Te Deum

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Ang Te Deum (na nakikilala rin bilang Himnong Ambrosiano o Isang Awitin ng Simbahan) ay isang himno ng papuri ng sinaunang mga Kristiyano. Ang pamagat ay kinuha magmula sa pambungad nitong mga salitang Latin na Te Deum laudamus, na may kahulugang "Ikaw, O Diyos, pinupuri namin".

Ang himno ay nananataling ginagamit nang regular sa Simbahang Katoliko sa loob ng Tanggapan ng mga Pagbasa na matatagpuan sa Liturhiya ng mga Oras, at bilang pagpapasalamat sa Diyos dahil sa isang natatanging pagpapala na katulad ng paghalal ng isang papa, ang konsekrasyon ng isang obispo, ang kanonisasyon ng isang santo, isang propesyong relihiyoso, ang paglalathala ng isang tratado ng kapayapaan, isang koronasyong maharlika, atbp. Inaawit ito tuwing pagkatapos ng Misa o ng Tanggapang Banal o bilang isang nakabukod na seremonyang panrelihiyon.[1] Ang himno ay nananatali pa ring ginagamit sa Komunyong Anglikano at ilang mga Simbahang Lutherano sa kahalintulad na mga tagpuan.

Sa tradisyunal na Tanggapan (Opisina), ang Te Deum ay inaawit sa hulihan ng Matins sa lahat ng mga araw kapag binabanggit ang Gloria sa Misa; ang mga araw na ito ay ang lahat ng mga araw ng Linggo na nasa labas ng Adbiyento, Septuagesima, Mahal na Araw, at Passiontide; sa lahat ng mga kapistahan (maliban sa Triduum) at sa lahat ng mga perya tuwing Eastertide. Bago sumapit ang mga reporma noong 1962, kapwa hindi sinasambit ang Gloria at ang Te Deum sa pista ng Mga Inosenteng Banal, maliban laban kapag bumagsak ito sa araw ng Linggo, dahil naging martir sila bago ang kamatayan ni Kristo at kung gayon ay hindi kaagad makapagkakamit ng pananaw na beatipiko.[2] Ang isang indulhensiyang plenaryo ay iginagawad, sa ilalim ng karaniwang mga kalagayan, sa mga bumibigkas nito sa publiko tuwing Bisperas ng Bagong Taon.[3]

Sa Liturhiya ng mga Oras ni Papa Pablo VI, ang Te Deum ay inawit sa hulihan ng Tanggapan ng mga Pagbasa sa lahat ng mga Linggo maliban na lamang sa nasa Kuwaresma, sa lahat ng mga seremonya ng kataimtiman, kabilang na ang mga oktabo ng Pasko ng Pagkabuhay at ng Pasko, at sa lahat ng mga kapistahan.[4] Ginagamit din ito sa piling ng pamantayang mga kantikulo na nasa loob ng Panalangin sa Umaga ayon sa pag-aatas ng Angglikanong Aklat ng Karaniwang Panalangin, sa loob ng Matins para sa mga Lutherano, at pinanatili ng maraming iba pang mga simbahan na nasa tradisyon ng mga Repormado.

Isang bahagi ng pagtatakda ng Te Deum na ginawa ni Marc-Antoine Charpentier ay ang antem o awit ng Eurovision. Ang preludo o pambungad na instrumental ay pinatugtog sa pagbubukas, mga interbal at pagsasara o pagwawakas ng palabas.

Mga sanggunian[baguhin]

  1. "The Te Deum (cont.)". Musical Musings: Prayers and Liturgical Texts — The Te Deum. CanticaNOVA Publications. http://www.canticanova.com/articles/hymns/artd42.htm. Nakuha noong 2007-07-07. 
  2. "Holy Innocents". Catholic Encyclopedia. (1913). New York: Robert Appleton Company. Nakuha noong 2010-04-14.
  3. "Te Deum". http://www.ewtn.com/Devotionals/prayers/Te_Deum.htm. Nakuha noong 2011-12-31. 
  4. "General Instruction of the Liturgy of the Hours". http://www.ewtn.com/library/curia/cdwgilh.htm#Ch%20II-III. Nakuha noong 2007-12-02.