Wilmersdorf - ika-30,000 artikulo[16]
- Oktubre 25, 2010: 1714 Sy - ika-40,000 artikulo[17]
- Nobyembre 9, 2010: Ekonometriks - ika-45,000 artikulo[18]
- Enero 15, 2011: Yu-Gi-Oh! Zexal - ika-50,000 artikulo[19]
- Pebrero 4, 2013: Lalaking Vitruvio - ika-60,000 artikulo[20]
Mga unang hakbang ng Tagalog Wikipedia [baguhin]
- Ang unang naikargang artikulo ay Wikipedia (maliban sa Unang Pahina), noong Marso 25, 2004.
- Noong maluwag pa ang pamantayan ng Tagalog Wikipedia, ang pinaka-unang Napiling Artikulo ay ang Livestrong wristband, ngunit napalitan ito ng artikulong Kimika (ayon sa nabagong pamantayan).[21] Ngunit napalitan din ang Kimika dahil sa isang proseso ng pagsusuri at pagbabalik-tanaw.[22]
- Gayundin, ang unang Napiling Larawan ay ang Image:Flutterbye.jpg para sa artikulong Paru-parong Viceroy, subalit napalitan ng Image:St Vitus stained glass.jpg na para sa artikulong Katedral ng San Vitus.[23]
- Ang tatlong unang artikulong pang-Alam Ba Ninyo? ay ang Web browser, Wikang Bulgaro, at Pilipinas.[24]
- Naaprubahang may kundisyon ang Tagalog Wikinews (Wikibalita) noong Disyembre 19, 2007.[7]
- Nagkaroon ng seksyong Sa Araw na Ito sa Unang Pahina noong Abril 2, 2008, ngunit pansamantalang itinago ito noong Mayo 3, 2008 dahil sa kakulangan ng taga-ambag sa bahaging ito.[25][26]
Tingnan din [baguhin]
Mga sanggunian [baguhin]
- ↑ Wikipedia:Pamantayang pangwika ; Wikipedia:Gabay sa abakada at pagbabaybay
- ↑ Wikipedia:Kapihan: "Filipino Wikipedia (na nasa Wikimedia Incubator)"
- ↑ Kaugnay: The Filipino Wiktionary Debate (formerly It's official) (WP:Tambay Archive14.)
- ↑ "WikiFilipino, Isang Pagsusuri". Kristine Mandigma. Vibal Foundation. http://www.vibalfoundation.org/?p=16. Nakuha noong 2009-05-15.
- ↑ "The Subdialect Filipino". Edwin Camaya. Defenders of the Indigenous Languages of the Archipelago. http://www.dila.ph/subdialect_filipino.pdf. Nakuha noong 2009-05-15.
- ↑ Tagalog Wikipedia - unang pahina, isinangguni noong: Oktubre 20, 2007.
- ↑ 7.0 7.1 Mula sa Announcements (Mga Paunawa) sa Wikipedia:Tambayan ng Ingles na Wikipedia
- ↑ Mula sa pahina ng usapan ng Pandaka Pygmaea
- ↑ Tala ng gawain sa Translatewiki.net (Betawiki), noong Pebrero 6, 2009.
- ↑ Mula sa pahina ng proyekto ng WikiHistories
- ↑ Pahina ng usapan ng Silindro
- ↑ Pahina ng usapan ng Unang Aklat ng mga Macabeo
- ↑ Pahina ng usapan ng Heriyatriko
- ↑ Pahina ng usapan ng Anak ng Tao
- ↑ Pahina ng usapan ng Sky Girls
- ↑ Pahina ng usapan ng Charlottenburg-Wilmersdorf
- ↑ Pahina ng usapan ng 1714 Sy
- ↑ Pahina ng usapan ng Ekonometriks
- ↑ Vitruvio Pahina ng usapan ng Yu-Gi-Oh! Zexal
- ↑ Vitruvio Pahina ng usapan ng Lalaking Vitruvio
- ↑ Mula sa Supnayan ng Tagalog Wikipedia
- ↑ Wikipedia: Pagbabalik-tanaw sa artikulong Kimika, Marso 25-26, 2008.
- ↑ Mula sa Supnayan ng Tagalog Wikipedia.
- ↑ Mula sa pahinang pangkasaysayan ng Suleras ng Alam Ba Ninyo?
- ↑ Mula sa kasaysayan ng Wikipedia:Mga pangyayari noong unang panahon
- ↑ Mula sa kasaysayan ng Unang Pahina
