Tapir
Mula sa Tagalog na Wikipedia, ang malayang ensiklopedya
| Tapir | ||||||||||||
|---|---|---|---|---|---|---|---|---|---|---|---|---|
 |
||||||||||||
| Pag-uuring pang-agham | ||||||||||||
|
||||||||||||
| Uri | ||||||||||||
|
Tapirus bairdii |
Ang mga tapir[1] ay malalaking mga mamalyang nanginginain ng damo sa mga pastulan, kawangis ng mga baboy sa hugis na may maiksi at napapagalaw na mga nguso. Namumuhay sila sa mga kagubatan ng Timog Amerika, Gitnang Amerika, at Timog-Silangang Asya. Ibinibilang ang lahat ng apat na uri ng mga tapir sa mga nanganganib na mga hayop. Pinakamalapit nilang kamag-anak ang iba pang mga ungguladong mamalyang may mga di-pantay na bilang ng mga daliri sa paa, katulad ng kabayo at rinosero.
Mga nilalaman |
[baguhin] Katangian
Naglalagi ang mga ito sa mga kagubatan na may anyo ng tubig na dumadaloy. Sapagkat, mahiyain, malimit na gumagala lamang sila pagsabit ng gabi para manginain ng mga prutas, dahon, at iba pang mga bahagi ng mga halaman.[1]
[baguhin] Reproduksyon
Nagluluwal lamang ng isang anak ang mga tapir sa panahon ng kanilang siklo ng reproduksyon. Kaiba ang anyo ng balahibo ng isang sanggol na tapir kapag inihambing sa ina nito. Mas maraming mga guhit at tuldok ang sa batang tapir na may madilim na balahibo.[1]
[baguhin] Mga uri
May apat na uri ng mga tapir:
- Tapir ni Baird, Tapirus bairdii (Gitnang Amerika, Katimugang Mehiko, Colombia)
- Tapir ng Malaya (o Asyatikong Tapir), Tapirus indicus (Asya)
- Tapir Pambundok, Tapirus pinchaque (Colombia, Ecuador, Peru)
- Tapir ng Brazil (o Tapir Pangkapatagan), Tapirus terrestris
